Read Ateso Nakum 2 Bible Online

Nakum 2 - Ateso bible

Nakum 2

¹Abu aŋololol loidecideci kobu akonyenekon. Kidar abwas, kirere erot, Kitogogoŋ aŋabetekon, Kiticat akonipedor baaba.

²Naarai inyakuni EJAKAIT ajokis naka Yakob, Kwape ajokis naka Isirael: Naarai apiasi ikaŋatak kes, Amunaasi da atenunakec nuka emusabibu.

³Iterenitai ebuku loka iketuŋa lukirigin, Enapitos ituŋa lukatitiŋok lukareŋak, Emwekimwekete aisinin nuka agalin Kapaaran naka aitemonokinike. Iniŋio noi akwaras.

⁴Ikerepikinito agalin korotin, Enaŋanakinos korotin luelalak: Etakanete kesi bala akalasia, Egumitos bala aimiliaunun.

⁵Iituni ŋesi isotiake: Iguikinos kairacakec; Iwonyete arwatatake, Itemonokinitoi eupal lopeti.

⁶Eŋaara irutei luka icorin, Ebaikini etogo loka ekabaka.

⁷Epukoro Kusab, edakario, Ibworos apesuruke bala iporotoi luka ajeleik, Kodipidipete atorobusiokec.

⁸Konye ageun apeŋo koputos Ninebe Bala atapar naka akipi: Konye ekerete. Kiworoete ebe, “Kobwaata, kobwaata!” Konye mam yeneŋoliari kau.

⁹Koyaŋaasi yesi luŋatuna luka epuesa, Koyaŋaasi da luŋatuna luka esabu! Naarai mam iboro edaununos, Abar naka iboro kere luisiyalamikinito.

¹⁰Ikokooro ŋesi, asilior, emejeiki: Epirisar etau, iriamanakinos akuŋin, Eriebete noi aŋabes kere, Ijulakinos da akonyenekec kere.

¹¹Ani bo abua naka iŋatunyo, Ka aibois da naenyamiata iŋatunyo ludidik, Naesakasakatotor eŋatuny ka aŋatuny, Ka ikoku yenika eŋatuny, komam yenitukuriani kes?

¹²Kopoopo eŋatuny luedaunete idweke, Komiedanak aŋatunyoke; Kileleb abuaike lumejauna, Ka aburinike da luŋatan.

¹³Ebala EJAKAIT loka ajoresio ebe, Koany aluikin eoŋ jo, ecwei agalinikon [1] kotoma apuru, iŋinyari ekileŋ inarunyckon ludidik: amudiari da lumejaunakon kakwap, mam bobo iiraros iporotoi luka ikiyakiakon.