Read Ateso Kabakuk 3 Bible Online

Kabakuk 3 - Ateso bible

Kabakuk 3

¹Ailip naka Kabakuk enabi, naituruo epororo loka Sigionot.

²Wu EJAKAIT, apup iemutokon, akurianar: Wu EJAKAIT, kisikwar akoniswam kokidiŋ kikar, Kitejen kokidiŋ kikar; Kanyunyura kiitu aitim.

³Ebuni Edeke koTeman, Lokalaunan komoru Paran. Erapi aibusesuke akuj, Ileleba akwap aituritike. Sela.

⁴Esubit amwekimwekeke bala aica; Kolomunete amumwara kakanike; Nen da ebwaitor akepedor.

⁵Kiŋarenik ŋes atular, Kolomasi imalia luesaranete kakejeneke.

⁶ Abu kobwo, kitem akwap; Kosesen, kisirieŋ atekerin; Kisiarisiar iroŋan luŋo, Kokukumoto iukon lukasonya. Akelosito araas nupeŋo.

⁷Abu kaany iweman luka Kusan kiticanitoi; Komaranete aigalisio nuka akwap nako Midian.

⁸ Abu kereka EJAKAIT kokadak aluikin icorin? Koluiki kereka anyunyurakon icorin, Arai aisiopokon aluikin aŋolol, Tape ibwanenit ibalasinikon, Agalinikon nuka aitajar?

⁹Itoduu cut akabwakon; Ibwaik ikojoi auno. Sela. Ibu kocil akwap kicorin.

¹⁰Koanyutu jo iroŋan, kokuriakaros; Kotubor ekwam loepol kakipi: Kolimu atar ekeporoto, Kikea akekanin kuju.

¹¹Kobwaata akoloŋ ka elap kopalarito kaiboisikec; Kaica naka imaliakon elosete, Kamwekimwek naka akwarakon naimilia.

¹² Ibu kitor akwap kaisiop, Kicom atekerin kanyunyura.

¹³ Iloma ijo aitajar ikonituŋa, Aitajar lokinyonyoikitonokon akinyet; Ibu kimusuŋ akou kotogo loka ikaronon, Aitodun apetetait kiton omurisiŋ. Sela.

¹⁴Ibu kicum akwes nuka ikajiokoke kibelaike: Luapotu kopotu kwape etapipirio aitisiarikin eoŋ; Iyalamas bala luenyamete lukican kaiyeiyea.

¹⁵Ibu kicak aŋolol kibalasinikon, Atukot naka akipi nuegogoŋ.

¹⁶Apupi, emarani da akoikika, Emarani aitukuka kanuka eporoto ŋol; Koloma aibos akojoka, amarani kaiboisika. Edareuni kaiyamakina apaaran naka ican Abunokin ituŋa lukisurokinete sio.

¹⁷ Naarai karaida mam etini iturot, Karaida emamei araito komusabibun; Emameun aitaaritoi naka eseitun, Komam imanikoria eraete inyamat; Kogelarai esipan loka amerekekin kanuk, Komamei esipan loka aituk kaujoi:

¹⁸ Konye alakari toma EJAKAIT, Eyalamikin Edeke loka aitajarioka.

¹⁹ EDEKE, EJAKAIT, ŋes akagogoŋ, Itupusi ŋesi akakeje bala akeje nuka amori, Ketolosi kaiboisioka nuiceleleete. Loka Ekapolon loka iboro lueruos, koboroka lukaputio lueruos.