Read Ateso Matayo 1 Bible Online

Matayo 1 - Ateso bible

Matayo 1

¹ Eitabo loka aturio nuka Yesu Kristo, okoku loka Daudi, okoku loka Aburaam.

² Aburaam kouri Isaak, Isaak kouri Yakob, Yakob kouri Yuda ka ikeinacan;

³ Yuda kouri Peres ka Sera kama ka Tamar; Peres kouri Kesuron; Kesuron kouri Ram;

⁴Ram kouri Aminadab; Aminadab kouri Nason; Nason kouri Salumon;

⁵ Salumon kouri Boas kama ka Rakab; Boas kouri Obed kama ka Rusi; Obed da kouri Yese;

⁶ Yese kouri Daudi ekabaka. Daudi kouri Solomon kama kaŋin nakerai aberu naka Uria;

⁷ Solomon kouri Rekoboam; Rekoboam kouri Abiya; Abiya kouri Asa;

⁸Asa kouri Yekosapat; Yekosapat kouri Yoram; Yoram kouri Usia;

⁹Usia kouri Yotam; Yotam kouri Akas; Akas kouri Kesekia;

¹⁰Kesekia kouri Manase; Manase kouri Amon; Amon kouri Yosia;

¹¹ Yosia kouri Yekonia ka ikeinacan, apak naka aijoreorio Babulon.

¹² Kokau kaijoreorio Babulon abu Yekonia kouri Sealutiel; Sealutiel kouri Serubabel;

¹³Serubabel kouri Abiud; Abiud kouri Eliakim; Eliakim kouri Asor;

¹⁴Asor kouri Sadok; Sadok kouri Akim; Akim kouri Eliud;

¹⁵Eliud kouri Eleasar; Eleasar kouri Matan; Matan kouri Yakob;

¹⁶ Yakob kouri Yosep ekile loka Mariam, naauriei Yesu loenyaritai Kristo.

¹⁷Kwaŋin aturio kere ameun ka Aburaam kiton Daudi emwaasi aturio atomon ka nuoŋon, ameun ka Daudi da kiton aijoreorio Babulon aturio atomon ka nuoŋon, ameun da kaijoreorio Babulon kiton Kristo aturio atomon ka nuoŋon.

¹⁸ Aurio naka Yesu Kristo ekoni ne. Kedau Yosep aisiner Mariam totoke, koriŋa ejenakina, kotakan ŋesi ejai akoik naka Emoyo Lokalaunan.

¹⁹Konye ekileke Yosep kineru ainyein ŋes kaiyeiyea naarai korai ekiliokit loedolit, komam ekoto aisurum ŋes ileic.

²⁰ Konye nakeomoomaa ŋun, koany, kitakanikin ŋes emalaika loka Ejakait kotoma airujasit, ebala ebe, “Yosep, okoku loka Daudi, sirikiyoŋ aimany Mariam; naarai akepotuun erai naka Emoyo Lokalaunan.

²¹ Idouni ŋesi ikoku yenisapat, imaikini ekekiror Yesu, naarai ŋes itajari iketuŋa kadiakanaretakec.”

²² Iswamatai nu kere, tetere edoli akirot naenerit Ejakait kama ka enabi ebe:

²³ “Koany, epotuuni abekot, idouni ikoku yenisapat, Emaikinete ekekiror Imanuel” (apolouke ebe, Edeke ejai kaoni).

²⁴Nakenyounio Yosep kajoo, kiswama kwape kicorakinia emalaika loka Ejakait, komany akeberu;

²⁵ mam abu kojen ŋes aitodol naauria ikoku yenisapat; komaik ekekiror Yesu.