Read Ateso Ikisila 23 Bible Online

Ikisila 23 - Ateso bible

Ikisila 23

¹“Etuŋanan loimusuŋitai itouke, arai loetuboritai ekiliokaneke, mam elomari atukot naka EJAKAIT.

²“Ikoku yeneurunete ipajan mam elomari atukot naka EJAKAIT; kiton atur nakitomonet mam lukeŋ elomarete atukot naka EJAKAIT.

³ “Mam Emorait ka Emoabit elomarete atukot naka EJAKAIT; kiton atur nakitomonet mam lueraas lukec elomarete atukot naka EJAKAIT ikar kere:

⁴ Naarai mam apotu kijaikis yes inyamat ka akipi korot, nailomuniata koMisiri; ido naarai apotu koropata Balaam okoku loka Beor anyoun koPetor loka Mesopotamia, aiken jo.

⁵ Konye mam EJAKAIT Ekonideke abu kopup Balaam; konye abu EJAKAIT Ekonideke kijulak ekenit araun arereŋ kamakon, naarai abu EJAKAIT Ekonideke komina jo.

⁶ Sirikimo ainapakinikec karaida akerianutukec apaarasiakon kere ikar kere.

⁷ “Sirikila Edomait; naarai erai onacekon: sirikila Emisiriat; naarai ibu korai emoit kakwapuke.

⁸Elomarete idwekec luka atur kanakiwuniet atukot naka EJAKAIT.

⁹“Nailomaria koidukurun aitiji lukasurupokon, igitari ijo koboro kere lueroko.

¹⁰ “Arai kejaun etuŋanan mamakus lomam elai kanuka airujasit naka akuare, elomari ŋol ŋina kiidukurun, mam elomuni oidukurun:

¹¹Konye ejaun, kewar akwap, iloŋi ŋesi kakip: kosodi keloma akoloŋ, elomuni oidukurun.

¹²“Ijaenena da kaibois kiŋa kiidukurun nailomanari aikiŋan:

¹³Ijaenena kabasaŋ oborokon lujiis; kosodi naijorio ijo kokitui, iboki ber kabasaŋakon, kosodi aibelokin anukakin ŋun nuelomunete kotomakon:

¹⁴ Naarai eupasi EJAKAIT Ekonideke kiidukurunukon, ayuun jo, aijaikin jo lukasurupokon; kanuka ŋun ŋes eraunotor iidukurunukon lukalaunak: tetere mam ŋes eanyuni numam elaete kotomakon, kosodi anyoun kamakon.

¹⁵ “Sirikinyaka neejai papake ebulesit loesiit kaneejai papake abunore mamakon:

¹⁶ Iboienenei kajo, kamakon, kaibois naeseuni kotoma ediopet koreriakon, loekot ŋesi noi: sirikiroik ŋes.

¹⁷ “Sirikejaun naadote kotoma adwe nuka Isirael, karaida luitepete ikiliok kotoma odwe luka Isirael.

¹⁸Sirikiyaŋau eropit loka naadote, karaida eropit loka ekiŋok, togo loka EJAKAIT Ekonideke kanuka adioyaposit kere: naarai ŋul kere eraas luketal mama ejai EJAKAIT Ekonideke.

¹⁹ “Sirikiyuu onacekon kanuka adumunia ameda; ameda naka apesan, ameda naka inyamat, ameda naka ŋinibore yeniyuunia kanuka ameda:

²⁰ Ipedori ayuun emoit kanuka ameda: konye sirikiyuu onacekon kanuka adumunia ameda: tetere kisirereŋi jo EJAKAIT Ekonideke kakirokon kere nuiswamai, kotoma akwap nailosi airum.

²¹ “Naiyapoikinio ijo EJAKAIT Ekonideke aiyaposit, sirikitilor aitodol: naarai abeit iburai EJAKAIT Ekonideke jo ŋin; eraun da adiakaret mamakon.

²²Konye arai kiŋer aiyapo, mam eraun aronis kamakon.

²³ Idari aiswamaenen ŋin naelomuni kaitukukon; kwape ejaatar nuiyapok EJAKAIT Ekonideke, ainakinet nakakote, naisumunit kaitukukon.

²⁴ “Nailomaria amana naka emusabibu naka eidunyetekon, ipedori ainyam araitoke kwape ikotor; konye sirikibwaik adioda oborekon.

²⁵Nailomaria akima nuka eidunyetekon, ipedori aigitunun akima kakanikon; konye sirikisak kecilikiki akima nuka eidunyetekon.