Read Ateso Ikisila 31 Bible Online

Ikisila 31 - Ateso bible

Ikisila 31

¹Kolot Musa kolimok Isirael kere akiro ŋun.

² Kotema kes atiar, “Arai eoŋ loka ikar akwatat ka akaisaarei lolo: mam bobo apedori alomar karaida alomun: katema da EJAKAIT eoŋ atiar, ‘Sirikidoka Yorodan lo.’

³ Kiŋarenikini EJAKAIT Ekonideke jo adokar; emudiari ŋesi atekerin nu kakonyenekon, irumi ijo kes: Yosua da, kiŋarenikini ŋesi yes adokar, kwape atemaria EJAKAIT.

⁴ Iswamakini EJAKAIT kes kwape abu kiswamakinia Sikon ka Og, ikabakan luka Imorain, ka akwapukec; luabu ŋesi komudia.

⁵ Kijaikini EJAKAIT yes kes, iswamakinete kes kwape ejaatar aicorakineta kere nukecorak yes.

⁶ Kicat, kotitiŋior, sirikikurianar, karaida aiyaloŋoŋ kanukec: naarai EJAKAIT Ekonideke, ŋes elosi kajo, mam kitukurwori jo, karaida aijal.”

⁷ Abu Musa konyarau Yosua, kotema ŋes kakonyen nuka Isirael kere atiar, “Kicat, kotitiŋior: naarai ilomari ijo kituŋa lu akwap naiyapoikinit EJAKAIT ainakin lukapapaakec; isurumi ijo kes akwap.

⁸ EJAKAIT da, ŋes lokiŋarenikinit jo; ejaenena kajo, mam kitukurwori jo, karaida aijal: sirikikurianar karaida aiyaloŋoŋ.”

⁹ Kiwadik Musa ikisila ŋul, kijaik isasedotin odwe luka Lebi, luadakenenete asaduku naka aitutuket naka EJAKAIT, kijaik da imakio luka Isirael.

¹⁰ Kicorak Musa kes ebe, “Kosaŋe loka ŋulukar ikanykaarei, kapak naeseikinitai naka ekaru loka aosikin kopucit loka iswamin.

¹¹ Naitodiaror Isirael kere kakonyen nuka EJAKAIT Ekonideke kaibois naeseuni ŋesi, isiomakini ijo Isirael kere ikisila lu akikec.

¹² Kotukonok ituŋa, ikiliok ka aŋor ka ludidik, ka imoit yenejai orekon, tetere epupunete, isisiaunete da, ayoŋit EJAKAIT Ekusideke, airic aiswamaenen akiro kere nuka ikisila kalu;

¹³ Tetere ikecedwe da lumam ejenunito epupunete, isisiaunete da ayoŋit EJAKAIT Ekusideke, apaarasia kere nuijariata kakwap naidokarete Yorodan airum.”

¹⁴ Kotema EJAKAIT Musa atiar, “Koany, adolut apaarasiakon nukibusakinitor atwanare: konyarau Yosua, kobwaata kowema loka airiamunun, tetere ecorakini ŋes.” Koloto Musa ka Yosua, kobwaata kowema loka airiamunun.

¹⁵ Kotakan EJAKAIT kotoma Owema kopir loka edou: kobwo epir loka edou kokek loka Ewema.

¹⁶ Kotema EJAKAIT Musa atiar, “Koany, ijotoori ijo ka lukapapaakon; enyounete ituŋa lu, alosit eporo neejaas idekesio lumo luka akwap naelosete kesi ajaun mamakec, kajalete eoŋ, ebilete da aitutuketeka naetutuk kakes.

¹⁷ Kosodi akanyunyura ainepun asurokin kes kapaaran kaŋin, ajali eoŋ kes, ebwai da ekareet kamakec, emudiario kes, ebunokinete kes nueroko nuipu ka ican da luipu; etemarete do kapaaran kaŋin ebe, ‘Mere kibunokis oni aronisio nu kanu naarai emamei Edekewok kamawok?’

¹⁸Abeit ebwai ekareet kapaaran kaŋin kanuka aronisio kere nuiswamaete, naarai atupasi idekesio ice.

¹⁹Aso do kiwadikata ekosio lo, kisisianak ijo idwe luka Isirael: kibwaik aitukekec, tetere eraun ekosio lo ekajenanika kama ejaas idwe luka Isirael.

²⁰ Naarai naetolomaria eoŋ kes akwap naabu keyapoik lukapapaakec, naeleleete akile ka esik: kosodete ainyam kimonikinos, kotumata; kosodete kesi atupar idekesio ice aijaanakin kes, kamwaŋata eoŋ, kobilata da akaitutuket.

²¹ Kosodi kanen, naebunokiniata kes aronisio nuipu ka ican luipu, itejenuni ekosio lo kes kwape ekajenan; naarai mam imurwokini aituke nuka aurikec: naarai ajeni aitetemonorikec nakotau naejai kwape kwana, eroko eoŋ kitolomara kes akwap naeyapoikinit.”

²²Kwaŋin kiwadik Musa ekosio lo apaaran ŋipeŋin, kisisianak idwe luka Isirael.

²³ Kicorak ŋesi Yosua okoku loka Nun ebe, “Kicat, kotitiŋior: naarai itolomari ijo idwe luka Isirael akwap naabu keyapoik kes: ajaenena eoŋ kajo.”

²⁴Kosodi kanen keŋetaki Musa aiwadik akiro nuka ikisila kalu oitabo, aitodol neadaunotor.

²⁵Kicorak Musa Ilebin, luadakenenete asaduku naka aitutuket naka EJAKAIT ebe,

²⁶ “Koyaŋaasi eitabo lo loka ikisila, kibwaikis osiep loka asaduku naka aitutuket naka EJAKAIT Ekusideke, tetere ejaun nen araun ekajenanikus.

²⁷ Naarai ajeni epalikon ka aninik naka emurisiŋikon: koany, aroko eoŋ ajari kayes lolo ipalionokis EJAKAIT; ido konyet katwana eoŋ iyatanakinete biai?

²⁸ Kotukokisi imakio kere luka atekerinikus, ka ijakakus, tetere alimokini akiro nu akikec, kanyarau da akuj ka akwap araun akajenakakec.

²⁹ Naarai ajeni ebe katwana eoŋ imunaunos yesi cut, ipaarete ainyein erot lokecorak yes; kidoikini yes aronis kapaarasia nuepote; naarai iswamaete nueroko kakonyen nuka EJAKAIT aitunyunyurikin ŋes kaswamisio nuka akaninikus.”

³⁰Kolimok Musa ekodet kere loka Isirael akiro kere nuka ekosio kalo aitodol naaŋetakinotor.