Read Ateso 1 Ikorinton 12 Bible Online

1 Ikorinton 12 - Ateso bible

1 Ikorinton 12

¹Nuka ainakineta nuka emoyo, iinacan, mam akoto yes koolik aijen.

² Ijenete ebe nairaatar ikapirin kitapaaritai mama ejaas aputosia numam ineras, kwape kiŋarenikinitere.

³ Kanuka ŋun ketejenuni yes ebe emamei ituŋanan yeninera kOmoyo loka Edeke ebe, “Kikenoi Yesu!” kwabo mam epedori ituŋanan atemar ebe, “Yesu ŋes Ejakait,” dimarai kOmoyo Lokalaunan.

⁴ Aso ejaas ainakineta nuegelegela, konye Emoyo ediopet;

⁵ ejaas da iponesio luegelegela luka aijaanakin, konye Ejakait ediopet;

⁶ejaas da iponesio luegelegela luka aswam, konye Edeke ediopet, loiswamai aswamisio kere toma kere.

⁷ Konye einakinio ŋinituŋanan apukokinio naka Emoyo akerianaror.

⁸Naarai einakinio idiopet akirot naka acoa kanuka Emoyo, ice da akirot naka aijen kanuka Emoyo ŋol,

⁹ice da aiyuun kanuka Emoyo ŋopeŋol, ice da ainakineta nuka aitaŋaleun kanuka Emoyo ŋol ediopet,

¹⁰ ice da aswamisio nuka apedor, ice da aidwar, ice da aitiak komoyon, ice da iponesio luka aŋajepa, ice da aijul aŋajepa.

¹¹ Konye iswamai Emoyo ediopet aswamisio ŋun kere, ŋes ŋol loekorakini ŋinituŋanan kwape ekotor.

¹² Naarai kwape eraar akuan adiopet, ejaas da atutubeta nuipu, kwabo atutubeta kere nuka akuan kaŋin, karaida kipu, eraas akuan adiopet, kwape kwaŋin Kristo da.

¹³ Naarai aponi kibatisai oni kere kotoma emoyo ediopet araun akuan adiopet, karaida Iyudayan, karaida Iyonanin, karaida ibulesin, karaida luijakakaete-aponi oni kere kitamasi Emoyo ediopet.

¹⁴Naarai mam akuan erai atutubet adiopet dimarai nuipu.

¹⁵Arai ketema akeju ebe, “Naarai mam eoŋ arai akan, mam eoŋ arai naka akuan,” mam ŋun itamamaunete ŋes kakuan.

¹⁶Ido arai ketema akit ebe, “Naarai mam eoŋ arai akoŋu, mam eoŋ arai naka akuan,” mam ŋun itamamaunete ŋes kakuan,

¹⁷Arai kerai akuan kere akoŋu, ti kereka aiirar ejai bo ai? Arai kerai akuan kere akit, ti kereka aiŋuun ejai bo ai?

¹⁸Konye do kwana ibwaikinit Edeke atutubeta, ŋinidiopet kakesi toma akuan kwape akotor.

¹⁹Arai keraas kere atutubet adiopet, ti kereka akuan ejai bo ai?

²⁰Konye kwana ejaas atutubeta nuipu, konye akuan adiopet.

²¹Mam epedori akoŋu alimokin akan ebe, “Mam eoŋ kepuda jo,” karaida akou alimokin akeje ebe, “Mam eoŋ kepuda yes.”

²²Konye aitelekarit noi, atutubeta nuka akuan nueomitai araut nuekalanyaka aitelekarit, ipudai noi,

²³atutubeta da nuka akuan nueomitai araut numam ibusak, ŋupeŋun kiinakinit aibuses noi, atutubetawok da nuemamei ajokis, ejai ajokis aitelekarit,

²⁴namam atutubetawok nuejaas ajokis ipudasi. Konye abu Edeke kimorikik akuan, kaitubusikin noi atutubet naiŋoŋara,

²⁵tetere mam ejaun atiaketait kakuan, konye kiŋaranakinos atutubeta bonik ka bonik.

²⁶Arai keriebakin atutubet adiopet, koriebakinos nuce kere kaŋes; arai kitopoloor atutubet, kolakaros atutubeta kere kaŋes.

²⁷ Aso iraas yesi akuan naka Kristo, ka atutubetake, ŋinituŋanan kanukeŋ.

²⁸ Ido ebwaik Edeke ice toma oKanisa, lusodit ikiyakia, lukiareit inabin, lukiwuniet ikesisianakinak, kosodete ikeswamak nukapedor, kosodete lueinakinitai aitaŋaleun, ikeŋarakinak, ikayaitok, ka iponesio luka aŋajepa da.

²⁹Eraas kereka kere ikiyakia? Eraas kereka kere inabin? Eraas kereka kere ikesisianakinak? Iswamaete kereka kere nukapedor?

³⁰Ejaas kereka kere ainakineta nuka aitaŋaleun? Inerasi kereka kere aŋajepa? Ijulete kereka kere?

³¹ Kimielas noi ainakineta nukapolok. Ido ketodikinete yes erot loitelekarit noi ajokis.