Read Ateso 1 Ikorinton 16 Bible Online

1 Ikorinton 16 - Ateso bible

1 Ikorinton 16

¹ Konye nuka atukonokin iboro kanuka lukalaunak; kwape ekorakinitor ikanisan luka Galatia, kiswamata yesi da kwape kwaŋin.

² Apaaran nasodit naka asabato kiŋadak ŋinituŋanan kayesi kidiat, kwape ekerianar, kinyeinai atukonokin naabunio eoŋ,

³Konye naadolunio, luitojokete yesi kobalua, ŋul eyakiari ayaŋaar akusiinakineta Yerusalem.

⁴Arai ibusakinit eoŋ da alosit, kiupari kesi keoŋ.

⁵ Konye abuni mamakus naadaunia aitor Makedonia, naarai etori Makedonia.

⁶ Konye motoko asalakin mamakus, arai adaun apak naka aterot kayes, tetere kinyamakinete eoŋ nealosi kere.

⁷ Naarai mam akoto aanyun yes kwana etori aitor; naarai amuno asalakin kayes apak arai keesiiki Ejakait.

⁸ Konye asalakini Epeso kiton naka Pentekote,

⁹ naarai kaŋaikinitai ekek loepol kanuka aswam, ido ejaas luipu luirebirebete.

¹⁰ Arai kebu Timoteo, kocoito ebe ejai kayes komamei akurian, naarai iswamai aswam naka Ejakait, kwape kaeoŋ.

¹¹ Kinyek ituŋanan kere aimen ŋes. Konye kinyamakisi ŋes kainapakin, tetere ebuni mamakaŋ; naarai edaret ŋes nepepe kiinacan.

¹² Nuka onac Apolo, abu keŋaiŋa ŋes noi abunore mamakus nenipe kiinacan, kwabo mam erai akoteke nepepec da abunore kwana. Konye ebuni naedumunia apak.

¹³ Kokwenyete, kicata kotoma aiyuun, kiswamata ekiliokone, kogogoŋoto

¹⁴Kiswamata akusikiro kere kotoma amin.

¹⁵ Aso iinacan, ijenete lukokale luka Sitepan, ebe eraas lugeet luka Akaia ido ejaikinos aswam naka aijaanakin lukalaunak; keŋaiŋait yes,

¹⁶ kononokikisi yesi da ituŋa luikote nen, ka ŋinituŋanan yenikeswaman nenipe kakes ka yenitaaritoi da,

¹⁷Alakara kanuka abunore naka Sitepan ka Porutunato ka Akaiko, naarai apotu kelelebikis eoŋ nueŋoŋara kamakus;

¹⁸ naara esiyeŋut ekamoyo, ka imoyonokus da. Aso kojenete noi ituŋa luikote nen.

¹⁹ Kiyogaete ikanisan luka Asia yes. Kiyogaete da Akuila ka Pirisika noi kotoma Ejakait, ka ekanisa da loejai orekec.

²⁰ Kiyogaete iinacan kere yes. Kiyoganakinos kainu nakalaunan.

²¹ Eoŋ Paul ŋes ewadikat ayogan na kakanika elopet.

²² Arai ejai yenimam emina Ejakait, korau yenikenitoi. Ebunit Ejakait!

²³Asianut naka Ejakait kojai kayes.

²⁴Kojai akamina kayes kere toma Kristo Yesu Amen.