Read Ateso 2 Ikorinton 9 Bible Online

2 Ikorinton 9 - Ateso bible

2 Ikorinton 9

¹ Mam epuda aiwadikakin yes nuka aijaanakin lukalaunak.

²Naarai ajeni akusikapakina naaolobobotor kanukus mama ejaas Imakedonian, ebe etemokino Akaia ameun kokaru kaje; abu akukuranutukus da kisidik luipu.

³Konye ejuku iinacan kinyek aolobobotekosi kanukus araun atitai kakirot kaŋin, tetere itemokino yesi, kwape abu kenerar;

⁴kosodete arai epote Imakedonian nepepe keoŋ kodumut da yes mam itemokino, kinyeis ilek airum sio, komam kinera yes da, kamuno kaŋin,

⁵Aso abu kaomit ebe kebusakinit aicor iinacan koliŋa aponare mamakus, kogeut kesi aitemokin arereŋ ŋin naipotu kisumunoto, tetere etemokin, mere kwape naitelemunitai kwabo nakarereŋ.

⁶ Konye enera nata ebe, yeneyei luikidioko, esaki da luikidioko, yeneyei da karereŋ, esaki da karereŋ.

⁷ Kiswama ŋinituŋanan kwape inerunitor kotauke, mere kaiturur karaida kaitiŋaikin, naarai emina Edeke yenekori kalakara.

⁸Konye epedori Edeke ainakin yes asianut kere naidila; tetere yes da itekoro apaarasia kere kakiro kere, idilas aswamisio kere nuejok.

⁹ Kwape iwadikatere ebe, “Akoro ŋesi, ainaki Iuilwaritos, Ejaenena akedolit ikar kere.”

¹⁰ Konye ŋol loeinakini ikayean ikinyom, lunyaman da ainyam, einakini ka aitupuu ikinyomokus, iyatakini da araito nuka adolitekus.

¹¹ Kitabario yes kakiro kere kiton abar naka aikor kere, naeyauni aimal Edeke kanukosi.

¹² Naarai aswam naka aijaanakin na mam bon itodoli nuetwakiarito lukalaunak, konye idila da kanuka aimalaesia nuipu mama ejai Edeke.

¹³Kanuka aitem naka aijaanakin na itopoloorete Edeke kanuka arimanutukus alimor Akiro Nukajokak nuka Kristo, ka abararakus naka eidicane mamakec ka ituŋa da kere;

¹⁴kes da ilipanakinete yes, imielas yes kanuka asianut naka Edeke naedeparit mamakus.

¹⁵Kimalai Edeke kanuka ainakineteke namam epedorio aitejenun!