Read Ateso Igalatian 5 Bible Online

Igalatian 5 - Ateso bible

Igalatian 5

¹ Kotoma aosikin ŋin abu Kristo koosik oni; kanuka ŋun kicata, kwabo sirikilomasi bobo ajookot naka ebulesene.

² Koany, eoŋ Paul kalimokini yes ebe arai kiikepi, mam Kristo kitudumikini yes ajokis.

³Konye etogogoŋi bobo ebe ŋinituŋanan yenekepitai itepesenitai aitodol ikisila kere.

⁴Kitiakar kama ejai Kristo, yes luikotosi aitojokio kanuka ikisila; ibiroros ainyein asianut.

⁵Naarai oni kotoma Omoyo kidarete amun naka adolit kanuka aiyuun.

⁶ Naarai kotoma Kristo Yesu mam akepio epedori ibore, karaida amamus akepio, dimarai aiyuun naiswamai kanuka amin.

⁷Ikerete lem ejok, iŋai bo kitikokinit yes arimar abeit?

⁸ Aijodijod ŋin mam kebuni kama kaŋol lokinyarit yes.

⁹ Aitubuunet naedit itubuuni aluŋuret kere.

¹⁰ Ejai eoŋ amun mamakus kotoma Ejakait ebe mam ijaunete kaomisio ace, konye ŋin kere yenikisiyaloŋoŋoi yes, ebeikini aketubokinio.

¹¹ Eoŋ da, iinacan, arai eriŋa alimonokini akepio, kanukinyo eriŋar kareitere? Kwaŋin alemar ekomio loka emusalaba.

¹² Arai kepedor ŋul lukiticanete yes tikegitaros!

¹³ Naarai iinacan, aponi konyaraun aosikinio; konye aosikiniokus kinyek araun naisigalikini akuan, konye kijaanakinos kanuka amin.

¹⁴ Naarai itodolikinio ikisila kere kotoma akirot adiopet, ŋes nata ebe, “Komina iidunyetekon kwape iminar bon.”

¹⁵Konye arai ikonyokonyas, inyamas, kocoito kinyeis amudianar bonik.

¹⁶Konye abala nata ebe, Kolosenenete kotoma Omoyo, kwabo siritodolete nuimiela akuan.

¹⁷ Naarai imiela akuan asurokin Emoyo, Emoyo da asurokin akuan; naarai eutasi bonik; kanuka ŋun mam ipedorete aswam nuikotosi.

¹⁸ Konye arai kiŋarenikinit Emoyo, mam kiyaito ikisila.

¹⁹ Aso ideleleete aswamisio nuka akuan, kes nupenu: adoteu, asilianut, abenyanut,

²⁰aima aputosia, ecudet, asurup, epeget, ekokote, anyunyura, aŋolopa, atiakara, irioŋeta,

²¹ alilit, emeret, eraŋa, ka nuikote nen da. Kotoma kaŋun kekwenya yes kwape abu kekwenyaritor ebe, luiswamaete nuikote nen mam irumete ajakanut naka Edeke.

²² Konye araito nuka Emoyo kes nupenu: amin, aiyalama, ainapakin, atitiŋikin, asianut, ajokis, aiyuun,

²³ aiyapepera, aitikokina; emamei ekisil loisimiki nuikote nen.

²⁴ Ŋul da lueraas luka Kristo Yesu apotu kibubukis akuan nepepe ka aiŋobeleke ka eimielike da.

²⁵ Arai kijari kotoma Omoyo, kalosenenete da kotoma Omoyo.

²⁶ Sirikiiturokin atai, sirikiitunyunyuranakin, sirikiijau da kalilit bonik ka bonik.