Read Ateso 1 Isesalonikan 4 Bible Online

1 Isesalonikan 4 - Ateso bible

1 Isesalonikan 4

¹ Nuesalito, iinacan, kiŋaiŋait yes ka aicor da kotoma Ejakait Yesu, kwape kijauniata kamakosi kwape ibusakinitor yes alosenen ka aisiyalamikinit Edeke, kwape ilosenenoto, kiyatanakinos bobo kwaŋin,

²Naarai ijenete kwape ejaatar aicorakineta nukipou kainakis yes kanuka Ejakait Yesu.

³ Naarai naekoto Edeke ŋes nata, aitalauniokus: kinacata adoteu;

⁴ kojenu ŋinituŋanan kayesi ajaut kakeberu kotoma alaunite ka ayoŋit,

⁵ mere kotoma ainekit naka eimiel kwape ikapirin Iumam ejenete Edeke;

⁶ kinyek ediotuŋanan aibucar karaida airod onaceke kotoma akirot, naarai erai Ejakait ekenyaŋan kotoma kaŋun kere, kwape kipou kekwenyariata yes ka aitejenun da noi.

⁷ Naarai mam Edeke kinyarakinit oni asilianut, dimarai toma alaunit.

⁸ Aso yeneŋeri, mam eŋeri etuŋanan dimarai Edeke, lokiinakini yes Ekemoyo Lokalaunan.

⁹ Konye nuka amin iinacan mam ipudasi eoŋ aiwadikakin yes, naarai kisisianakinit Edeke yes aminanara;

¹⁰ naarai iswamanakinete akirot ŋin iinacan kere luejaas Makedonia kere, Konye, iinacan, keŋaiŋait yes kiyatanakinos adepar nen,

¹¹ koŋaŋato aiyapaara, kiswamaenenete nukus bonik, kitaaritos da kakusikanin, kwape kipou kecorakiniata yes,

¹² tetere ilosenenete koponesio luejok kama kalukokina komam ilwaritos.

¹³ Konye iinacan, mam kikoto yes aolit nuka ŋul kaluejotoete, tetere mam itururwete kwape ice luemamei amun.

¹⁴ Naarai arai kiyuunit ebe abu Yesu kotwana, kojaru da, kwape kwaŋin kanuka Yesu eyauni Edeke nepepe kaŋes ŋul luejotoete.

¹⁵ Naarai kilimokini yes na kakirot naka Ejakait, ebe onilukijari lukipaikinit kiton abunore naka Ejakait, mam kigeikini luejotoete.

¹⁶ Naarai edokuni Ejakait elopet abunore kotoma akuj kaiworo, keporoto loka emalaika lokapolon, ka arupepe naka Edeke. Ŋul da luketwakete kotoma Kristo, kes eliŋete ajarun;

¹⁷ kosodi konyet oni lukijari, lukipaikinit, kiwuruporio nepepe kakes toma odoun, airiamun ka Ejakait toma apak; kwaŋin kijaenena ka Ejakait apaarasia kere.

¹⁸Aso kitalakanaros bonik kakiro kaŋun.