Read Ateso 1 Isesalonikan 5 Bible Online

1 Isesalonikan 5 - Ateso bible

1 Isesalonikan 5

¹ Konye iinacan, mam ipudasi eoŋ aiwadikakin yes nuka apakio ka ikar.

² Naarai ijenete yesi jokan ebe ebuni apaaran naka Ejakait kwape ekokolan kuare.

³ Naineratar ebe, “Ejai ainapakin ka aiyamakina,” eŋesakin do kes amudiar kwape eŋesakinor ariebo aberu naidouni, kwa bo mam ekuete nepepec da.

⁴Konye iinacan, mam ijaas amuton, apaaran ŋin aturiaikin yes kwape ekokolan.

⁵ Naarai iraas yesi kere odwe luka aica, ka odwe luka apaaran; mam oni kirai luka akuar karaida luka amuton.

⁶Aso do kenyeisi ajotoor kwape ka ice, konye kakwenyenenete, kenyeis amer,

⁷Naarai luejotoete, ejotoete kuare, luemerasi da emerasi kuare.

⁸ Konye do oni kirai luka apaaran, kenyeis amer, kanapa yenikatorob yenika aiyuun ka amin, akopira da korai amun naka aitajario.

⁹ Naarai mam Edeke kibwaikinit oni kanuka anyunyura, dimarai adumun aitajario kanuka Ejakaitiwok Yesu Kristo,

¹⁰ loabu kotwanik oni tetere kijari nepepe kaŋes, arai kikwenyi, arai bo kijotoi.

¹¹ Aso kitalakanaros bonik, kodukonoros ŋinituŋanan kayenice, kwape iswamaata da.

¹² Konye iinacan, kiŋaiŋait yes ajenun ŋul Iuitaaritos kotomakus, lukiyaito yes kotoma Ejakait, ka lukicorete da,

¹³koyoŋito kes noi kamin kanuka aswamukec, Kojaas kainapakina kotomakus.

¹⁴ Konye iinacan, kiŋaiŋait yes, kicorata luitotolikino, kiticasete luipirisiaros itauon, kisigalikis luekalanyaka, kotitiŋikis ituŋa kere.

¹⁵ Koanyutu ebe emamei yenetacakini aronis kanuka aronis, konye komootos apaarasia kere aikonanakin lucekus ejok, ka ituŋa da kere.

¹⁶ Kiyalamasi apaarasia kere,

¹⁷ kilipenenete tiritir,

¹⁸ kimalaenenete kotoma ŋinikirot kere; naarai ŋin ŋes naekoto Edeke kamakus kotoma Kristo Yesu.

¹⁹ Siritudeŋete Emoyo,

²⁰sirimenete aidwar,

²¹ konye kitemoto akiro kere; kikamutu cut nuejok,

²² kinacata ŋolipone kere loerono.

²³ Edeke da elopet loka ainapakin kitalau yes cut, kidaritete cut imoyonokus, ka aijarakus, ka awatekus da, komamei aitoronet kiton naebunio Ejakaitiwok Yesu Kristo.

²⁴ Lokinyarit yes erai lomunot, ido ebuni aswam.

²⁵ Iinacan, kilipanakinai sio.

²⁶ Kiyogaete iinacan kere kainu nakalaunan.

²⁷Kesiyapoete kalimite Ejakait ebe kosiomakinai ebalua lo iinacan kere.

²⁸Asianut naka Ejakaitiwok Yesu Kristo kojai kayes.