Read Ateso Yosua 16 Bible Online

Yosua 16 - Ateso bible

Yosua 16

¹ Kobe eroet loka idwe luka Yosep ageun koYorodan koYeriko, kakipi nuka Yeriko kari nakokide, ŋes amodiŋ, anyoun koYeriko kitor akwap nakiukon kiton Bet-el:

² Kitor Bet-el kiton Lus, kobe oikor loka Irikain kiton Atarot;

³ Kijesar ari nakoto oikor loka Iyapeletin, kiton oikor loka Bet-koron loijesara, kiton Geser; kosaŋ aŋolol.

⁴ Kirumata idwe luka Yosep, Manase ka Epuraim, airumetekec.

⁵ Eikor loka idwe luka Epuraim kwape ejaatar ikekiakec ŋes lo: eikor loka airumetekec kari nakokide korai Atarot-adar, kiton Bet-koron luimukurur;

⁶ Kobe eikor ari nakoto koMikimetat kari naka agolitomei; kokudo eikor ari nakokide kiton Taanat-silo, kiriria ŋes kari nakokide naka Yanoa;

⁷ Kijesar anyoun koYanoa kiton Atarot, kiton Naara da, kodol Yeriko, kosaŋ Yorodan.

⁸ Ageun koTapua kitor eikor ari nakoto kiton ocilet loka Kana; kosaŋ aŋolol. Ŋin ŋes airumet naka ateker naka idwe luka Epuraim, kwape ejaatar ikekiakec.

⁹Nepepe kireria luatiakunitai kanuka idwe luka Epuraim kokidiŋ kairumet naka idwe luka Manase, ireria lukapolok kere ka ireriakec ludidik.

¹⁰ Mam kes apotu kireŋeasi Ikanaanin lueboiete koGeser; konye kiboienenete Ikanaanin kama ejai Epuraim kiton lolo, koraut ibulesin lukeswamak nukailolitoi.