Read Ateso Yosua 19 Bible Online

Yosua 19 - Ateso bible

Yosua 19

¹ Kobeik eroet lokiareit Simeon, ŋes ateker naka idwe luka Simeon, kwape ajaatar ikekiakec: ajai airumetekec kidiŋ kairumet naka idwe luka Yuda.

² Apotu kesi kirumata Beer-seba, arai Seba, ka Molada;

³ka Kasar-sual, ka Bala, ka Esem;

⁴ ka Elitolad, ka Betul, ka Koruma;

⁵ka Sikilag, ka Ber-marakabot, ka Kasar-susa;

⁶ka Bet-lebaot, ka Saruken; ireria itomon ka luuni ka ireriakec ludidik;

⁷Ain, ka Rimon, ka Eter, ka Asan; ireria iwoŋon ka ireriakec ludidik:

⁸ka ireria ludidik kere lualukunito ireria ŋul kiton Baalat-beer, Rama loka ari naka Eŋalakimak. Ŋin ŋes airumet naka ateker naka idwe luka Simeon kwape ajaatar ikekiakec.

⁹Ajai airumet naka idwe luka Simeon toma owai loka idwe luka Yuda: naarai alalakinit noi idwe luka Yuda akorakinetekec: kanuka ŋun ŋes akorakinere idwe luka Simeon airumet kokidiŋ airumetekec.

¹⁰Kobeik eroet lokiwuniet idwe luka Sebulun kwape ajaatar ikekiakec: ajai eikor loka airumetekec kiton Sarid:

¹¹ Kitor eikorukec ari nakoto, kiton Marala, kodol Dabeset; kodol da aguurut naejai kiŋaren ka Yokoneam;

¹²Kokudo koSarid ari nakokide mama eŋiunia akoloŋ kiton oikor loka Kisilot-tabor; kobe Daberat, kitor Yapia;

¹³Kobe kanen kiton Gat-keper, kiton Et-kasin; kitor Rimon loedolit Nea;

¹⁴Kokudo eikor airimor ŋes kari naka eŋalakimak kiton Kanaton: kosaŋ aditot naka Ipita-el;

¹⁵ ka Katat, ka Nakalal, ka Simuron, ka Idala, ka Bet-lekem: ireria itomon ka luarei ka ireriakec ludidik.

¹⁶ Ŋin ŋes airumet naka idwe luka Sebulun kwape ajaatar ikekiakec, ireria ŋul lukapolok ka ireriakec ludidik.

¹⁷Kobeik eroet lokiwoŋonet Isakar, kes idwe luka Isakar kwape ajaatar ikekiakec.

¹⁸ Ajai eikorukec kiton Yesereel, ka Kesulot, ka Sunem;

¹⁹ka Kaparaim, ka Sion, ka Anakarat;

²⁰ka Rabit, ka Kision, ka Ebes;

²¹ ka Remet, ka En-ganim, ka En-kada, ka Bet-pases;

²² Kodol eikor Tabor, ka Sakasuma, ka Bet-semes; kosaŋ eikorukec Yorodan: ireria itomon ka lukanykape ka ireriakec ludidik.

²³Ŋin ŋes airumet naka ateker naka idwe luka Isakar kwape ajaatar ikekiakec, ireria lukapolok ka ireriakec ludidik.

²⁴Kobeik eroet lokikanyet ateker naka idwe luka Aser, kwape ajaatar ikekiakec.

²⁵ Eikorukec ŋes Kelakat, ka Kali, ka Beten, ka Akisap;

²⁶ ka Alamelek, ka Amad, ka Misal; kodol Karamel kari nakoto, kiton Sikor-libunat da;

²⁷ Kokudo neeŋiunia akoloŋ kiton Bet-dagon, kodol Sebulun, ka aditot naka Ipita-el kari naka agolitomei kiton Bet-emek, ka Neiel; kitor Kabul kakan nakokediany,

²⁸ ka Eburon, ka Rekob, ka Kamon, ka Kana, kiton Sidon lokapolon;

²⁹ Kokudo eikor kiton Rama, ka ere loebwaitai loka Turo; kokudo eikor kiton Kosa; kosaŋ aŋolol kakwap naka Akisib:

³⁰Uma da, ka Apek, ka Rekob: ireria akaisaarei ka luarei ka ireriakec ludidik.

³¹Ŋin ŋes airumet naka ateker naka idwe luka Aser kwape ajaatar ikekiakec, ireria ŋul lukapolok ka ireriakec ludidik.

³²Kobeik eroet lokikanyetekape idwe luka Naputali, kes idwe luka Naputali kwape ajaatar ikekiakec.

³³Ageunit eikorukec koKelep, ageun kolua loajai Saananim, ka Adami-nekeb, ka Yabuneel, kiton Lakum: kosaŋ Yorodan:

³⁴ Kokudo eikor ari nakoto kiton Asinot-tabor, kobe kanen kiton Kukok; kodolok Sebulun kari naka eŋalakimak, kodolok Aser kari nakoto, ka Yuda da koYorodan kaneeŋiunia akoloŋ.

³⁵ Ireria luabwaitai kes Sidim, ka Ser, ka Kamat, ka Rakat ka Kineret;

³⁶ka Adama, ka Rama, ka Kasor;

³⁷ka Kedes, ka Ederei, ka En-kasor;

³⁸ka Iron, ka Migidal-el, ka Korem, ka Bet-anat, ka Bet-semes; ireria itomon ka lukanykaoŋon ka ireriakec ludidik.

³⁹Ŋin ŋes airumet naka ateker naka idwe luka Naputali kwape ajaatar ikekiakec, ireria lukapolok ka ireriakec ludidik.

⁴⁰Kobeik eroet lokikanyetekaarei ateker naka idwe luka Dan kwape ajaatar ikekiakec.

⁴¹ Eikor loka airumetekec ŋes Sora, ka Esitaol, ka Ir-semes;

⁴² ka Saalabin, ka Aiyalon, ka Itila;

⁴³ka Elon, ka Timuna, ka Ekuron;

⁴⁴ka Eliteke, ka Gibeton, ka Baalat;

⁴⁵ka Yekud, ka Bene-berak, ka Gat-rimon;

⁴⁶ka Me-yarikon, ka Rakon, kiteos eikor kaYopa.

⁴⁷ Kisukunyikis idwe luka Dan eikorukec: naarai apotu idwe luka Dan kolomasi aitiji Lesem, koyaŋaasi ŋes, kodanyata lukeŋ kakwanis naka ekileŋ, kirumata, kiboikinos toma, komaikis Lesem Dan, ekiror loka papakec.

⁴⁸ Ŋin ŋes airumet naka ateker naka idwe luka Dan kwape ajaatar ikekiakec, ireria ŋul lukapolok ka ireriakec ludidik.

⁴⁹Kitanaŋata kwaŋin akorokor airumeta nuka akwap kwape ajaatar iikorunoke; koinakis idwe luka Isirael Yosua okoku loka Nun airumet kamakec:

⁵⁰ Apotu koinakis ŋes ere loelipit, ŋes Timunat-sera kotoma akwap nakiukon naka Epuraim, kwape ajaar aicorakinet naka EJAKAIT: abu koduk ere, kiboikin toma.

⁵¹ Ŋun kes airumeta nuapotu Eleasar esasedoti, ka Yosua okoku loka Nun, ka ikapolok luka ikalia luka lukapapaa luka atekerin nuka idwe luka Isirael kokorokorata kes airum kailamilam eroet koSilo kakonyen nuka EJAKAIT kokek loka ewema loka airiamunun. Kitanaŋata kwaŋin akorokor akwap.