Read Ateso 2 Isesalonikan 1 Bible Online

2 Isesalonikan 1 - Ateso bible

2 Isesalonikan 1

¹ Paul, ka Siluano, ka Timoteo, Mama ejai ekanisa loka Isesalonikan lokotoma Edeke Papawok ka Ejakait Yesu Kristo:

² Asianut kojai mama ijaas ka ainapakin nuepote kama ejai Edeke Papa ka Ejakait Yesu Kristo.

³ Iinacan, kiburao sio aimalaenen Edeke apaarasia kere kanukus, kwape kibusakinitor, naarai iyata noi akusiiyuun, idila da akusiminanar ŋinituŋanan kayesi kere mama kayenice.

⁴ Kiton sio da kiwolobobot kanukus kotoma okanisan luka Edeke kanuka atitiŋikinikus, ka aiyuun kotoma areokus kere, ka aiticanio naiŋirikinito.

⁵ Ŋes aanyunet cut naka etube loedolit loka Edeke, kosodete kitubusikin yes ajakanut naka Edeke, nakiticanere yes kanuke.

⁶ Naarai edolit kakonyen nuka Edeke atacakin aiticanio lukiticanete yes,

⁷ yes da luiticanio kisiyeŋunio nepepe kasio, kotoma apukorio naka Ejakait Yesu naebunio kotoma akuj nepepe ka imalaikan luka akepedor, kotoma akim naesarani,

⁸ inyaŋi kama kaŋul lumam ejenete Edeke, ka ŋul da lumam erimarito Akiro Nukajokak nuka Ejakaitiwok Yesu.

⁹ Egelitikec ŋes amudiario naka ikar kere, enyounete kakonyen nuka Ejakait, ka aibuses naka agogoŋuke da,

¹⁰ naebunio ŋesi kapaaran kaŋin, tetere itopoloorio kotoma kalukalaunakake, ka aumokinio da kotoma kaluiyuunito kere, naarai iyuunitos yesi akosiitejenun.

¹¹ Tape da kilipanakini yes apaarasia kere, tetere kitubusik yes Ewokodeke kanyariteke, kitodolik da kapedor ŋiniwomisioit kere nakajokis, ka aswam da naka aiyuun,

¹² tetere itopoloorio ekiror loka Ejakaitiwok Yesu kotomakus, yes da kotomakeŋ, kwape ejaar asianut naka Edekewok ka Ejakait Yesu Kristo.