Read Ateso 2 Isesalonikan 3 Bible Online

2 Isesalonikan 3 - Ateso bible

2 Isesalonikan 3

¹ Nuesalito, iinacan, kilipanakinai sio, tetere ekeri akirot naka Ejakait, koinakinai aibuses, kwape kotomakus,

²isio da kayuunos kama ka ituŋa luemamei acoa, ikaronok; naarai ejaas ice lumam iyuunito.

³ Konye erai Ejakait lomunot; lokiticasi yes, kidari da kama ka lokaronon.

⁴ Konye kija kamun kotoma Ejakait kakirokus, ebe iswamaete, ido ipote aswam nukicorakini.

⁵Konye kiteten Ejakait ikusitauon toma amin naka Edeke, ka atitiŋikin da naka Kristo.

⁶ Konye iinacan, kicorakini yes kokiror loka Ejakait Yesu Kristo, kinacata onac kere loitotolikino komam elosenenei kwape ejaar epone loipotu kodumut kamakosi.

⁷ Naarai ijenete yesi kwape ibusakinitor yes aputorit sio; naarai mam sio kitotolikino kamakus,

⁸ mam kipou kanyama inyamat luka idiotuŋanan atitai, konye kaitaaritoi ka ailolony, kipou keswamata akuare ka apaaran da, tetere mam kilaŋirikini idiotuŋanan kayesi.

⁹ Mere naarai emamei sio apolou, konye kiinakin yes aanyunet tetere kiputorete sio.

¹⁰ Naarai nakijaar nepepe kayes, kipou kecorakis yes nata ebe: Arai mam ituŋanan ekoto aswam, kinyek ainyam da.

¹¹ Naarai kipupi ebe ejaas ice luelosete itotolikino kotomakus, mam iswamaete konye iramaitos nuka luce.

¹² Kicorakini kotoma Ejakait Yesu Kristo, kikwenyari da luikote nen ebe, kiswamata kaiyapaara, konyamata ikecenyamat kikulepek.

¹³ Konye yes, iinacan, sirikitapalikinos aswam nuejok.

¹⁴ Konye arai etuŋanan kere mam erimari akirotokosi kotoma obalua kalo, koŋicutu ŋol, kinyeis aimorikikin kaŋes, tetere irumete ileic.

¹⁵ Sirikimarata ŋes kwape lokasurup, konye kikwenyanarete kwape onac.

¹⁶ Ejakait da elopet loka ainapakin, koinak yes ainapakin apaarasia kere toma akiro kere. Kojai Ejakait kayes kere.

¹⁷ Eoŋ Paul ewadikai ayogan na kakakan elopet. Ŋes aanyunet kotoma ŋolibalua; ewadikai kwaŋin.

¹⁸Asianut naka Ejakaitiwok Yesu Kristo kojai kayes kere.