Read Ateso 2 Timoteo 2 Bible Online

2 Timoteo 2 - Ateso bible

2 Timoteo 2

¹Aso do jo, ikakoku, kogogoŋor kotoma asianut naejai toma Kristo Yesu,

²Nuibu kopup da kamakaŋ kotoma ikajenak luipu, kititiŋ ŋun ituŋa lumunon, ido Iuibusakinito aisisianakin ituŋa ice.

³ Kiticaneneno nepepe keoŋ kwape eserikalet lokajokan loka Kristo Yesu,

⁴Mam eserikalet ekacakin kotoma aitaaritoi naka aijar kana kapak naka ejie, tetere itojoki lokiwadikai ŋes araun eserikalet.

⁵ Arai da eboloboloi ituŋanan, mam einakinio aboko, arai mam eboloboloi kwape icorakinitere.

⁶ Ibusakinit ekakorion loitaaritoi ageun ayaŋaar araito.

⁷Koomoom nuener, naarai kiinakin Ejakait ajenun kotoma akiro kere.

⁸ Kiitu Yesu Kristo, loetajarunio kotoma okatwak, loka aur naka Daudi, kwape ejaatar Akakiro Nukajokak,

⁹ nueticanitor kiton aenio kwape loiswamai aronis. Konye akirot naka Edeke mam eenio.

¹⁰ Kanuka ŋun ŋes atitiŋikinio kere, kanuka luseuna, tetere kes da edumunete aitajario naejai toma Kristo Yesu nepepe kaibuses naka ikar kere.

¹¹ Namunot akirot ŋin: naarai arai kipou katwaka nepepe kaŋes, kijari da nepepe kaŋes;

¹² arai kititiŋikini, kirumi da nepepe kaŋes; arai kiŋeri ŋes, ŋes da kiŋeri oni;

¹³ arai mam kirai lumunon, esali ŋesi erai Iomunot, naarai mam epedori ŋesi aŋerokin bon.

¹⁴ Kisiitu kes ŋun, kicor kakonyen nuka Edeke, kinyeis ejie kakiro, numam iŋarakinete, nuitotolikinete luepupete.

¹⁵ Kinyikok aitoduun bon korai lokitojokit Edeke, ekeswaman lomam ipuda kirumata ileic, loitubi kotenan akirot naka abeit.

¹⁶ Kinac akiro nutai, numam eraas nuka edini, naarai itedeparos kotoma amamus ayoŋit Edeke,

¹⁷ enyami kes akecekirot kwape eŋoti. Kotoma kaŋul ejai Kumenaio ka Pileto,

¹⁸luapaasi kotoma aiyuun, kinerasi ebe adau ajarun ajaun, itotolikinete da aiyuun naka ituŋa ice.

¹⁹ Konye icasit apetetait naegogoŋ naka Edeke, ejai aipucet na ebe, “Ejeni Ejakait lueraas luke,” ido ebe, “Konyou kotoma amamus adolit, ŋin kere yenelimori ekiror loka Ejakait.”

²⁰ Konye kotoma togo lokapolon mam ejaunos iboro luka esabu ka luka epuesa bonik, dimarai luka akito ka luka elupe, ice da luka aibuses, ice da lumam aibuses.

²¹ Aso arai itesegaar ituŋanan kaŋun, eraun ibore yenika aibuses, yenitalaunitai, yenibusakinit ejakait aitwasam, yenitemonokinitai ŋiniswam naejok.

²² Aso koker eimiel loka atumun, konye kotup adolit, aiyuun, amin, ka ainapakin da, nepepe kaŋul luiwoneete Ejakait kotoma otauon luelaete.

²³ Konye koŋer ipegeta luka abaŋaanut, ka lumam aisisianakinio; ijeni ebe euriete ijiisio.

²⁴ Ido mam ibusakinit ebulesit loka Ejakait ejie, dimarai araun loiyapepera mama ejaas kere, ekesisianakinan, loetitiŋikin,

²⁵ loicori kaiyapepera luirebirebete. Motoko einakini Edeke kes aitoronikin kodoloto ajenun cut abeit,

²⁶ido ikwaaros anyoun kotoma atacit naka Satan, kedau ŋesi aikamun kes aswam nuekoto Edeke.