Read Ateso 2 Timoteo 3 Bible Online

2 Timoteo 3 - Ateso bible

2 Timoteo 3

¹ Konye kojen na ebe kapaarasia nukawasia epote apakio nuetioko.

² Naarai eraunos ituŋa lueminas bonik, lueminas apesan, Iuituros, luepogaka, ikainyanakinak, luiulakinito ikauriakakec, lumam imalaete, luemamei alaunit,

³lumam eminanara, Iuiketara, ikasabak, lumam itikokinos, ikadedeŋak, lumam eminas ajokis,

⁴ ikabilak ibotei, luemositos, luedakakina, lueminas aitelelio itia amin Edeke,

⁵ ejaas kaput naka ayoŋit Edeke, konye koŋeritos apedorike. Kiboŋok ŋul epur.

⁶ Naarai kotomakec ejaas ŋul luelomanarete otogoi, kijoreoto aŋor nubaŋiok nuelaŋirikito adiakanareta, nuiriarit aiŋobel naka iponesio luipu,

⁷ isisiaete apaarasia kere, komam epedorete cut adolokin ajenun abeit.

⁸ Kwape aponiata Yane ka Yambure kobwoikiniata Musa, kwape kwaŋin ebwoikiniata kwi da abeit, ituŋa luemunaara acoa, luegiritoi kakiro nuka aiyuun.

⁹Konye mam iyatanakinos noi, naarai ideleleuni akecebaŋaanut kotuŋa kere, kwape kideleleunio abaŋaanut naka ŋul kaluarei.

¹⁰Konye jo ibu kotup akaisisianakin, ka ekapone, ka nualosikinit, ka aiyuun, ka aŋirikin, ka amin, ka atitiŋikin,

¹¹ bobo da areio, ka aiticanio, akiro nukadoikinete ko Antiokia, ka Ikonio, ka Lusitura, areio naetia nen naekanyakinit; konye abu Ejakait kayu eoŋ kotoma kaŋun kere.

¹² Ido da ereunio kere luekotos aijar kayoŋit Edeke kotoma Kristo Yesu.

¹³ Konye ituŋa lukaronok ka ikamodak iyatanakinos aroniar, iŋalaete ido kiŋalas da.

¹⁴ Konye kosal ijo toma akiro nuisisiat, ka aitogogoŋ, ijeni mama ka lukaŋai kisisiaunia,

¹⁵ ebe da ameun keiditeu ibu kojen nuiwadikatai nukalaunak, nuepedorete aitocoun jo kiton aitajario kanuka aiyuun naejai toma Kristo Yesu.

¹⁶ Ŋinikirot naiwadikatai naiyeŋakit Edeke ejai ajokis aisisianakinia, aikwenyaria, aitetenia, aituutooria da toma adolit,

¹⁷ tetere ilosikino etuŋanan loka Edeke, loisilosikinitai kotoma ŋiniswamisioit naejok.