Read Ateso Iburanian 1 Bible Online

Iburanian 1 - Ateso bible

Iburanian 1

¹Abu kolo Edeke kinera kalukapapaawok koponesio luipu luegelegela kotoma onabin;

² konye kapaarasia kanu nukawasia ener kaoni kotoma Okoku, loabu kodakak araun ekeruman loka kere, kanukeŋ da abu kosub akwapisinei.

³ Erai ŋesi ailore naka aibuses naka Edeke, erai da einono loka ejauteneke, edakit iboro kere kakirot naka akepedor. Nakedaunia aitesegaar adiakanareta, kiboikin akan nakoteten naka Loejai kuju kakuj, kotoma akuj,

⁴ korau loedeparit noi imalaikan kajokis, kwape erumitor ekiror loedeparit noi lokec kajokis.

⁵ Naarai iŋai bo komalaikan abu Edeke kobala ebe, “Irai ijo Okokuka, lolo kauri jo”? Bobo da ebe, “Araun eoŋ Papake, ŋes da eraun okokuka”?

⁶ Bobo da, naayaunia ekiyai toma akwapin ebala ebe, “Komaata ŋes imalaikan kere luka Edeke.”

⁷ Inera nuka imalaikan ebe, “Loesubi ikemalaikan araut imoyon, Ka ikejaanakinakake da aŋajepa nuka akim.”

⁸ Konye nuka Okoku ebe, “Wu Edeke, ejaenena ekoniicoloŋ ikar ka ikar, Ebela da lokadolit, ŋes ebela loka ajakanutuke.

⁹Ido komina adolit, kolaite da epali, Tape Edeke, Ekonideke, kinyonyoikini jo akinyet naka ailel Adepar lukaupakon.”

¹⁰ Bobo da ebe, “Ijo, wu Ejakait, ameun kageunet, Ibu kopet apetetait naka akwap, Akuj da erai aswam naka akonikanin;

¹¹Edaunos ŋun, konye jo ibusenenei; Emojoŋgete da kere kwape anapito;

¹²Ido inunuki kes kwape eimukoret, Ilocokinio da kwape anapito. Konye ijo ŋopeŋol, Ikonikar da mam enaŋete.”

¹³ Konye iŋai bo komalaikan abu ŋesi kobala ebe, “Kiboikin akanika nakoteten, Aitodol naebwaikinia lukasurupokon Araut iicoloŋ yenika akejekon”?

¹⁴ Mere kereka kes kere imoyon luijaanakinete, luiyakiaritai aijaanakin, kanuka ŋul luepote airum aitajario?