Read Ateso Iburanian 5 Bible Online

Iburanian 5 - Ateso bible

Iburanian 5

¹Naarai ŋolisasedoti lopeti loketiakunio kotuŋa ibwaikinio kanuka ituŋa kakiro nuka Edeke, tetere ijaikini ainakineta ka asuban da kanuka adiakanar.

² Epedori aiyamiyamar lueolito ka luepaarito, naarai ŋes da elopet igogoleori akalanyanut.

³ Kanuka ŋun ŋes da iburao ainakin asuban kanuka adiakarike, kwape kanuka ŋun nuka ituŋa.

⁴ Kwabo emamei etuŋanan kere eyaŋaikin bon apolou ŋin, dimarai ŋol loenyarit Edeke, kwape ka Aaron.

⁵ Kwape kwaŋin Kristo da mam abu kitopoloor bon aluor esasedoti lopeti, dimarai ŋol loabu kolimok ŋes ebe, “Irai ijo Okokuka, lolo kauru jo.”

⁶ Kwape inerar kamace da ebe, “Irai ijo esasedoti kiton ikar kere, Kwape ejaar epone loka Melukisadek.”

⁷ Kapaarasia nuka akuanake, abu Yesu kiŋaiŋa kilip da, kaiworo naepol ka akiyo da, mama ejai ŋol loepedori aitajar ŋes katwanare, kopupunoi da kanuka ayoniteke Edeke.

⁸ Karaida kerai Okoku abu kisisia arimanut kanuka ŋun kanuesiriebete;

⁹ kosodi nakedaunia aitodolikinio, korau loeinakini ŋul kere luerimarete ŋes aitajario naka ikar kere,

¹⁰loamaikini Edeke esasedoti lopeti kwape ejaar epone loka Melukisadek.

¹¹Kija kakiro nuipu einer kamakeŋ, ido nuetioko aitejenun, naarai ikimiŋakaros yesi.

¹² Naarai kapak kana tikibusakinit araut ikesisianakinak, kwabo ipudasi bobo yenikisisianakini yes nusodit nuegeunete nuka akiro nuka Edeke. Ido iluoros luipudasi akile kwabo mere inyamat luenyakao.

¹³ Naarai yenemasi akile mam ejeni akirot naka adolit, naarai erai ikoku.

¹⁴ Konye inyamat luenyakao eraas luka lukapolok, ŋul luiruutooritai acoakec kanuka aitwasam, tetere etiakete nuejok ka nueroko da.