Read Ateso Iburanian 9 Bible Online

Iburanian 9 - Ateso bible

Iburanian 9

¹Aso aitutuket nasodit da kejaas kaicorakineta nuka aima Edeke ka aibois nakalaunan naka akwap.

² Naarai itemokinitoi ewema losodit, lokejai epir loka atalai, ka emesa, ka imugatin luka aitodikin, nen ŋes kenyaritai Aibois nakalaunan.

³ Kau naka aigalisit nakiareit kejai ewema lokenyaritai Aibois nakalaunan noi,

⁴ lokejai etem loka lukisupurununo lokesabu, ka asaduku naka aitutuket nakiladaaritai kesabu iwaitin kere, nekejai atido nakesabu nakejai emanu, ka ebela loka Aaron loeburukunyit, ka amor da nuka aitutuket;

⁵ kujuke da Ikerubin luka aibuses, iteriborito eicoloŋ-lokaitim. Emamei apak kwana einer akiro nuka iboro kaŋul idiopet idiopet.

⁶ Aso kedaut iboro ŋul aitemonokinio kwaŋin, elomanarete isasedotin tiritir owema losodit, itodolikinete akiro nuka aijaanakin;

⁷ konye owema ŋol lokiareit elomanari esasedoti lopeti bon, irwan atipet ŋolikaru, mere komameete aokot nueinakini kanuke, ido kanuka aibucareta nuka aolit naka ituŋa.

⁸ Isideleleuni Emoyo Lokalaunan ebe mam ber erot etakanuna alomar aiboisio nukalaunak, naeriŋar ewema losodit ebwoi.

⁹ Ŋin ŋes aput naka apak nakwana, naejaas ainakineta ka asuban nueinakinio numam epedorete aitodol aomisio nuka yenemai;

¹⁰ naarai eraas ikisila luka akuan bon, lunyaman ka lumatan, ka luka ailoŋ naka iponesio luegelegela, lukicorakinio aitodol apak naka aiteteunio.

¹¹ Konye kedau Kristo abunore, loerai esasedoti lopeti loka akiro nuejok nuejaunete, kotoma owema loepol aitelekarit loitodolikinio jokan, lomam kiswamao kakanin, ŋes atemar ebe, mere loka akwap kana,

¹²kwabo mere kanuka aokot nuka akinei ka itak lurosok, konye kanuka akeokot elopet, abu koloma irwan atipet bon Aibois Nakalaunan, nakedaunia adumun alakun naka ikar kere.

¹³ Naarai arai aokot nuka akinei ka imoŋin, ka ekurwon loka ataok, lukebwatanakinio luemunaara, italaunete kiton aitesegaar akuan,

¹⁴ itelekarito cama aokot nuka Kristo, lokeinakin bon mama ejai Edeke kotoma Omoyo loka ikar kere, araun asubanit naemamei akemer, itesegarete aomisiokus kaswamisio nukatwak tetere ijaanakinete Edeke lokajaran.

¹⁵ Kanuka ŋun erai ekadiekan loka aitutuket nakitetet, tetere edumunete ŋul lukenyaraunitai aisumunet naka airumet naka ikar kere, naarai abu atwanare kojau naelakuni kes kotoma apaanareta nukotoma aitutuket nasodit.

¹⁶Naarai neejai aitutuket naka airum, ibusakinit kojai atwanare naka yenikitutuki ŋin.

¹⁷Naarai icasit aitutuket naka airum nakejaunia atwanare, naarai emamei ŋes agogoŋ arai eroko ejari yenikitutuki.

¹⁸Kanuka ŋun kiton aitutuket nasodit da mam itaŋitai komameete aokot.

¹⁹ Naarai nakedaunia Musa alimokin ituŋa kere ninikicorakinet kwape ejaatar ikisila, abu kolem aokot nuka itak lurosok ka nuka akinei nepepe kakipi ka eusi loereŋ, ka esop[1] da, kobwatanak eitabo ka ituŋa kere,

²⁰ kobala ebe, “Nu kes aokot nuka aitutuket nukiicorakini yes Edeke,”

²¹ kobwatanak aokot kopone kaŋol ewema, ka iboro kere da luka aijaanakin.

²² Abeit kotoma ikisila aapiei iboro kere aitesegario kaokot, ido arai emamei abukor aokot emamei aisionio.

²³ Aso ibusakinit aputosia nuka iboro lukokuju aitesegario kaŋun, konye iboro lukokuju ikulepek ibusakinit aitesegario kasuban nuitelekarito ŋun kajokis.

²⁴ Naarai mam Kristo alomarit aibois nakalaunan nakiswamao kakanin, nakeputosi kaŋin kanakabeit, konye toma akuj alopet, atakanu kwana kakonyen nuka Edeke kanuwok.

²⁵Kwabo mere ainanakin bon irwan ipu, kwape elomanaria esasedoti lopeti Aibois Nakalaunan ŋolikaru kaokot numam eraas nuke;

²⁶ naarai tiibusakinit ŋes arieb irwan ipu ameun kaisub akwapin. Konye kwana, atakanu irwan atipet bon kawasia naka ikar alemar adiakanareta kanuka ainakin bon araut asubanit.

²⁷ Ido kwape itemokinitere ituŋa atwanare irwan atipet, kosodi akaulo kaŋin atubokinio,

²⁸ kwape kwaŋin Kristo da, nakeinakinere irwan atipet aibwok adiakanareta nuka ikepuak, etakanuni irwan nakiareit komamei adiakar mama kaŋul luidareto ŋes kanuka aitajario,