Read Ateso Yakob 4 Bible Online

Yakob 4 - Ateso bible

Yakob 4

¹ Epote kai ijiisio, ai bo da ebunio asurup kotomakus? Mere kane, kotoma kanukisiyalamikinete yes nuejiosi kotoma atutubetakus?

²Iŋobeleete, ido mam idumunete; iarete, ido imielas, kwabo mam ipedorete adumun. Isurorete, ijiosi da, Mam idumunete naarai mam ilipete.

³Ilipete, kwabo mam kiinakinio, naarai ilipete erono, tetere imonikinos nukisiyalamikinete yes.

⁴ Yes aŋor nudotea, mam ijenete ebe aipaperokin kakwapin ŋes asurup ka Edeke? Aso ituŋanan kere yenekot araun ipapero yenika akwapin ituluor yenikasurup yenika Edeke.

⁵ Arai bo iwomitos ebe inera atai naiwadikatai? Imiela kereka emoyo loiboie kotomawok ekolo?

⁶ Konye iyatanakini ainakin asianut. Kanuka ŋun ebala ebe, “Itepegi Edeke luiwoŋoko, konye einakini luitasonos asianut.”

⁷ Aso kononokikis Edeke. Kitepegata Satan, kikeri ŋesi da yes.

⁸ Kikunyakis neejai Edeke, ŋes da ikunyuni mama ijaas. Yes ikadiakanarak, kilota akaninikus, kitalautu itauon, yes luejaas itauon iarei.

⁹Kitururuoto, kokuudianete, komonyata da. Koluor akienakus akuudian, ka aiyalama da ajuruŋuŋ.

¹⁰ Kitasonokinos kakonyen nuka Ejakait, ŋes da kitopoloori yes.

¹¹Iinacan, sirinerenenas nueroko. Yeninera nueroko nuka onac, arai bo yenetubokini onaceke, inera nueroko kokisila, ido etubokini ikisila. Konye arai kitubok ikisila, mam irai ikeswaman yenika ikisila, dimarai ikatubon.

¹² Ejai ekesilakinan ikisila ediopet ka ekatubon, ŋol loepedori aitajar ka amudiar da. Konye iŋai bo ijo yenitubokini iidunyetekon?

¹³ Aso ca yes luineras ebe, “Lolo arai moi kilosi ore mutan, kidauni da kaŋina ekaru ediopet, kigwelanari kimedaun da,”

¹⁴ kwabo mam ijenete nuka moi. Inyo bo akusiijar? Iraas elisina, loetakanuni apak naedit, kosodi ailicar.

¹⁵ Ti gwai ineras ebe, “Arai ekoto Ejakait, kijari kiswamai da nu ka nu.”

¹⁶Konye kwana iwoloboboto kotoma apoganutukus. Erono aolobob kere naikoni nen.

¹⁷ Aso yenejeni aswam nuejok, komam iswamai, erai adiakar kamakeŋ.