Read Ateso 2yokana 1 Bible Online

2yokana 1 - Ateso bible

2yokana 1

¹ Eoŋ ekimat ewadikakini ajakait naseuna ka idweke, luamina kabeit, ido mere eoŋ bon konye ŋul kere da luejenete abeit,

²kanuka abeit naesalit tomawok, ido ejaun nepepe kaoni ikar kere:

³Asianut, ka aitim, ka ainapakin ejaunete kaoni kama ka Edeke Papa, ido kama ka Yesu Kristo Okoku loka Papa, toma abeit ka amin.

⁴Abu keyalamikin noi naarai abu kadum ice kodwekon elosenenete kotoma abeit, kwape kidumunia aicorakinet kama ka Papa.

⁵ Ido kwana ajakait, kelipi jo, mere bala kewadikakini jo aicorakinet nakitetet, konye ŋin nakijaatar ameun kageunet, kaminanaros bonik ka bonik.

⁶Na da ŋes amin, kalosenenete kwape ejaatar aicorakinetake; na ŋes aicorakinet, kwape ipupunitotor yesi ameun kageunet, ebe, kolosenenete kotoma amin.

⁷ Naarai alomasi ikeŋalak luipu toma akwapin, lumam elimorete abunore naka Yesu Kristo kotoma akuan; ŋol ŋes ekeŋalan ido lokasurup loka Kristo.

⁸ Kocoito kinyeis atwaniar nukiswamat, konye kijaut eropit loitekoro.

⁹ Ŋin kere yenelitori komam esalit toma aisisianakin naka Kristo, emamei ŋin Edeke; yenesalit toma aisisianakin, ejai ŋin Papa ka Okoku da.

¹⁰ Arai ebuni ituŋanan mamakus, komam eyaunit aisisianakin ŋin, sirikisukunyikis ŋes togo, karaida ayogan ŋes;

¹¹naarai yeniyogai ŋes emorete kaŋes akeswamisio nukaronok.

¹² Ejaas nuipu aiwadikakin yes, konye mam akoto aitwasam apapula ka ebwino, konye amun abunore mamakus, kenerata kaituke, kosodi kodol awokokiyalama.

¹³Kiyogaete jo idwe luka inacikon naseuna.