Read Ateso 1 Samuel 2 Bible Online

1 Samuel 2 - Ateso bible

1 Samuel 2

¹ Kilip Kana, kobala ebe: “Elakara ekatau kotoma EJAKAIT, Itopolooritai akamumwarat kotoma EJAKAIT: Italalara akaituk kaneejaas lukasurupoka; Naarai eyalama kotoma aitajarakon.

² “Emamei loelaunit kwape EJAKAIT; Naarai emamei ice dimarai ijo: Ido emamei atiiba naeputos ka Edekewok.

³ Sirineras bobo nukaiwoŋoonut; Karaida nukailepanut alomun kaitukekus; Naarai erai EJAKAIT Edeke loka aijen, Ido ŋes loitemi aswamisio.

⁴Abilas akabwai nuka ituŋa lukirigin, Ŋul da lueguikinito itanapio agogoŋ.

⁵ Ŋul luemokos kolo ewoteoto inyamat; Ka ŋul da luariebi kolo eteŋei ebworasi: Eebo, auru arakan ikanykaarei; Ka ŋin da naejaas idwe luipu esilikinit.

⁶ Eari EJAKAIT, itajaruni da: Itolomari toma okatwak, itolomuni da.

⁷ Ipapeli EJAKAIT, ido itabari: Ijesari, ikeuni da.

⁸ Itonyouni lukican alemun kotoma apua, Itonyouni luilwaritos alemun kotoma otut, Aisiboikin kes nepepe kikapolok, Airum da eicoloŋ loka aibuses: Naarai ipirin luka akwap eraas luka EJAKAIT, Ido esipokinit akwap kujukec.

⁹ “Idari akeje nuka lukalaunakake, Konye isililiŋi ikaronok kotoma amuton; Naarai emamei etuŋanan loipikori kanuka agogoŋ.

¹⁰ Ŋul luitepegete EJAKAIT ebilibilio; Iretuni kotoma akuj aluikin kes; Irabakini EJAKAIT kiton owaitin luka akwap, Einakini ekabakake agogoŋ, Itopoloori amumwarat naka lokinyonyoikitonike akinyet.”

¹¹ Kolot Elukana togoke loajai Rama. Ido kijaanak ikoku EJAKAIT kakonyen nuka Eli esasedoti.

¹² Keraas odwe luka Eli odwe luka Belial; mam ajenete EJAKAIT.

¹³Ekoni kwanata epone loka isasedotin mama ejaas ituŋa ebe, naeinakinia ituŋanan asubanit, abuni ebulesit loka esasedoti itiŋit kakanike egolu loajaas ikel iuni, napekulai akiriŋ;

¹⁴Kosodi akiiŋor toma asepulia, arai abinika, arai amot, arai atido; kere naecumuni egolu ŋin ayaŋaari esasedoti. Kiswamanakinai kwaŋin Isiraelin kere luapote nen Silo.

¹⁵Eebo, eriŋa icweikina asiepai, kobuni ebulesit loka esasedoti, kobala ituŋanan yeneinakini asubanit ebe, “Koinakinai akiriŋ, kapeik esasedoti; naarai mam ekoto akiriŋ naipoo kamakon, konye naejon.”

¹⁶Arai kelimoki ŋes ituŋanan ebe, “Abeit icweikinio asiepai kwape kwana, ŋes konyet iyaŋaaria naipuda akoniijar kere”: eboŋokini ŋesi da ebe, “Mam, konye kiinakini ijo eoŋ kwape kwana: arai kiner, ayaŋaari kagogoŋ.”

¹⁷ Kopoloor aronis naka ikatumunak kakonyen nuka EJAKAIT: naarai kitapianata ituŋa ainakinet naka EJAKAIT.

¹⁸ Konye kijaanak Samuel kakonyen nuka EJAKAIT: korai ikoku, konapenenei epod [2] loka ebaputa.

¹⁹Ido kodonyonokini totoke ŋes anapito naedit, koinununei ŋes ŋolikaru, nakeupanarotor kokilenike ainakin asubanit naka ŋolikaru.

²⁰Kilipak Eli Elukana ka akeberu arereŋ, kobala ebe, “EJAKAIT koinak ijo ka aberu na aur kanuka ayuunet naayuunia EJAKAIT.” Koboŋosi orekec.

²¹ Koanyana EJAKAIT Kana, kopotuu, kidou isap iuni ka apesur aarei. Kopolok ikoku Samuel akonyen nuka EJAKAIT.

²²Kemojoŋ noi Eli; kopup kere nueswamanakinete odweke Isirael kere, ido kwape aperioto kaŋor nuejaanakinete kokek loka ewema loka airiamunun.

²³Kotema kes atiar, “Kanukinyo iswamaata akiro ŋun? Naarai ketejenikis eoŋ ituŋa lu kere akusiswamisio nueroko.

²⁴Okwe, odweka; naarai nueira mam eraas nuejok: itapaasi ituŋa luka EJAKAIT.

²⁵ Arai kediaka ituŋanan mama ejai yeniceke, etubokini ŋes Edeke: konye arai kediaka ituŋanan mama ejai EJAKAIT, iŋai epurokini ŋes?” Konye mam apotu kiirasi eporoto loka papakec, naarai akoto EJAKAIT aiar kes.

²⁶ Kiyatak ikoku Samuel apoloor, kodum asianut kama ejai EJAKAIT, kama ejaas ituŋa da.

²⁷ Kosodi kobu etuŋanan loka Edeke mama ejai Eli, kobala ŋes ebe, “Inera kwanata EJAKAIT atiar, Mere abu kapukokin bon okek loka papaakon, naajaatar Misiri obulesene kotogo loka Parao?

²⁸ Mam abu kaseu ŋes katekerin kere nuka Isirael, araun ekasasedoti, adokanar otemuka aisupuruunun lukisupurununo, anapenen da epod kakonyeneka? Mam abu kainak ekek loka papakon ainakineta kere nuka idwe luka Isirael nueinakinete kakim?

²⁹ Kanukinyo ipetonoriata asubanaka ka ainakinetaka, nuabu kecorak kaiboisika; koyoŋ odwekon aitelekarit eoŋ, kotumakis nuitelekarito ajokis nuka ainakineta kere nuka ikatuŋa Isirael?

³⁰ Ŋes enerar EJAKAIT, Edeke loka Isirael atiar, ‘Abeit abu kener ebe elosenenei ekekikon ka ekek loka papakon, kakonyeneka apaarasia kere’: konye kwana inera EJAKAIT atiar, ‘Madi eoŋ: naarai ŋul lukayoŋito eoŋ, etopoloori, ka ŋul da lukamenito mam enyarao idiobore.

³¹ Koany, eponito apaarasia, nuajeparia akonikan, ka akan naka ekek loka papakon, kinyek ajaun ekimat kotogokon.

³² Ido ianyuni aiticanitoi naka aiboisika, toma abar kere naeinakini Edeke Isirael: kwabo emameunun ekimat kotogokon ikar kere.

³³Ka etuŋananikon lomam amudiari alemar kotemuka, eraun loikokoori akiyo kakonyekon, ka aitakadikin ekonitau: ka aur da naka ekekikon etwakenenete napekuruŋanete.

³⁴ Eraun na da aanyunet kamakon, naedoikini odwekon luarei, Kopuni ka Pinekas; etwakete kere apaaran adiopet.

³⁵ Eoŋ da etonyouni esasedoti lomunot, loiswamaenenei kwape ejaatar ŋun nuejaas otauka ka aomisioka: adukokini ŋes ekek loicasit: ido elosenenei kakonyen nuka lokinyonyoikitonoka akinyet ikar kere.

³⁶ Kosodi kanen, ebuni ŋin yenideuna kokekikon akukonokin ŋes ailip atutubet naka epuesa ka idionyamat, ebe, “Keŋaiŋait, kitaraunai ediopet kotoma aswam naka isasedotin, tetere apedori ainyam idionyamat.” ’ ”