Read Ateso 1 Samuel 31 Bible Online

1 Samuel 31 - Ateso bible

1 Samuel 31

¹ Kitijioto Ipilisitian Isirael: kokerata ituŋa luka Isirael kakonyen nuka Ipilisitian, koarakinai moru Giliboa.

² Kodapata noi Ipilisitian Saul ka odweke; koarata Ipilisitian Yonatan, ka Abinadab ka Maliki-sua, odwe luka Saul.

³ Kipikoroi Saul kojie, kodolokis ŋes ikagumak imalia; kobur noi kanuka ikagumak imalia.

⁴ Kosodi Saul atemar loadakit lujiisike atiar, “Kout ekonikileŋ, kicumia eoŋ; kinyeis lumam ekepep lu abunore aicum eoŋ, aitisil eoŋ,” Konye koŋer loadakit lujiisike; naarai akuriana noi. Kanuka ŋun kolem Saul ekekileŋ, kicumakinor.

⁵Keanyu loadakit lujiisike ebe atwana Saul, kicumakin ŋesi da kekekileŋ, kotwana nepepe kaŋes.

⁶ Kwaŋin kotwana Saul, ka odweke iuni, ka loadakit lujiisike, ka iketuŋa kere, kapaaran kaŋin kere nepepe.

⁷Keanyut ituŋa luka Isirael luajaas juwai naka aditot, ka ŋul luajaas juwai naka Yorodan ebe akerata ituŋa luka Isirael, atwana da Saul ka odweke, kojalata ireria, kokerata; kopotu Ipilisitian kiboikinos toma.

⁸Kosodi kanen tupuruc kepotu Ipilisitian aiŋat lukearitai, kodumut Saul ka odweke iuni etwakikinito moru Giliboa.

⁹ Kojepasi akekou, koŋatasi lujiisike, kijukasi akwap naka Ipilisitian naerimorit, ayaŋaar akiro togo loka aputosiakec nuegerer, kotuŋa da.

¹⁰ Kibwaikis lujiisike togo loka Asitarot: koenikis akekuan arwatat naka Bet-san.

¹¹Kepuput lueboienenete koYabes-Gilead nukeŋ nuapotu Ipilisitian kiswamakis Saul.

¹² Konyout ituŋa kere luatitiŋ, koloto akuare kere, kolemut akuan naka Saul ka awat nuka odweke karwatat naka Bet-san; kopotu Yabes, kicweata kes kanen.

¹³ Koyaŋaasi akojokec, konukakis kwap kepeduru koYabes, kikanyata eteŋei apaarasia akanykaarei.