Read BIBILLYA Mareiyo Meele a Iruva Mapookyony 10 Bible Online

Mapookyony 10 - BIBILLYA Mareiyo Meele a Iruva bible

Mapookyony 10

¹Elu llo ufyari lwa Noe kuuka vana vakwe varaaru va kyuumi, Semu, Hamu na Yafeti. Na kwawo kukawonika-fo vana va kyuumi numa ya mura ulya.

²Vana va Yafeti ni Gomeri, Magogu Madai, Yavani, Tubali Meshaki na Tirasi.

³Na vana va Gomeri ni Ashikenasi, Rifathi na Togama.

⁴Na vana va Yavani ni Elisha, Tarshishi, Kitimu na Woradani.

⁵Kwa yeva ngyuruka ta mbaa-mbaa ya yeeve vakakwaana. Yeva mmbo vana va Yafeti. Vandu va efo ngyurukeny tawo wo amwi na kishomu kyao kwa ilatya ngyufyari tawo efo masangeny awo.

⁶Na vana va Hamu ni Esopia, Misraim, Putu, na Kanaani.

⁷Na vana va Esopia ni Seba, Havila, Sabta, Raama na Sabteka. Na vana va Rama ni Sheba na Dedani.

⁸Esopia kaira Nimrod nawe kapooka iva nkaari urukeny.

⁹Kava nkaari yaasa mafisi mbee ya Nndumi Iruva. Nkyo kimaruma vandu vaambaa, “Sha Nimrod akee nkaari wa yaasa mafisi mbee ya Nndumi Iruva.”

¹⁰Mapokyony a umangyi lwakwe ni kulya Babilony.[2] Na Ereku, Akadi, na Kalne kulya urukeny lwa Babilony.

¹¹Kooka kulya urukeny lulya kandefika Ashuru, katana muri wa Ninavi, na Rehoboti-iri, na Kala;

¹²na Reseni, uka Ninavi na Kala, nato ni muri nniini.

¹³Misri kaira Waludi, Waanami, Wanaftuhi,

¹⁴Wapatturusi, na Wakasluhi; neefo mfo wookye Vafilisti na Vakaftori.

¹⁵Kanaani kaira Sidoni, mmbwe mwana-vakwe mbee, na Hiti,

¹⁶na Myebusi, na Mwamori na Mgirgashi,

¹⁷na Mhivi, Mwarki, Msini,

¹⁸Mwarvadi, Msemari, na Mhamathi. Numa vandu va Kanaani vakanyanyaka.

¹⁹Na nnyanu wa Vakanaani, mmbo wepookye uka Sidoni alya shia ya Gerari fika Gaza; lyingyi fika shia ya Sodomu, na Gomora, na Adima na Seboimu, kufike Lasha.

²⁰Yewo niwo vana va Hamu, isora wo ufyari, fishomuny fyawo, ngyurukeny taawo, shaasa ngyufyari tawo tikai.

²¹Nawe Semu akee ndeye wa vana woose va Eberi, na mwanamaye nnsongoru wa Yafeti keeryo vana.

²²Vana va Semu ni Elamu, Ashuru, Arifakisadi, Ludi na Aramu.

²³Na vana va Aramu ni Usi, Huli, Getheri na Mashi.

²⁴Arifakisadi kaira Sela na Sela kaira Eberi.

²⁵Eberi kairyo vanaa vavii va kyuumi, irina lya yeto mmbwe ni Pelegi, mashika kyeeri kyakwe llyo “Uruka lulekwaava;” na irina lya mwanamaye ni Yoktani.

²⁶Yoktani kaira Alimodadi, Shelefu Hasarmawethi, Yera,

²⁷Hederamu Usali Dikla,

²⁸Obali, Abimaeli, Seba

²⁹Ofiri, Havila na Yobabi. Yewo woose mmbo vana va Yoktani.

³⁰Kyeny kwao ni uka Meska ilatya shia ya Sefari, ifumbu lya taari ya ngama.

³¹Yewo mmbo vana va Semu, shaasa ngyufyari tawo tikai, fishomu fyawo, ngyuurukeny tawo, shaasa ngyufyari tawo tikai.

³²Eto nto ngyufyari ta vana va Noe, shaasa vawonikye, efo gyufyariny tawo; na vandu yewo vakakwaava-ava ngyurukeny numa ya mura ulya.