Read BIBILLYA Mareiyo Meele a Iruva Mapookyony 19 Bible Online

Mapookyony 19 - BIBILLYA Mareiyo Meele a Iruva bible

Mapookyony 19

¹Naasa vasu valya vavii vakafika Sodomu nkwaany, na Loti nnyoo isaareny[5] mwangony wa Sodomu ekai. Loti kavalollya kakwipoo nandevaambya, kawa si kifulu-fulu.

²Kaamba, “Vande vakwa, oshony kwakwa, mwaange mmba kwa ishinga lyany, mulale, muvesangya marende any. Na ngama nraasi mukupoo mukweengye.” Vakammbia, “Nshi indo-fo mmbo lukaa yoo poo kio tara-raa.”

³Kavalelemba deny, nawo vakasha vakaanga mmba kwakwe. Kavadeesya shoonga shisha, kavasongosya nkate ulatiri ntarang'u, vakalya.

⁴Elyi kulore vallala, vandu va muriny va Sodomu, vakashingillya mmba, vandu vakoo na vamiku, vandu woose wookye taari toose.

⁵Vakavaanga Loti vakammbia, “Vandu valya vasha kwafo kio ekyi nkwi vakai? Luveengye lukae nawo.”

⁶Loti kavasora mwangony karaya mwaango numa yakwe.

⁷Kaamba, “Naasa, shamutereva, vanavama vakwa, mulashetana uravi indo-fo.

⁸Loleny, shitiri vana va kyeny vavii kuloore valenkaa na nndu nndumi, shamutereva shivaende kwany, muvatannyi shaasa mulollya ni usumanu mison any, lyo vandu eva mulavatannyi kindo-fo, mashika elyi vakee mmba kwakwa.”

⁹Vakaamba, “Uka yaa!” Naasa vakaamba, “Nndu yeu ngara kweru; ate vai we mmbo akundye iluutya uvingo! Naasany mmbo lushekutanyaa yewe ukasha ngota wo.” Vakasembeiya nndu yeto nnu, Loti yeto, vakasembeya naambo vafishe mwaango.

¹⁰Kyeendi veny valya vavii vakaorwa maako awo, vakaomwa Loti neefo mmba, vakaraya mwaango.

¹¹Vandu yewo vekee yoo mwangony vakawonisa ngapwa yeefwa miso, vadu na vaniini vakaaraya-u tasi veruuyaa mwaango.

¹²Naasa vandu valya veny vavii vakavia Loti, kutiri nndu wafo ungyi yaa, sha nkwe, vana va kyuumi ao va kyika, ao vengyi vakee kunu muriny, kuvaute vaukefo;

¹³mashika mmbo lukeelyamara ando yaa, kimmba kiiyo kya vayo kyannanga mbee ya Nndumi Iruva, na Nndumi Iruva kaluruma lushelyamara-u.

¹⁴Loti keenda karera na wakwe vakwe valya verye yaalyika vefu vakwe, kavavia, “Kwiipony muuke ando yaa mashika Nndumi Iruva asherumataa muri yeu.” Kyaindi wo vakallolya sha nndu akeetavana-da.

¹⁵Ngama shuru vasu valya vakaitika Loti, vakammbia, “Kweete, ipoo nka wafo na vana yewo vafo vavii vakyeny, kulasherekya uraviny lwa muri yeu.”

¹⁶Kakuria-ria na veny valya vakantira Loti na nka wakwe wa vana vakwe va kyeny maako, shaasa Nndumi Iruva alekunda illyillya, vakanturushwa-fo vakanrwaa kipoo ya muri ulya.

¹⁷Llya vammaa insomuta umwi wa vasu valya kaamba, “Kukire kumuni, kulalole numa, nta kwulashesalala efo imungony fo, risheny kulya ifumbu-u, naambo mulasheirumaka.”

¹⁸Loti kavavia, “Woi mbee kilave indo-fo,

¹⁹Lola kishinga kyafo kyambonisa ilyilyo misony afo, neewe kweengera isarya lyafo kuleshitannya ishikira yeny, neeny shishidimaa irishya efo waambeu shikiyefo shilashefwa-fo.”

²⁰Loleny kulya kwiifo muri munywa shishiidimaa irishya-fo mashika ukee kufii. Shiniingony muunu shirishye-fo. Eto ni muri muunywa deny nafo shishekiiya-fo.

²¹Kammbia, “Lola, shankwirikya na irero elyo nalyo, shire shilalyamara muri yeto kwawaaamba.”

²²Angusyany, kundekiiya-fo, neeny nshitanaa kyindo-fo, kutani kwaanga-fo. Nkyo irina lya muri yeto lyikavaangwa Soari.

²³Mwi mmbo wekesaama kyeeri kilya Loti aleanga Soari.

²⁴Naasa Nndumi Iruva keende muro sha mbua efo Sodomu na Gomora wuuka iruveeu kwa Nndumi Iruva.

²⁵Kawundwa miri yeyo na Imungo elyo lyoose neewo woose vekee miriny yeyo, na, myooro myoose yeemye-fo.

²⁶Kyeendi nka wa Loti kalola numa, kava iwe lya mmbola.

²⁷Abrahamu kasomuka ngama nandesalala mbee ya Nndumi Iruva.

²⁸Nawe kalola taaari ya Sodomu na Gomora na uruka loose lwa Imungo elyo kalollya, ate ituuru lya nsu lyikeerwa na uwe.

²⁹Kyikava elyi Iruva alerumata miri myoose ya Imungony yelyo, Iruva kakummbwa Abrahamu kauta Loti yefo urumatony llya alerumata miri ilya Loti ekai.

³⁰Loti kasaama auka Soari kafika ifumbuny, na vana vakwe vavii ando amwi nawe, kimmba aleereya ikaa efo Soari. Kakaa mbangeny, we na vana vakwe va kyeny vavii.

³¹Mwana mmbee kavia yeto n-du, “Nnde weeru mmbo ammikkwa na nkwiifo nndu nndumi wa ikaa neese shaasa kyikai ulaniny koose-fo.

³²Ndifo, luniinge nnde weru nfinyu, lukae nawe, naambo luonisye ndeeru ngyeeri.”

³³Vakaniinga nde yaawo nfinyu kio kilya, yeto nniini kakaa na ndeeye, nta ndeeye nalamanyi kyeeri alekaa nawe na nta kyeeri aleuka-u.

³⁴Naasa elyi lya ndesi ulya nniini kavia ulya n-du, “Kwiishi, ukwau mmbo shilekaa na ndeyeakwa, lunniinge-se nfinyu kio ekyi neewe kukee nawe.”

³⁵Vakanniinga lyingyi nde yaawo nfinyu kio kilya; ulya n-du nawe kandekaa nawe nta ndeeye nalamanyi kyeeri alekaa nawe, nta kyeeri aleuka-u.

³⁶Naasa vana valya vavii va Loti vakakufinga kyuuka na nde yaawo.

³⁷Ulya nniini kaira mwana kammbaanga irina lyakwe ni Moabu; yeto mmbwe ndeye wa Vamoabi fika inu.

³⁸Na ulya n-du nawe kaira mwana kammbaanga irina lyakwe ni Benami; eto mmbwe ndeye wa Vaamoni fika inu.