Read BIBILLYA Mareiyo Meele a Iruva Mapookyony 36 Bible Online

Mapookyony 36 - BIBILLYA Mareiyo Meele a Iruva bible

Mapookyony 36

¹Elu llo ufyari lwa Esau, mmbwe Edomu.

²Esau mmbo erwaa vefu va Kanaani vakava vaka vakwe, Ada, mfu wa Eloni, Mhiti, na Oholibama, mfu wa Ana mfu wa Sibeoni, Mhivi

³na Basenati mfu wa Ismaili mwana wa Nebayoti.

⁴Ada kairya Esau Elfasi; na Basemati kaira Reueli.

⁵Oholibama kaira Yeushi na Yolamu na Kora. Yewo mmbo vana va Esau aleirywa kulya urukeny lwa Kanaani.

⁶Esau kaipoo vaka vakwe, na vana vakwe va kyuumi na va kyika, na vandu woose va mmba yakwe, na ng'umbe takwe na findo fyakwe fyevikya, na masaa akwe moose yoo aleaweonisa ekee Kanaani, kasamya ando engyi kwaasha na mwanamaye Yakobo.

⁷Mmbo aletana indo mashika masaa awo ekee meengyi, nta valaidimi ikaa ando amwi. Uruka elo valekaa sha veny llulevamaa-fo, kimaruma kya findo veetiri.

⁸Esau kakaa ifumbuny lya Seiri, Esau mmbwe Edomu.

⁹Elu llo ufyari lwa Esau, ndeye wa Edomu ifumbuny lya Seiri.

¹⁰Yaa ng'u marina a vana va Esau, Elifasi, mwana wa nka wa Esau Ada, Reueli, mwana wa nka wa Esau Basemati,

¹¹Na vana va Elifasi ni Temani, na Omari, na Sefo, na Gatamu na Kenazi.

¹²Na Timna ekee nka kishinga wa Elifasi we mwana wa Esau, nawe kairya Elifasi Amaleki. Yewo mmbo vana va Ada, nka wa Esau.

¹³Na yeva mmbo vana va Reueli, Nahati na Zera, na Shama na Miza.

¹⁴Na yeva mmbo vana va Oholibama, mfu wa Ana, mfu wa Sibeoni, nka wa Esau; kairya Esau, Yeushi, na Yalamu na Kora.

¹⁵Yeva mmbo vashilyi va vana va Esau; vana va Elifasi, mwana mmbee wa Esau nshilyi Temani, nshilyi Omari, Sefo, Kenazi,

¹⁶Kora, Gatamu, Ameleki. Wo umwi ekee nshilyi wa vandu vakwe. Yewo mmbo vana va Elifasi alewonywa ni Ada nka wa Esau.

¹⁷Na yeva mmbo vana va Reueli, mwana wa Esau; nshilyi Nahati, Zera, jumbe Shama, Miza. Yewo mmbo vashilyi vaukye kwa Reueli urukeny lwa Edomu. Yewo ni vana Basematti, nka wa Esau.

¹⁸Neeva mmbo vana va Oholibana, nka wa Esau, Yeushi, Yolamu, na Kora, Yewo mmbo vashilyi valeuka kwa Oholibama, mfu wa Ana nka wa Esau.

¹⁹Yewo mmbo vana va Esau, we Edomu, wo umwi ekee nshilyi wa vandu vakwe.

²⁰Yeva mmbo vana va Seiri, Mhori, veni uruka elo, Lotani, na Shobali na Sibeoni na Ana,

²¹na Dishoni, na Eseri, na Dishani, yewo mmbo vashilyi vaukye kwa Vahori; vana va Seiri, urukeny lwa Edomu.

²²Na vana va Lotani ni Hori, na Hemamu, na mfwamaye Lotani evangwaa ni Timna.

²³Na yeva mmbo vana va Shobali, Alvani na Mahanati, na Ebali, na Shefu na Onamu.

²⁴Na yeva mmbo vana va Sibeoni, Aya, na Ana, mbwe Ana ulya elollya ngyusoka ta mura uyaa efo kasa, kyeeri ashiisaa mishungu ya ndeye Sibeoni.

²⁵Na yeva mmbo vana va Ana, Dishoni na Oholibama mfu wa Ana.

²⁶Neewa mmbo vana va Dishoni, Hemdani na Eshbani, na Itrani na Kerani.

²⁷Neeva mmbo vana va Eseri, Bilhani, na Zaawani na Akani.

²⁸Na yeva ni vana va Dishoni, Usi na Arani.

²⁹Yeva mmbo vashilyi wookye kwa Vahori, nshilyi Lotani. Shobali, Sibeoni Ana,

³⁰Dishoni, Eseri, Dishani. Yewo mmbo vashilyi vauka kwa Vahori kwa mbony ta vashilyi vawo, urukeny lwa Seiri.

³¹Na yeva mmbo vamangyi veshilya efo urukeny lwa Edomu, kulaore kwenkaafo mangyi enshilya vana va Israeli.

³²Bela wa Beori mmbo eshilya Edomu na irina lya muri wakwe ni Dinhaba.

³³Bela kafwa Yobabu mwana wa Zera kashilya, wa Bosra, ando akwe.

³⁴Yobabu kafwa, Hushamu kashilya ando akwe wa uruka lwa Vatemani ando akwe.

³⁵Hushamu kafwa, Hadadi wa Bedadi kashilya ando akwe, na mmbwe yeto ekapa Midiani kulya kasa ka Moabu, na irina lya muri wakwe ni Aviti.

³⁶Hadadi kafwa, Samla wa Mesreka kashilya ando akwe.

³⁷Samla kafwa, na Shauli wa Rehobothi ukee kufii na mura, wa Efrat, kashilya ando akwe.

³⁸Shauli kafwa, Baal-havani mwana wa Akibori kashilya ando akwe.

³⁹Baal-hanani mwana wa Akibori kafwa. Hadadi kashilya ando akwe, na irina lya muri wakwe ni Pau; na irina lya nka wakwe ni Mehetabeli mfu wa Matredi, mfu wa Mezahabu.

⁴⁰Na yoo ng'u marina a vashilyi yewo vaukye kwa Esau, kiinani na ngyufyari tawo na mmba tawo vekee Timna, Alva, Yeteti.

⁴¹Oholibama, Ela, Pinoni,

⁴²Kenazi, Temani, Mibsari.

⁴³Magdieli, na Iramu. Yewo mmbo vashilyi vaukye na urukeny lwa Edomu. Neeto mmbwe Esau, ndeye wa Edomu.