Read BIBILLYA Mareiyo Meele a Iruva Mapookyony 46 Bible Online

Mapookyony 46 - BIBILLYA Mareiyo Meele a Iruva bible

Mapookyony 46

¹Israeli kaipoo kyaaro ando amwi na fyoose eetiri, kafika Beer-sheba, kashishya Iruva wa Isaki kiraso.

²Iruva karera na Israeli efo yooryeny elyi kio, kammbaanga, “Yakobo, Yakobo, kammbia, Ekau yeny mbee,”

³kammbia, “Yeny ni Iruva wa ndoo Isaki kulairyee-fo, isoka na Misri; mashika nshefumbutyaa-fo ufyari lwafo.”

⁴Mmbo nshesokaa neewe fika Misri neeny nshekuviira lyingyi, dede, na Yosefu mmbo ashevikaa-u woko lwakwe yoo misony afo.

⁵Yakobo kooka Beer-sheba, vana va Israeli vaka-kamara ndeye waawo, na vana vawo vadu, na vaka vawo vakasaama mitikeny ilya Farao alevarikkya naambo ashewoonndwa.

⁶Vakaipoo na findo fyawo fyevikkya, na masaa awo yoo veetiri kulya Kanaani, vefika Misri, ni Yakobo na vandu va ufyari lwakwe woose.

⁷Vana vakwe, na vana va vana vakwe, vefu vakwe na vefu va vana vakwe, ufyari lwakwe loose, keenda nawo fika Misri.

⁸Na ya nng'u marina a vana va Israeli valeanga Misri, Yakobo na vana valya vakwe, Ruben mwana mmbee wa Yakobo,

⁹Na vana va Ruben; Hanoki na Palu, na Hesroni na Karmi.

¹⁰Na vana va Simeoni; Yemueli, na Yamini, na Ohadi, na Yakini, na Sohari, na Shauli, mwana wa nka Nkanaani.

¹¹Na vana va Levi, Kershoni na Kohathi na Merari.

¹²Na vana va Yuda, Erii na Onani na Shela na Peresi, na Hesroni na Haamuli.

¹³Na vana va Isakari, Tola na Puva, na Yashubu, na Shamroni (Indi Eri na Onani venfiiya kulya Kanaani).

¹⁴Na vana va Sabulon: Seredi na Eloni na Yeleeli,

¹⁵Yewo mmbo vana va Lea, aleirya Yakobo kulya Padan-Aramu na Dina mfu wakwe. Vandu woose na vana vawo ni makumi araru na vararu.

¹⁶Na vana va Kati Sefoni ni Hakyi, na Shuni na Esboni, na Eri na Arodi, na Areli.

¹⁷Na vana va Asheri, Imna, na Ishva, na Beria na Sera, na mfwa-maye waawo, Na vana va Beria ni Heberi na Milkieli.

¹⁸Yewo mmbo vana va Silpa, yeto Laban aleniinngya Lea, we mfu wakwe, nawe keerya Yakobo yewo, vandu ikumi na varindaru.

¹⁹Vana va nka wa Yakobo Reeli, ni Yosefu na Benyamen.

²⁰Valeonika kwa Yosefu eeke Misri ni Manase na Efraimu, yewo Asinati mfu wa Potifa alemwirya, yeto ekee nkohani wa Oni.

²¹Na vana va Benyamen ni Bela na Bekeri na Ashbeli na Kera na Naamani, na Ehi na Roshi na Mupimu na Hupimu na Ardi.

²²Yewo mmbo vana Reeli aleirya Yakobo, woose mmbo vekee ikumi na vaana.

²³Na vana va Dani Hushimu.

²⁴Na vana va Naftali ni Yeseebi, na Kuni, na Yeseri, na Shilemu,

²⁵Yewo mmbo vana va Bilha ulya Laban enninngya Raheli mfu wakwe, nawe kaveerya Yakobo woose ni vandu mfungare.

²⁶Vandu woose yewo valeuka Kanaani vakasha Misri varyani na Yakobo ni vandu makumi arindaru na varindaru kuuta-fo vaka vawo.

²⁷Na vana va Yosefu alevawonnya Misri ni vavii. Wandu woose va mmba ya Yakobo waleenda Misri veeke makumi mfungare.

²⁸Yakobo keeta Yuda mbee yeenda kwa Yosefu, naambo namoore shia ya yenda Gorsheni. Vakafika urukeny lwa Gorsheni.

²⁹Yosefu kaala ikari lyakwe, neende iwarya ndeye Israeli efo Gosheni. Kakoora kwakwe, kankulyingillya singony kaiya yoo singony yakwe kyeeri kyaasha.

³⁰Israeli kavia Yosefu, “Na shakufiiyany ulaalu mashika elyi shankulollya kisangu kyafo, kwikee na muu”.

³¹Yosefu kavia vana va maye na vandu va mmba ya ndeye, “Mmbo shikeenda shindevia Farao, Shindemmbia indi, Vana va ma, na vandu va mmba ya nde, veeke kulya urukeny lwa Kanaani vanshisheya.

³²Na vandu yewo ni veesa findo mashika mmbo vakee veesa findo, nawo mmbo vasha na moonri awo na ng'umbe tawo, na masaa awo moose.”

³³Naasa kyeeri Farao ashemuvangaa na imuvesa mashora any ng'u-ki,

³⁴mbieny, Yese mashinga afo mmbo lukee veesa findo uka udu lweru, na fika inu, yese na vande veru, naambo mukae kulya urukeny lwa Gosheni; mashika nndu moose mwiisa findo mmbo asuuywa kunu Misri.”