Read BIBILLYA Mareiyo Meele a Iruva 1 VAMANGYI 5 Bible Online

1 VAMANGYI 5 - BIBILLYA Mareiyo Meele a Iruva bible

1 VAMANGYI 5

¹Nawe Hiramu mangyi ya Tiro mbuya ya Davidi, ekiita sheelyi Solomon ammbikwa mangyi ando a ndeye kanrumya varundi vakwe.

²Nawe Solmon karumya Davidi nrumi yei:

³Kwiishi sheelyi nde-yaakwa Davidi nnyeidima itannya Iruva-Munifinya, Iruva wakwe mmba ando kwa imwiindya, kimaruma kya fira ya mikonumiingyi, kutani llya Iruva-Munifinya alemwiidimisya ivinga.

⁴Indi ulaalu Iruva-Munifinya, Iruva wakwa mmbo ashiwonisya ufoo taari shoose. Nshitiri-se ukyiva nta nkiduva-fo.

⁵Ni kuti shitannyi Iruva-Munifinya, Iruva wakwa mmba ya mwiindye. Ndesa Iruva-Munifinya aarya kyaasa ndeye-akwa kaamba: “Nsero wafo yeto shishembika kiriny kyafo kya umangyi mmbwe yeto asheshitannya mmba!”

⁶Ulaalu vavasyany, vandu vafo vandeshimannya mieresi ya Lebanoni, na vandu vakwa vashesanga nawo efo mashoreny yoo, na yeny mmbo shivataa weesi lwawo ndesa kushaamba. Kimmba vandu vakwa valashiidimaa irunda sha Vasidoni.”

⁷Llya Hiramu aleeta mbony yei ya Solomon kafura nnu, kaamba, “Iruva-Munifinya narumishwa elyi aleniinga Davidi mwana atiri urango naambo ashillye uruka elu uniini indi.”

⁸Naasa, Hiramu karikya Solomon nrumi, kammbia, “Shammiita nrumi yafo, ndesa kwaamba ni indo shikutannya kuwonise mbau ta myeresi, na ta miberoshi.

⁹Vandu vakwa mmbo vashiinga makongo ooka Lebanoni, ekee mafinge vandeeolota efo yeeveny vakweengye vafite yoo ando kukundye. Nafo vandeaporomwa neewe kundeawarya. Kindo kutana kwakwa yewe ni ishiniinga shoonga ya vandu va kyeny kwakwa.”

¹⁰Naasa Hiramu kaniinga Solomon mbau tilya shoose eekundye myeresi na miberoshi;

¹¹nawe Solomon kaniinga Hirami madeve mayana avii na aana a nganu na mafura mesha madeva mayana avii wo mwaaka fiikee ni shoonga ya vandu va kwakwe.

¹²Naasa Iruva-Munifinya kaniinga Solomon Urango uniini ndesa alemwaarya kyaasa. Kukava-fo Ufoo nnang'ani ya Solomon na Hiramu vakalya mma nnang'ani yaawo.

¹³Mangyi Solomon kasangirya vandu fiku makumi araru wooka uruka lwa Israeli vasherunda mashora a nsarakambo.

¹⁴Kavika-fo Adoniramu ave mwisalallya vandu ewo. Kaava matorito araru a vandu fiku ikumi wo kyimwi, kavavika mashoreny veshaallya makamba mwiiri umwi vakarunda Lebanoni na miiri ivii vakarunda kyeny kwawo.

¹⁵Solomon etiri vandu fiku makumi nyanya vepasha mawe na vengyi fiku makumi mfungare veiinga.

¹⁶Kavika-fo vengyi fiku firaru na mayana araru vakava vesalallya mashora yoo.

¹⁷Mangyi kavavasya vasume na ipasha mawe maniini a itana nsuka.

¹⁸Ni indo vetana mmba Solomon na Hiramu sanda na vandu na Gebali valedeesya mawe na mbau ta itana mmba yeyo.