Read BIBILLYA Mareiyo Meele a Iruva 2 VAMANGYI 19 Bible Online

2 VAMANGYI 19 - BIBILLYA Mareiyo Meele a Iruva bible

2 VAMANGYI 19

¹Naasa mangyi Esekia ekiita indo, karanndwa soori takwe, kakuvika soori ta makunnya, kaanga yefo mmba ya Nndumi Iruva.

²Karuma Eliakimu ulya mwiisalallya mmba yakwe, na Shebna, mwiireiya, na vamiku va makohani, vakavikwa soori ta makunnya vaende kwa nkisuku Isaya mwana wa Amosi.

³Vakammbia, Esekia aamba indi, Nkonu yeu ni nkonu wa fyoova, na usutu, na fyaararo; kyeeri kya iwona vana kyamfika indi mbatiri finya ya ivawona-fo.

⁴Kishiidimika Nndumi Iruva, Iruva wafo ashiita marero moose a ishinga yelyi, yeto mangyi ya Ashuru, alerumwa ni nndumi wakwe naambo aarare Iruva eefo na muu; nawe ashekyemia marero yoo Nndumi Iruva aleeta, kwa ekyo ni kisha kwavika kiterewo kya yeekya yewo vasaae-fo.

⁵Naasa varundi va mangyi Esekia vakeenda kwa Isaya.

⁶Isaya kavavia Vieny nndumi waany marero yoo a fyaararo fileuka kaniny ka varundi va mangyi ya Ashuru.

⁷Lola! Mmbo shimmbikya ngoo ya weresi na usau nnang'ani yakwe nawe eete iruruma awuye urukeny lwakwe muni shishemmbwaa na usu lukee yefo urukeny lwakwe we muni.

⁸Naasa mwiisalallya ulya kawuya kakooya mangyi ya Ashuru ekapana na Libna mashika emmita sheelyi mangyi ensama Lakishi.

⁹Kyeeri aleta mbony sheelyi Tirhaka mangyi ya Esopia ankwipoo indekabana nawe karuma-se vandu kwa Esekia vammbie

¹⁰Veiny Esekia mangyi ya Yuda marero ya mummbie Iruva wafo yeto kummbikye nsia aleshekulemba eshambaa Yerusalemu nkuvikwaa maakony a mangyi ya Ashuru-fo.

¹¹Kulola yewe mbony yeti vamangyi va Ashuru valetannya ngyuruka toose vakatirumata deny ndesa ni yewe kushikyaa?

¹²Ndesa! Marua valya va masanga valya valerumatwa mbandeyakwa valemukira? Vakosani valya, na Haran, na Resefu, na vana va Adini valya vekee kulya Telasari?

¹³Nkwi mangyi ya Hamati akai? Na mangyi ya Arpadi, na mangyi ya muri wa Sefavaimu na wa Hena na wa Iva?

¹⁴Naasa Esekia kawarya barrwa yuuka maakony a vandu valya ekimaa iisoma Heseia kasaama kaanga mmba ya Nndumi Iruva kayaala mbee ya Nndumi Iruva.

¹⁵Esekia katereva Nndumi Iruva kaamba, “Woi Nndumi Iruva, Iruva wa Israeli kukee uwe ya findo fyoose kumuni mmbwe Iruva wa mangyi toose ta ulana yewe mmbwe kuleumba iruveeu na Ulana.

¹⁶Loota yaarwi lyafo Woi Nndumi Iruva kwaarannye tarammbwa miso afo kulollye kwiite marero a senakeribu yoo aleruma nndu kasha naambo aarare Iruva yeu eefo na muu.”

¹⁷Ni kya dede Nndumi Iruva Vamangyi va Ashuru valelyamara masanga na ngyuruka tawo.

¹⁸Nayeera maruva awo murony, mashika ekee maruva a wongo masongosye na miri na mawe nsi.

¹⁹Naasa ulaalu Woi Nndumi Iruva weeru shakutereva mbee, lukire yefo maakony akwe naambo mangyi toose ta ulana tikooye imanya sheelyi yewe mmbwe Nndumi Iruva, Iruva wa dede.

²⁰Nawe Isaya mwana wa Amosi karuma nrumi kwa Esekia eshambaa, Nndumi Iruva, Iruva wa Israeli aamba indi, “Kimmba mwammbika kiterewo uwe ya Senakeribu mangyi ya Ashuru shammiita kiterewo kyafo.

²¹Elyi llyo irero Nndumi Iruva aleamba kya mbony takwe, ‘Mwana wa kyen mfu wa Sayuni alekwiila; na ikwinyala nnu mfu wa Yerusalemu aring'isa nrrwe uwe yafo.’

²²“Ni vi kwankapa mungo na imwaarara? A ni wovi yeto kukeenkapya kyoorongye na ing'atuya miso? Uwe ya Mweele wa Israeli!

²³Kyeendwa ni kana kya mashinga afo Kwankaba mungo Nndumi Iruva wafo Kwaamba, Kya wiingyi lwa mitika akwa shitiri Shansaama shafika uwe mafumbu, Shafika alya nnang'ani kwa Lebanoni; Yeny shirummbwa mieresi yakwa myaasha, Na misonumbari yakwe misha; Na yeny shishaanga mmba kwakwe, Na yefo ireminy lyakwe lya miri.

²⁴Shansuma kirori na ina mura way, Kwa ngyayo ta marende akwa Shisheumisaa mira myoose ya Misri.

²⁵A ndesa yewe nkuleete sheelyi yeny mmbwe shitannyi indo ukkya kasha? Na yatana wukya elyo mbee Ulaalu yeny shammiinutya mbony yeyo Aveni mashora afo airumata miri yei Kutani kwava sama na marongyo

²⁶Kyeeri vandu vawo, valeanguywa ni finya, Vakatirwa mmbwerei, na isavaa, Vakavaka mare a maremeny, Vakavaka mar akee uwe kai na nganu yaanikwa kulare yambira?

²⁷“Indi shiishi ikaa rembo lyafo, Na isomuka lyafo, na yaanga na ngapanu yafo uwe yakwa.

²⁸Shammiita kyeenyafuka lyafo, na ishipoiyo mmbwa Ulaalu mmbo shikudoshya minga ya mmbwa, Na mfuma wakwa shikudoshye wa kana, Shikwindute kuwuye na yefo shia yeyo kulesha nayo.

²⁹“Wende kushelollya kwafo ni yeu: ‘Mwaka yeu mmbo mulyaa yefyo fyammya fyeni, na mwaka wa kavii mushelya fimu fya vayo, na mwaka wa kararu muvakye mbeu, na yuuluula, na iwaaya misabibu, na ndunda ta-vayo.’

³⁰Na misaarwe ilya ilekya yefo mmba ya Yuda ishemiisa miraan sumbai, na yefo uwe ishevika ndunda.

³¹Mashika misaaro isheuka Yerusalemu na valya vasheturunyaa, kulya ifumbuu lya Sayuni; vashesakirwaa kyuuka kwa Nndumi Iruva.

³²“Nndumi Iruva aamba indi, mangyi ya Ashuru. We nnyashaanga muriny yeu-fo, nta isalala mbee yakwa etiri mfe na ngao-fo nta ngiri-fo,

³³Shia ilya sheni alesha nayo, nnyo sheni ashekooya iwuya nayo; nta nnyashaanga kunu muriny yeu-fo, niindo Nndumi Iruva aamba.

³⁴Mashika mmbo shiringa muri yeu, na iukapannya kwa kimaruma kyakwa shimuni na kimaruma kya Davidi nndundi wakwa.”

³⁵Naasa kio kilya kyeni kukasha, nsu wa Nndumi Iruva kaolokya Vaashuri, vandu fiku makumi nyanya na varaanu vakakapwa. Na vandu vekwiipo ngama shuru, ate vandu valya woose mmbo vammefwa.

³⁶Naasa Senakeribu mangyi ya Ashuru kakwiipo naambo ashekaa Ninavi.

³⁷Naasa kyeeri afo avikaa mwiindye kyen kwa iruva lyakwe Nisroki, Adrameleki na Shareza Vakammanya na upanga vakarishya urukeny lwa Ararati. Na mwana wakwe Esar-hadoni kashillya ando akwe.