Read BIBILLYA Mareiyo Meele a Iruva 1 MBONY TA FYEERI 24 Bible Online

1 MBONY TA FYEERI 24 - BIBILLYA Mareiyo Meele a Iruva bible

1 MBONY TA FYEERI 24

¹Yeva mmbo vandu vaparikye yefo mmba ya Aron. Aron mmbo etiri vana vaana; Nadabu, Abihu, Eleasari na Itamari.

²Nadabu na Abihu vakafwa mbee ya nde-yaawo, nta kulare vantira vana, kwekyo vana va maye Eleasari na Itamari vakava vakohani.

³Mangyi Davidi, kasheseleesa vana va Aron, ngata vawonikye, na ilatya mashora awo. Nndu emweekya ishora yelyi ni, Sadoki mwana wa Eliesari, na Ahimeleki mwana wa Itamari:

⁴Kimmba veifo vasongoru veengi va kyuumi va mmba ya Itamari, mmba ya Eleasari mmbo yeseleeswa kwa vasongoru ikumi na varindaru, na va mmba ya Itamari ikaseleeswa kwa vasongoru nyanya.

⁵Kimmba veiyo vasongoru, na varundi va mashora yaa meele, mmba yeti ivii ya Eleasari na Itamari mmbo tekapywa kura.

⁶Nawe Shemaya mwana wa Natanieli, mwiireiya mbony, ekee Nlevi, kareiya ngyufyari yeti mbee ya mangyi Davidi, vaniini vakwe, nkohani Sadoki, Ahimeleki mwana wa Abiatari na vasongoru va mmba ta makohani na ta Valevi. Ufyari lwa Eliasari mmbo lweniingwa kura ivii, na ufyari lwa Itamari kura imwi.

⁷Kura ya mbee mmbo yewoya Yehoiaribu, ya kavii Yedaya

⁸ya kararu Harimu, ya kaana Seorimu,

⁹ya karaanu Malkia, ya karindaru Miyamini,

¹⁰ya mfungare Hakosi, ya nyanya Abiya,

¹¹ya kyeenda Yeshua ya ikumi Shekania,

¹²ya ikumi na lyimwi Eliashibu, ya ikumi na kavii Yakimu,

¹³ya ikumi na kararu Hupa, ya ikumi na kaana Yeshebeabu,

¹⁴ya ikumi na karaanu Bilka, ya ikumi na krindaru Imeri,

¹⁵Ya ikumi na mfungare Hesiri, ya ikumi na nyanya Hapisesi

¹⁶ya ikumi na kyeenda Petahia, ya makumi avii Yeheskeli,

¹⁷ya makumi avii na lyimwi Yakini, ya makumi avii na kavii Kamuli,

¹⁸ya makumi avii na kararu Delaya ya makumi avii na kaana Measia.

¹⁹Yeva mmbo vereiywa kweelatya ngata mashora awo, naambo vakooye yaanga yefo mmba ya Nndumi Iruva indeniingya-fo nndumwa, velatyaa uramba llwa lwemmbikwa nsaawoye waawo Aron, ngata evavasywa ni Nndumi Iruva, Iruva wa Israeli.

²⁰Yeva mmbo vana vengyi va Valevi; Umwi wa vana va Amramu ekee Shubaeli; wa Shubaeli ekee Yedeya.

²¹Umwi wa vana va Rehabia ekee Ishio nsongoru wa ufyari.

²²Umwi wa vana va Ishio ekee Shelomoti na wa vana va Shelomoti ekee Yahati

²³Vana va Yebroni vekee; Yeria wa mbee, Amaria wa kavii Yahaseeeli wa kararu, Yakameamu wa kaana.

²⁴Umwi wa vana va Usieli ekee Mika. Umwi wa vana va Mika ekee Shamire.

²⁵Umwi wa vana va Ishia mwanamaye wa Mika ekee Sekaria.

²⁶Vana va Merari: Mahli, Mushi, na Yaasia;

²⁷Vana va Merari kwa nsero wakwe Yasia; Shohamu, Sakuri na Ibri.

²⁸Vana va Mahli; Eleasar yeu nnyewonisa mwana-fo.

²⁹Kishi yeu etiri mwana umwi Yerameeli.

³⁰Mushi etiri vana vararu: Mahli, Ederi na Yeremoti. Kweelatya ngyufyari tawo, yeva ni vana va mmba ya Levi.

³¹Yeva woose mmbo vakapye kura kweelatya ufyari, nniini na yeto n-ndu, ndesa vetana valya va mmba ya Aron; Nawo mmbo vetana indo mbee ya mangyi Davidi, Sadoki, Ahimeleki na vasongoru vengyi va mmba ta makohani na mmba ta Valevi.