Read BIBILLYA Mareiyo Meele a Iruva 1 MBONY TA FYEERI 27 Bible Online

1 MBONY TA FYEERI 27 - BIBILLYA Mareiyo Meele a Iruva bible

1 MBONY TA FYEERI 27

¹Yeva mmbo vaniini va mmba ya vana va Israeli, yewo vekee vesalallya ndesa vekwaani, na veetori va mafiku na mayana verundyaa mangyi Davidi kwi makamba yaanga na isomuka. Wo mwiiri na wo mwaaka mbo kweifo vandu fiku makumi avii na vaana vekeyaanga mashoreny kwi makamba.

²Yeshobeamu mwana wa Sabdieli mmbwe nsongoru wa kironda kya mbee, kwikee mwiiri wa mbee; kironda kyakwe mbo kyetiri vandu fiku makumi avii na vaana.

³We mmbo ekee wa mmba ya Peresi, nawe mwiisalallya wa vaniini woose wa vekapana mwiiri ulya wa mbee.

⁴Davidi ekee nsongoru wa ironda lya kavii, mwiiri ulya wa kavii. Kironda kyakwe kyetiri vekapana fiku makumi avii na vaana.

⁵Mwisalallya ikamba lya kararu, lyitiri vekapana fiku makumi avii na vaana ekee Benaya mwana wa Yehoyada ulya ekee nkohani nniini.

⁶Benaya yeu ni ulya ekee nndu mwaami, nnang'ani ya ikamba llya lya vandu makumi araru nawe mmbwe ekee nsongoru waawo. Na mwana wakwe Amisabadi ekee mwisalallya.

⁷Asaheli, mwanamaye wa Yoabu, ekee wa kaana, nsongoru wa ikamba lya kaana lyitiri vekapana fiku makumi avii na vaana. Numa ya vayo nsongoru elatya ni mwana wakwe Sebadia.

⁸Mwiiri wa karaanu: Shamhuti, Mwisrahi; ekee na ikamba lya vekapana fiku makumi avii na vaana.

⁹Mwiiri wa Karindaru: Ira, mwana wa Ikeshi, Mtekoa; ekee na ikamba lya vekapana fiku makumi avii na vaana.

¹⁰Mwiiri wa mfungare: Helesi, Mpeloni, wa mwana wa Efraimu; ekee na ikamba lya vekapana fiku makumi avii na vaana.

¹¹Mwiiri wa nyanya: Sibekia; Mhushhati; wa Vasera ekee na ikamba lya vekapana fiku makumi avii na vaana.

¹²Mwiiri wa kyeenda: Abieseri mwana va Anatoti, va uftari lwa Benyaminy; nawe ekee na ikamba lyitiri vekapana fiku makumi avii na vaana.

¹³Mwiiri wa ikumi: Maharai, Mnetofati wa Vasera; nawe ekee na ikamba lya vekapana fiku makumi avii na vaana.

¹⁴Mwiiri wa ikumi na lyimwi: Benaya, Mpiratoni; wa vana va Efraimu, nawe ekee na ikamba lya vekapana fiku makumi avii na vaana.

¹⁵Mwiiri wa ikumi na kavii: Heldai, Mnetofati, wa Otrieli; yeu nawe ekee na ikamba lya vekapana fiku makumi avii na vaana.

¹⁶Yelu llo uramba lwa vaniini va vana va Israeli: wa Vareubeni, Elieseri mwana wa Sikri; Elieseri mmbwe ekee nniini wa vetori; wa Vasimeoni, Shefatia mwana wa Maaka

¹⁷wa Levi, Hashabia mwana wa Kemueli, wa Aron, Sadoki;

¹⁸wa Yuda, Elihu, umwi wa vana va maye va mangyi Davidi; wa Isakari, Omri mwana wa Mikaeli;

¹⁹wa Sabuloni, Ishmaya mwana wa Obadia, wa Naftali, Yeromoti mwana wa Asrieli;

²⁰wa Efraimu, Hoshea mwana wa Asasia; wa Kyenga isanga lya Manase, Yoeli mwana wa Pedaya;

²¹wa kyenga isanga lya Manade kulya Kiliedi, Ido mwana wa Sekaria, na Benyaminy, Yaasieli mwana wa Abineri;

²²wa Dani, Asareli mwana wa Yerohamu. Ewo mmbo vaniini va masanga a Israeli.

²³Mangyi Davidi nnyekyena valya vekee kwasi ya myaaka makumi avii-fo; mashika Nndumi Iruva emmbaarya kyaasa yeengera Israeli vave veengyi sha nyinyiri ta nginiiu.

²⁴Yoabu mwana wa Seruya epooka ivaekyena indilyo nnyemaa-fo. Mbony yei nnyesenya vana va Israeli-fo mashika nta na yeekyena llyevikwa fitabuny fya mangyi Davidi-fo.

²⁵Yeto mwisalallya umasi lwa mangyi Davidi ni Asmaweti mwana wa Adieli. Yonatani mwana wa Usia mmbwe esalallya masaa moose ekee mareminy, miriny, na fya kulya kyeny.

²⁶Yeto esalallya vandu vekee iremi ni Esri mwana wa Kalebi.

²⁷Yeto esalallya marema a misabibu ekee Shimei Mramati; Mwisalallya mfinyu ekee Sabdi, Mshifmi.

²⁸Yeto esalallya misabibu na mikuu ya Shefela ni Baal-hamani, Mkederi. Mwiisalallya mmba ta isuruma findo ni Yoashi.

²⁹Mwiisalallya findo fya mmba ilya yekee kulya Sharoni ekee Shitrai, Msharoni mwiisalallya findo ilya yekee kulya mamungony ekee Shafati mwana wa Adilai.

³⁰Mwiisalallya ngamula ekee Obili Mwiishmaeli. Mwisalallya mishungu ni Yasisi, Mhagri.

³¹Yewo woose mmbo vekee velola masaa a mangyi Davidi.

³²Yonatani, mmwana wa mangyi Davidi mmbo ekee umwi waawo, na nndu asomyi nisha na mwireiya mbony. We na Yehieli mwana wa Hekmoni mmbo velosha vana va mangyi

³³Ahitofeli ekee ngyama ya mangyi Hushai Mwirki, ekee mbuya ya mangyi.

³⁴Kyeeri Ahitofeli efwa, nndu evikwa-u ando akwe ni Yehoyada mwana wa Benaya na Abiatari. Yoabu mmbo ekee mwiisalallya vekapana va mangyi.