Read BIBILLYA Mareiyo Meele a Iruva 1 MBONY TA FYEERI 6 Bible Online

1 MBONY TA FYEERI 6 - BIBILLYA Mareiyo Meele a Iruva bible

1 MBONY TA FYEERI 6

¹Levi mmbo etiri vana vararu, Kershomu, Kohathi na Merari.

²Kohathi etiri vana vaana, Amramu, Ishari, Hebron na Usieli.

³Amramu etiri vana vavii, Aron na Mose, na mfu umwi irina lyakwe Miriamu. Aron etiri vana vaana, Nadabu, Abihu, Eliasari na Ithmari.

⁴Eliasari kaira Finehansi, Finehansi kaira Abishua,

⁵Abishua kaira Buki, Buki kaira Usi.

⁶Usi kaira Serahia, Serahia kaira Merayoti,

⁷Merayoti kaira Amaria, Amaria kaira Ahitubu,

⁸Ahitubu kaira Sadoki, Sadoki kaira Ahimaasi,

⁹Ahimaasi kaira Asariya, Asaariya kaira Yohane,

¹⁰Yohane kaira Asariya (Asariya yeu mmbwe ulya erunda mashora a ukohani kulya mmba ya Iruva ilya yetanwa mmangyi Solomoni kulya Yerusalemu).

¹¹Asariya kaira Amaria, Amaria kaira Ahitubu,

¹²Ahitubu kaira Sadoki, Sadoki kaira Meshulamu,

¹³Meshulamu kaira Hilikia, Hilikia kaira Asariya,

¹⁴Asariya kaira Seraya, Seraya kaira Yehosadeki,

¹⁵Yehosadeki kaenda usamiryon amwi na vandu va Yuda na Yerusalemu kyeeri Iruva mwaafinya evasamisa llya mangyi Nebukadnesa etiri ushilyi.

¹⁶Levi etiri vana vararu: Kershomu, Kohati na Merari.

¹⁷Wo umwi waawo etiri vana: Kershomu, eera Libni na Shimei;

¹⁸Kohati eera Amramu, Ishari, Hebron na Usieli.

¹⁹Nawe Merari keera Mehli na Mushi. Yeti nto mmba ta Valevi ngata ngyufyari tawo tiparikye.

²⁰Yeva valatya mmbo vana va Kershomu kupookya irika na irika. Kershomu eera Libni, Libni keera Yahati, Yahati kaira Siina,

²¹Siina kaira Yoa, Yoa kaira Ido, Ido kaira Sera, Sera kaira Yeatherai.

²²Yeva mmbo vana va Kohati kupookya irika na irika. Kohati eera Aminadabu, Aminadabu kaira Kora, Kora kaira Asiri;

²³Asiri keera Elikana, Elikana kaira Ebiasafu, Ebiasafu kaira Asiri,

²⁴Asiri kaira Urieli, Urieli kaira Usia, Usia kaira Shauli.

²⁵Vana va Elikana vekee vavii: Amasia na Ahimoti.

²⁶Na yeva mmbo vana va Ahimoti: Ahimoti kaira Elikana, Elikana kaira Sofai, Sofai kaira Nahati.

²⁷Nahati kaira Eliabu, Eliabu kaira Yerohamu, Yerohamu kaira Elikana.

²⁸Vana va Samueli vekee vavii Yoeli mwana wakwe mmbe, na Abiya mwanawo

²⁹Na yeva mmbo vana va Merari kupookya irika na irika: Merari kaira Mali, Mali kaira Libni, Libni kaira Shimei, Shimei kaira Usa,

³⁰Usa kaira Shimea, Shimea kaira Hakia, Hakia kaira Asaya.

³¹Yeva mmbo vandu mangyi Davidi evaniinga mashora eiimba yefo mmba ya Nndumi Iruva, kyeeri vemaa yeende-fo isanduku lya kyaasa.

³²Vakarunda mashora awo eiimba kyeeri kyoose yefo kundo isanduku lya kyaasa lyekai ivike kutani mangyi Solomoni amaa itana mmba ya Nndumi Iruva kulya Yerusalemu; Vakarunda mashora yoo nna uramba usha nnu.

³³Yeti nto ngyufyari terunda mashora yoo: Ufyari lwa Kohati: Hemani! Mwana wa Yoeli mmbwe eke nsongoru wa veembi va mbee. Yelu llo ufyari lwakwe kundo luparikye nafo Israeli: Hemani mwana wa Yoeli, mwana wa Samueli,

³⁴mwana wa Elikana, mwana wa Yohamu, mwana wa Elieli, mwana wa Toa,

³⁵mwana wa Sufu, mwana Elikana, mwana wa Mahati, mwana wa Amasi,

³⁶mwana wa Elikana, mwana wa Yoeli, mwana wa Asariya, mawa wa Sefania,

³⁷mwana wa Tahati, mwana wa Asiri, mwana wa Abisafu, mwana wa Kora,

³⁸mwana wa Ishari, mwana wa Kohati, mwana wa Lawi, mwana wa Israeli.

³⁹Mwana maye Asafu yeto eselelyi taari ya woko lwakwe usha. Ufyari lwakwe luparikye kwa Lawi: Asafu mwana wa Barekia, mwana wa Shimea,

⁴⁰mwana wa Mikaeli; mwana wa Baaseya, mwana wa Malkiya,

⁴¹mwana wa Ethini, mwana wa Sera, mwana wa Adaya,

⁴²mwana wa Ethani, mwana wa Sima, mwana wa Shima,

⁴³mwana wa Yahathi, mwana wa Kershomu, mwana wa Lawi.

⁴⁴Ethani wa ufyari lwa Merari, eke nsongoru wa veembi va kararu. Yelu ni ufyari lwakwe ndesa luparikye kwa Lawi: Ethani mwana wa Kishi, mwana wa Abdi, mwana wa Maluki,

⁴⁵mwana wa Hashapia, mwana wa Amasia, mwana wa Hilkia,

⁴⁶mwana wa Amsi, mwana wa Bani, mwana wa Shemeri,

⁴⁷Mwana wa Malili, mwana wa Mushi, mwana wa Merari, mwana wa Lawi.

⁴⁸Yevo vengi va mmba yei, mmbo vesauwa kya mashora moose a yeema lya mmba ya Iruva.

⁴⁹Aron na vana vakwe mmbo veniingya nsimbika uwe ya kitara kya irasya nsimbika wa ikora amwi na ifumbira ubani. Mmbo verunda mashora moose akwaani na ando yoo kweele kive ni kindo kyeyeengye Israeli wiitanu. Yefi fyoose mmbo fyerundika shaasa Mose ndundi wa Iruva ekeyaamba.

⁵⁰Yeva mmbo vana va Aron: Aron kaira Eliasari, Eliasari kaira Finehasi, Finehasi kaira Abishua,

⁵¹Abishua kaira Buki, Buki kaira Usi, Usi kaira Serahia,

⁵²Serahia kaira Merayoti, Merayoti kaira Amaria, Amaria kaira Ahitubu,

⁵³Ahitubu kaira Sadoki, Sadoki kaira Ahimaasi.

⁵⁴Kunu mfo kyeny kwawo na minyanu yaawo ndesa ikwaani; Vana va Aron ngata vekusauwa va mmba ya Vakohati;

⁵⁵yewo mmbo veniingwa muri wa Hebron kulya urukeny lwa Yudaya amwi na kundo kweiisa findo.

⁵⁶Indi-lyo marema a muriny na kundo kweiisa findo mmbo eniingwa Kalebi mwana wa Yefune.

⁵⁷Vana va Aron vakaniingwa miri kundo kweerishya ikee ni Hebron na kundo kweiisa findo, Libna, Yatiri na Eshtemoa amwi na kundo kweiisa findo.

⁵⁸Haloni amwi na kundo kweiisa findo,

⁵⁹Debiri, Ashani na Beth-shemesh amwi na kundo kweiisa findo.

⁶⁰Na valya va mmba ya Benyaminy vakaniingwa Keba na kundo kweiisa findo, Alemeti na Anatoti amwi na kundo kweiisa findo. Kwasanda miri yei myoose veniingwa mmbo yafika miri ikumi na iraru.

⁶¹Na kyenga kya vana va Kahoti valya vesaa vakaniingwa miri ikumi kyenga kya mmba ya Manase.

⁶²Na vana va Kershoni vakaniingwa miri ikumi na iraru sha ilya ya vana va maye; na valya mmba ya Iskari, Asheri, Naftali na Manasevalya vekee Bashani.

⁶³Na vana va Merari vakaniingwa miri ikumi na ivii sha valya va mmba ya Rubeni, Kati na Sabuloni.

⁶⁴Na vana va Israeli vakaniinga vana va Levi miri yeyo amwi na kundo kweiisa findo.

⁶⁵Na lyingi-se vakaniinga miri ilya ndesa ikeshisende marina kwi mmba, Yuda, Simoni na Benyaminy.

⁶⁶Na vengyi va mmba ya Kohati valya vefiitani nawo va mmba ya Efraim.

⁶⁷Vakaniingwa kundo kweerishya ikee ni Shekemu, na kundo kwawo kweisa findo kulya mafumbuu a Efraim na Kesari na kundo kwawo kweiisa findo.

⁶⁸Na Yokmeamu amwi na fyuungo fya vayo,

⁶⁹na Aiyaloni amwi na fyuungo fya vayo.

⁷⁰Kyenga kya mmba ya Manase Taanaki amwi na fyuungo fyavayo, na Ibleamu amwi na fyuungo fya vayo, kwa valya va mmba ya vana va Kohati.

⁷¹Na vana va Kersoni vakaniingwa kyenga kya mmba ya Manase, Kolani kulya Bashani amwi na fyuungo fya vayo, Ashitaroti amwi na fyuungo fya vayo,

⁷²na kulya ufyari lwa Iskari, Kishioni amwi na /debarati amwi na fyuungo fya vayo.

⁷³Remeti na En-kaminu amwi na fyuungo fyavayo.

⁷⁴Na kulya ufyari lwa Asheri; Mishali na Abdon amwi na fyuungo fyavayo;

⁷⁵na Helkati amwi na fyuungo fya vayo, na Rehobu amwi na fyuungo fya vayo,

⁷⁶na kulya ufyari lwa Naftali, Kadeshi kulya Kalilaya amwi na fyuungo fya vayo, na Hamoti na Kariataimu amwi na fyuungo fyavayo,

⁷⁷Nawo Valevi valya vesaa-fo, vana va Merari vakaniingwa uka ufyari lwa Sabuloni; Rimona amwi na fyuungo fyakwe, na Tabori amwi na fyuungo fya vayo,

⁷⁸na kwa kulya ya mura wa Yordan kulya ufyarin lwa Rubeni; Beseri kulya Kasa-koomu na Yahasa vakaniingwa amwi na fyuungo fya vayo,

⁷⁹na Kedemoti amwi na fyuungo fya vayo, na Mefaati amwi na fyuungo fya vayo,

⁸⁰na kulya ufyarin lwa Kati, Ramoti kulya Giliadi amwi na fyuungo fya vayo, na Mahanaimu amwi na fyuungo fya vayo,

⁸¹na Heshboni amwi na fyuungo fya vayo, na Yeseri amwi na fyuungo fya vayo