Read BIBILLYA Mareiyo Meele a Iruva 1 MBONY TA FYEERI 7 Bible Online

1 MBONY TA FYEERI 7 - BIBILLYA Mareiyo Meele a Iruva bible

1 MBONY TA FYEERI 7

¹Na vana va Isakari; Tola, Pafu, Yashubu na Shimroni, vana vaana.

²Na vana va Tola, Usi, Refaya, Yerieli, Yamai, Ibisamu na Shemueli, vaniini va vandeye vammba yaawo, vekee ni va Tola; vandu vanyaasi va fira, yefo ufyarin lwawo, yeva vekee ni vandu fiku makumi avii na vavii na mayana arindaru kyeeri kya Davidi;

³Na vana va Usi, Israhiah. Vana va Israhiah, Mikaeli, Obadia, Yoeli na Ishia, vaana woose vashilyi,

⁴Amwi nawo yefo ufyariny lwawo, yefo vandeye vawo vaparikye kweifo matorito a vandu va fira, vandu fiku makumi araru na varindaru mashika mmbo vakee vandu va vaka veengyi vakatira na vana veengyi.

⁵Vandu woose va mmba ya Iskari vakaekyenwa ni vandu fiku makumi nyanya na mfungare vandu vatakusu va fira.

⁶Vana va Benyaminy, Bela, Bekeri na Yediaeli, vararu.

⁷Na vana va Bela, Esboni, Usi, Usieli, Yerimoti na Iri, varaanu; ni vandu vasongoru, kwi mmba ta vandeye vawo, vandu vatakusu vafira, vakaekyenwa kwi mmba tawo ni vandu fiku makumi avii na vavii na makumi araru na vaana.

⁸Na vana va Bekeri, vekee Yoashi, Elieseri, Elioenea, Omri, Yeremoti, Abiya, Anatoti na Ameleti. Yewo woose ni vana va Bekeri.

⁹Nawo vakaekyenwa kwi mmba kundo vawonikye kwa vandeye vawo, vandu vasongoru vatiri finya, vatakusu vafira, vandu fiku makumi avii na mayana avii.

¹⁰Na vana va Yediaeli, ni Bilhani. Na vana va Bilhani, Yeushi, Benyaminy, Ehudi, Kenaana, Setani, Tarshishi na Ahishahari.

¹¹Yewo mmbo vana va Yediaeli, ndesa vakwaani yefo kwa vaniini va mmba ta vandeye vawo, vandu vatakusu va fira, fiku ikumi na mfungare na mayana avii vandu vatiri finya vashiidimaa ikapa fira.

¹²Ni amwi na Shupimu na Hupimu vana va Iri. Hushimu vana va Aheri.

¹³Vana va Naftali, Yaseeli, Kuni, Yeseri na Shilemu vana va Bilha.

¹⁴Vana va Manase, Asrieli ulya nka-ammi emmbona kammbonnya na Makiri ndeye wa Giliadi;

¹⁵Nawe Makiri keepoo nka kwa Hupimu na Shupimu yeva vekee va mmba ya Maaka; na wa kavii evangwaa Selofehadi; na Selofehadi etiri mfu.

¹⁶Na Maaka ndeyaanka wa Makiri, kammbonnya mwana kammbaanga Pereshi, na mwanamaye evaangwaa Shereshi; vana vakwe vekee ni Ulamu na Rakemu.

¹⁷Na vana va Ulamu, Bedani. Yewo mmbo vana va Giliadi, mwana wa Makiri; mwana wa Manase.

¹⁸Na mwanamaye Hamoleketi, kaira Ish-hodu, Abieseri na Mahlah.

¹⁹Na vana va Shemida vakee Ahiani, Shekemu, Liki, na Aniamu.

²⁰Vana va Efraimu; Shutela, kaira vana, nawo ni Beredi, Tohati, Eleada, Tahati,

²¹Sabadi, na Shutela. Efraimu etiri vana vengyi kuutafo Shutela. Nawo ni: Eseri na Eleadi, yeva vavii mmbo vewaawa veshivaa ng'umbe ta vandu va uruka lwa vandu va Kati.

²²Ndeye waawo Efraimu kavaiiya andu a mikonu miingyi na vandu va mmba yakwe yakasha ishensaiya.

²³We kakwaanya-se na nka wakwe vakawona mwana ungyi wa vomi vakammbaanga Beria, kimaruma kya ngapo na maariso alya ekooya mmba yakwe.

²⁴Efraimu etiri mfu, evaangwa Sheera, katana miri ya uwe na si, ikee Beti Haroni, na Ussen-sheera.

²⁵Efraimu etiri mwana wa vomi, nawe evaangwa Refa; na yewo valatya va mmba yeyo ni; Reshopi, Tela, Teha,

²⁶Ladan, Ammihudi, Elishama.

²⁷Nuni, na Nuni kaira Yosua.

²⁸Minyanu yaawo kundo vekai, taari ya ngama kuringitye miri ya Beteli na kundefika Naroni na taari ya nkwaany kundekooya Kesa na miri myoose iringitye yefo mbai ya vayo. Kutani kundekooya miri myoose ya Sheshemu na Aya ndesa ivaringitye.

²⁹Na yefo minyanuny ya vana va Manase; Bet-sheani na miri yakwe; Tanaki, Megiddo, Dor na miri yakwe; Yefo miriny yeyo nndu ekaa-fo ni Yosefu mwana wa Israeli.

³⁰Yewa mmbo vana va Aseri, Imna, Ishva, Ishvi na Beria. Va mmba yaawo Sera.

³¹Na vana va Beria vekee Heberi na Malkieli (ulya ekee ndeye wa Birsaiti).

³²Na Heberi kaira Yafleti, Shomeri, Hotumu, na vana vamaye va Shia,

³³na vana va Yefleti, Pasaki, Bimhali, na Ashivati. Yewo mmbo vana va Yafleti.

³⁴Na vana va Shemeri; Ahi, Roka, Yehuba, na Aramu.

³⁵Na vana va mwanamaye Helemu, Sofa, Imna, Sheleshi, na Amali.

³⁶Vana va Sofa; Sua, Harneferi, Shuali,

³⁷Beri, Imra, Beseri, Hodu, Shama, Shilsha, Itirani, na Beera.

³⁸Na vana va Yeteri; Yefuna, Pispa, na Ara.

³⁹Na vana va Ula; Ara, Hanieli, na Risia.

⁴⁰Yewo woose mmbo vana va Aseri, vasongoru va mmba ta vandeye vawo. Vandu vasauwe. Vatakusu va fira, vasongoru va mashehe. Na yekyena lya yewo vesauwa vakandekapa fira yefikye vandu fiku makumi avii na varindaru.