Read BIBILLYA Mareiyo Meele a Iruva 1 MBONY TA FYEERI 9 Bible Online

1 MBONY TA FYEERI 9 - BIBILLYA Mareiyo Meele a Iruva bible

1 MBONY TA FYEERI 9

¹Vandu woose va Israeli vakaekyenwa mmba kwi mmba na kundo vaparikye nafo, mbony yeto mmbo tikee shireiye yefo Kyitabuny kya vamangyi va Israeli. Vandu va Yuda, vakakamarwa mifungwa fika Babilony, kimaruma kya marekwa awo.

²Na vandu va mbee yewo vekaa ushilyiny lwawo, kunu miriny yaawo vekee Israeli, vakohani, Valevi, na Vantini.

³Na yefo Yerusalemu vandu vekaa-fo maata vekee vana va Yuda, vana va Benyaminy, vana va Efraimu na Manase.

⁴Utai mwana wa Amihudi, mwana wa Omri, mwana wa Imli, mwana wa Bani, mwana wa Peresi mwana wa Yuda.

⁵Na wa Vashiloni; asaya, mwana wa mmbe wa vana vakwe

⁶Na wa vana va Sera, Yeuli, vana va maye, vandu mayana arindaru na makumi kyeenda,

⁷na va vana va Benyaminy, Salu, mwana wa Meshulamu, mwana wa Hodafia, mwana wa Hesenua;

⁸Ibneya mwana wa Yehoram, Elah mwana wa Usi, mwana wa Mikri, Meshulamu mwana wa Shafatia, mwana wa Reueli, mwana wa Ibniya.

⁹Na vana va maye, ndesa vakwaani, vandu mayana kyeenda na makumi araanu na varindaru. Vandu yewo woose mmbo vekee vasongoru va mmba ta vande vawo, ndesa vawonikye mmbeny tawo.

¹⁰Yefo kwa vakohani; Yedaya, Yehoyaribu, Yakini,

¹¹Asaria, mwana wa Hilkia, mwana wa Meshulamu, mwana wa Sadoki, mwana wa Meyaroti, mwana wa Ahitubu, nsongoru wa mmba ya Iruva.

¹²Adaya mwana wa Yerohamu, mwana wa Pashuri, mwana wa Malkiya, na Maasai mwana wa Adieli, mwana wa Yasera, mwana wa Meshulamu, mwana wa Meshilemiti, mwana wa Imeri;

¹³Vasongoru va ngyufyari ta vande vawo, amwi na vana vamaye vawo, vandu kyiku kyimwi mayana mfungare na makumi arindaru vandu vatiri wiidimi uniini lwa irunda mashora yefo mmba ya Iruva.

¹⁴Yefo kwa Valevi; Shemaya, mwana wa Hashubu, mwana wa Asrikamu, mwana wa Hashabia, wa vana va Merari;

¹⁵Bakibakari; Hereshi; Kalati, Matania, mwana wa Mika mwana wa Sikri, mwana wa Asafu,

¹⁶Obadia mwana wa Shemaya, mwana wa Kalali, mwana wa Yudutuni; na Berakia, mwana wa Asa, mwana wa Elkana, valya vekaa fimiriny fya Vanetofati.

¹⁷Na valya veeringa ngiri Shalumu, Akubu, Talmoni, Ahimani, na vana va maye vawo; na Shalumu mmbwe ekee nsongoru waawo.

¹⁸Yeva mmbo vekee varingi alya mwaangon wa mangyi taari ya ngama. Yewo mmbo vekee varingyi va vana va Valevi.

¹⁹Shalumu we mwana wa Kore, mwana wa Ebiasafu, mwana wa Kore, amwi na vana va maye va ufyari lwa ndeye, Vakora mmbo vasalallya mashora yoo a uringi lwa ngiri ya Nndumi Iruva yoo mwaangony.

²⁰Nawe Finehasi, mwana wa Eliasari, mmbo ekee nsongoru waawo elyo mbee, nawe Nndumi kammbikya ngarami.

²¹Sakaria mwana wa Meshelamia, mmbwe ekee mwiiringa alya mwaangon wa yaanga ikwaanuny lya ikwaanannya.

²²Yeva woose vesauwa kya mashora yoo aliwarya vandu alya mwaangon vekee vandu mayana avii na ikumi na vavii. Nawo mmbo veekyenwa kweelatya ngyufyari tawo kundo vaparikye, Davidi na Samweli mwiisalallya mbony yeyo vakavarambikya mashora yoo.

²³Naasa vandu yeva amwi na vana vawo mmbo vekee veeringa yoo mwaangon we yaanga ngiriny ya mmba ya Nndumi Iruva kwi makamba.

²⁴Varingyi yewo mmbo vekee taari shoose yiinya, taari ya ngama, taari ya nkwaany, taari ya ndoo, na taari ya sinde.

²⁵Na vana va maye vawo va yefo miriny yaawo, vakavikywa uramba lwa ikwaanannya wo nkonu wa mfungare, kwi makamba naambo vakooye yaakana amwi.

²⁶Mashika varingyi yewo vaana, ni Valevi na vasongoru va mashora yoo esalallya fimmba na masaa moose ekee yefo mmba ya Iruva.

²⁷Nawo vakalala iringitya mmba ya Iruva, mashika mmbo vekee vaniinge mashora yoo a uringyi, amwi na mashora a irrwa mwaango nniini ngama wo nkonu.

²⁸Na vengyi nnang'ani yaawo vakaniingwa mashora a isalallya fiyya fya nnduma, ifyeekyena fishiipowaa na iviirwa.

²⁹Na vengyi maata vakarammbikywa mashora a ilola fiyya fya yefo kyeny, na fyoose fya mashora yoo meele, fikee ni nswa mmamiri, na mfinyu, na mafura, ubani na mafura a fwaama.

³⁰Na vana va makohani maata vakadeesya nsasando wa mafura afwaama.

³¹Nawe Matitia umwi wa Valevi, mwana mmbe wa Shalumu, Nkora mmbwe erammbikywa findo fyoose fikee fikaare.

³²Na vengyi nnang'ani ya vana va Vakohati, vakawa vesalallya mikate ilya ya nndumwa mweele wa nkonu wa Nndumi.

³³Na lyingyi yeva mmbo vekee veembi, vasongoru yefo ngyufyari ta vande vawo Valevi, vakawa veesinda yefo mmba kio na nsanyiny kulaifo irunda ishora lyingyi.

³⁴Yeva vekee vasongoru va mmba ta vande vawo kwa Valevi, nnang'ani ya ngyeeri tawo toose, na kundo vekaa ni kulya Yerusalemu.

³⁵Naasa kulya Kibea ni ndeye wa Kibea nawe evangwaa Yeieli, na nka wakwe evaangwa Maaka;

³⁶Mwana wakwe mmbe, ni Abdon, na Suri, na Kishi, Baali, Meri, Nadabu,

³⁷Kedori, Ahio, Sekaria, Mikloti.

³⁸Mikloti kaira Shemea. Yewo nawo mmbo vekaa na vana va maye vawo kulya Yerusalemu; veefitani nawo.

³⁹Nawe Neri kaira Kishi. Kishi kaira Sauli. Sauli kaira Yonatani, Malkishua, Abinadabu na Eshibaali.

⁴⁰Mwana wa Yonatani ekee Meribaali, na Meribaali kaira Mika,

⁴¹Na vana va Mika ni; Pitoni, na Meleki, na Tarea.

⁴²Ahasi kaira Yara; na Yara kaira Alemeti, Asmaweti, Simri. Simri kaira Mosa.

⁴³Mosa kaira Binea. Binea mwana wakwe kavangwa Refaya, na mwana wa Refaya ni Eleasa, mwana wa Eleasa ni Aseli;

⁴⁴Aseli etiri vana varindaru, na marina awo ni Asrikamu, Bokeru, Ishmaeli, Shearia, Obadia na Hanani. Yeva woose mmbo vekee vana va Aseli.