Read BIBILLYA Mareiyo Meele a Iruva 2 MBONY TA FYEERI 2 Bible Online

2 MBONY TA FYEERI 2 - BIBILLYA Mareiyo Meele a Iruva bible

2 MBONY TA FYEERI 2

¹Mangyi Solomon kasherumbwa shila itana mmba kwa irina lya Nndumi Iruva, amwi na itana mmba yakwe ya kimangyi.

²Karuuya womi fiku makumi mfungare vekurika mario, fiku makumi nyanya veepasha mawe ooka nturu, na vengyi fiku firaru na mayana arindaru vasheva veesalallya vawo.

³Solomon karuma nrumi kwa Hiram mangyi ya Tire, kammbia, “Shimannya urungo, shallya kwemannya nde-akwa, Davidi, llya kwenrwaaya mieresi kyeeri kilya eketana mmba ya umangyi.

⁴Kammbia, Ni kufii shipoke itana mmba ando kweiindya Nndumi Iruva, Iruva wakwa, shisheivauwa, nayo shishevikau ando kweefwallya ubani lutiri nrungo nsha, na andu kwevika mikate ya nndumwa kyeeri kyoose na firaso fyemamitwa, ngama na nkwaany, na mikonu myeele myoose ya Nndumi Iruva, na mikonu ya mapookyony a mwiiri, na mikonu itiri kiimuyo kya yiindya Nndumi-Iruva, Iruva weeru shaasa lyikee ivavaso lya vana va Israeli llung'anu.”

⁵“Mmba yei shikundye itana mmbo ivaa mmba shiniini nnu, mashika Iruva wakwa mmbo akee nniini kailanya maruva engyi moose.

⁶A mboviiny ashiidimaa intannya mmba, kwakooya nalakee ang'annya yefo nginii-u, naakwa ni ngina yeto ta uwe ya vayo? A-yen ni vovi-ro, kutani shantannya mmba, kuuta ando kwefwallya ubani-nsi?

⁷“Naasa ulaalu shirikya nndu atiri wiidimi lwa isongosya findo fya saabu, fesa arera na minya, na soori ta fwana ya sambarau, na fwana idodorye na fwana ya matambo-tambo, na nndu mwiishopa yeva mmbo vasherunda na valya vengyi vensawuwa ni nde yakwa Davidi kulya Yudaya na Yerusalemu vakee na yeny.

⁸Na lyingyi shakutereva kushirikye mieresi, miboroshi na misandali yuuka yefo Lebanini, mashika kwiifo vandu veepara mbau vesha. Nawo varundi vakwa mmbo vasheakana amwi na varundi vafo;

⁹naambo vaidimi ishiutya mbau shiingyi, mashika mmba yeyo shikunndye itana ni mmba shisha na shiniini nnu.

¹⁰Kindo shishekuniinga kya varundi yewo vafo kyikee ni shoonga, ni nganu shikoninde tani mayana avii, nswa va nganu tani mayana avii, lita ta mafura fiku mayana aana, na lita ta mfinyu fiku mayana aana.”

¹¹Nawe Hiramu, mangyi ya Tiro: karikya Solomon barrwa kammbia, “Kimmba Nndumi Iruva akunndye indo vandu kakuvika yewe kuve mangyi yaawo

¹²Narumishwa Nndumi Iruva, Iruva wa Israeli; yeto atannyi iruveeu na ulana! Yeto aniingye mangyi David mwana nrilalyi, atiri urango na makusaro mesha akatannya Nndumi Iruva mmba, na mmba ya umangyi.

¹³“Ulaalu mmbo shikekurikya mfuru nsha atiri urango uniini nnu lwa mashora yaa, na irina lyakwe avangwaa Huramu-abi,

¹⁴mwana umwi wa vefu va Dani, na ndeye ekee umwi wa vandu va Tiro. We ni nndu atiri wiidimi uniinikya mashora yaa, eetana na ishopa mmba. Kamanya na ngata ya isoma na ilatya mareiyo akwaani na mbony ta itana mmba, ngata ya irunda na isasanda fwana ta wo ngata ta ishopa mmba saabu, fesa, arera, minya, mawe naakwa ni miri ya mbau. We yeto mmbo asherundaa amwi na varundi vafo varundi va Nndumi wakwa Davidi we nde wafo.

¹⁵“Ulaalu nnndumi wakwa, findo yefyo kwaamba: fikee ni nganu, nswa wa nganu, mafura na mfinywa firumye varundi vafo.

¹⁶Na yese mmbo lukuparya mbau ngata kukundye tuuka kunu Lebanoni; lushetifinga amwi, lushetivika mureny tisoke fika Yopa. Kuuka yefo kushetirwaa Yerusalemu.”

¹⁷Mangyi Solomon kaamba vandu veny woose vakee urukeny lwa Israeli vaekyenwa. Yeekyena yelyi nshallya ndeye Davidi etana. Kweifo vandu veny vefikye kyiku kyimwi na makumi araanu na vararu, na mayana arindaru.

¹⁸Nnang'ani yaawo, vandu fiku makumi mfungare kavaniinga mashora a ikurika mario, fiku makumi nyanya vakawa veepasha mawe, na vengyi fiku firaru na mayana arindaru vakawa veesalallya mashora.