Read BIBILLYA Mareiyo Meele a Iruva 2 MBONY TA FYEERI 27 Bible Online

2 MBONY TA FYEERI 27 - BIBILLYA Mareiyo Meele a Iruva bible

2 MBONY TA FYEERI 27

¹Yotamu mmbo eva mangyi etiri myaaka makumi avii na iraanu. Kashillya Yerusalemu ando a myaaka ikumi na irindaru. Maaye evaangwa Yerusha mfu wa Sadoki.

²Yotamu mmbo evaka ndeye kwa mitannyi yakwe; ikasenya Nndumi Iruva. Indi-lyo nnyaanga mmba ya Iruva-fo. Vandu vakeengera itana fya ulyamari.

³Yotamu mmbwe etana mwaango wa taari ya ndoo wa mmba ya Iruva, karundya nnu isimamba lya muri wa Yerusalemu uvaangwaa Ofeli.

⁴Katana miri kulya mafumbuu a yuda, na kundo kutiri nturu katana-fo turuve na minara

⁵Kakapana fira na mangyi ya Vaamoni, kammbinga we na vandu vakwe. Kyikawa ni kuti vaniingye mangyi Yotamu usanu ando a myaaka iraru; kilogramu ta arera fiku firaru na mayana aana, nganu tani kyiku kyimwi, na shairi kilo kyiku kyimwi,

⁶Yotamu kava nndu atiri wiidimi kimaruma kya yiinndya Nndumi Iruva, Iruva wakwe.

⁷Mashora akwe engyi moose mangyi Yotamu atannyi kyeeri kya umangyi lwakwe, mmbo fikee fireiye yefo fitabuny fya mbony ta Vamangyi va Israeli na Yuda.

⁸Yotamu kyeeri eva mangyi mmbo etiri myaaka makumi avii na iraanu, kashillya Yerusalemu ando a myaaka ikumi na irindaru.

⁹Kafwa karikwa muriny wa Davidi, na mwana wakwe Ahasi kava mangyi ando akwe.