Read BIBILLYA Mareiyo Meele a Iruva ESRA 2 Bible Online

ESRA 2 - BIBILLYA Mareiyo Meele a Iruva bible

ESRA 2

¹Yeva mmbo vandu va urukeny valewuya wooka ushingeny kwa valya vesamiro ni Nebukadresa mangyi ya Babilony kavaroo ushingeny efo Babilony, mmbo valewuya Yerusalemu na Yudaya wo umwi muriny mmbwakwe.

²Vasongoru vawo ni Serubabeli, Yosua, Nehemia, Seraya, Reelaya, Mordekai, Bilshani, Mispari, Bingwai, Rehumu na Baana, kyalatya ni yeekyena lya vandu woose wa ngyufyari ta Israeli valewuya wooka usamirony:

³Vana va Paroshi fiku fiivii na iyaana makumi mfungare na vawii,

⁴vana va Shefatia mayana araru makumi mfungare na vavii,

⁵na vana va Ara: mayana mfungare makumi mfungare navaraanu;

⁶Vana va Pahat Moabu vawonikye efo kwa Yosua na Yoabu: fiku fivii mayaana nyanya ikumi na vavii

⁷vana va Elamu: kyiki kimwi mayana avii makumi araanu na vaana;

⁸na vana va Satu: mayana kyeenda makumi aana na varaanu;

⁹Vana va Sakai: mayana mfungare na makumi arindaru.

¹⁰Vana va Binui: mayana arindaru makumi aana na vavii;

¹¹Vana va Bebai: mayana arindaru makumi avii na vararru;

¹²Vana va Asgadi: kyiku kimwii mayana avii makumi avi na vavii;

¹³Vana va Adonikamu: mayana arindaru makumi arindaru na varinndaru;

¹⁴Vana va Bigwai fiku fivii na makumi araanu na varindaru,

¹⁵na va Adini mayana aana makumi araanu na vaana;

¹⁶Vana va Ateri yeto evaangwa Esekia: makumi kyeendaa na nyanya

¹⁷Vana va Besai: mayana araru makumi avii na vararu;

¹⁸Vana va Yora, vekee iyana lyimwi ikumi na vavii;

¹⁹vana va Hashumu: maayana avii makumi avii nnavararu;

²⁰Vana va Gibeoni: makumi kyeenda na varaanu.

²¹Vana va Betlehem: iyana lyimwi makumi avii na vararu,

²²Vandu va Netofa: makumi araanu na varindaaru

²³Vandu va Anatoti: iyana lyimwi makumi avii na nyanya.

²⁴Vana va Asmaweti: makumi aana na vavii;

²⁵Vana va Kiriat-yearimu Kefira, na Beeroti: mayana mfungare makumi aana na vaaru;

²⁶Vana va Rama na Geba: mayana arindaru makumi avii na umwi,

²⁷Vandu va Mikimashi: iyana lyimwi makumi avii na vaavii

²⁸Vandu va Beteli na Ai: mayana avii makumi avii na vararu.

²⁹Vana va Nebo: makumi araanu na vavii.

³⁰Vana va Magribi: iyana lyimwi makumi araanu na varindaaru.

³¹Vana va Elamu: kyiku kyimwi mayana avii makumi araanu na varindaaru.

³²Vana va Harimu: mayana araru na makumi avii.

³³Vana va Lodii Hadidi na Ono: mmayana mfungare makumi avii na varaanu.

³⁴Vana va Yeriko: mayana araru makumi aana na varaanu.

³⁵Vana va Senaa: fiku firaru mayana arindaru na makumi araru. [Yewo valewuya kyeny ni mayana araru makumi kyeenda na vavii]

³⁶Makohani: Vana va Yedaya wa mmba ya Yosua: mayanaa kyeenda makumi mfungare na vararu;

³⁷Vana va Imeri: kyiku kimwi na makumi araanu na vavii;

³⁸Vana va Pashuri: kyiku kimwi mayana avii makumi aana na mfungare.

³⁹Vana va Harimu: kyiku kimwi na ikumi na mfungare.

⁴⁰Vandu va ufyari lwa Valevi: Vana va Yosua na va Kadmieli vana va Hodafia: makummi mfungare na vaana.

⁴¹Vana va Asafu vekee veembi: iyana lyimwi makumi avii na nyanya.

⁴²Vana va vesalala ngirinyi, vana va Shalumu na Ateri na va Talmoni vaana va Akubu na vana va Hatita na vana va Shobai, woose ni: iyana lyimwi makumi araru na kyeenda.

⁴³Vana va Siha, vana a Hasufu vana va Tabaohi na

⁴⁴vana va Keroosi, vana va Siaha, vana va Padoni.

⁴⁵Vana va Lebana vana va Hagaba, vana va Akubu

⁴⁶vana va Hagabu, vana va Shamlai, vana va Hanani.

⁴⁷Vaan va Gideli vana va Gabri vana va Reaya.

⁴⁸Vana va Resini vana va Nekoda, vana va Gazamu.

⁴⁹Vana va Usa vana va Paseaa, vana va Besai

⁵⁰vana va Asna vana va Meuniumu, vana va Nefisimu.

⁵¹Vana va Bakibuki, vana va Hakufa, vana va Harihuri,

⁵²vana va Basiluti vana va Mehida vaana va Harisha.

⁵³Vana va Barikosi, vana va Sisera, vana va Tema,

⁵⁴Vana va Nesia na vana va Hatifa.

⁵⁵Vana va varundi va Solomoni vana va: Sotai, vana va Sofereti vana va Peruda,

⁵⁶Vana va Yaala, vana va Darkoni na va Gideli.

⁵⁷Vana va Shefatia, vana va Hatili, vana va Pokereti Sebbaimu na vana va Amon.

⁵⁸Yekeena lyoose lya varundi amwi na vana va varundi va Solomoni vekee mayana araru makumi kyeenda na vavii

⁵⁹Valatya ni valya valeuka Telmela, Telhersha, Kerubu, Adani na Immeri, llyo mmbaleidima yooora mmba ta vande-awo-fo, nta ngyeri tawo sheelyi mmba Israeli-fo.

⁶⁰Vana va Delaya, vana va Tobia na vaan va Nekoda mayana arindaru makumi araanu na vavii.

⁶¹Na vana va makohani: Vana va Habaya, vana va Hakosi, vana va Barisilai (yeto eorye nka ookye vefuny va Barisilai va mmba ya Giliadi nkyo kavaangwa kwa irina lyawo).

⁶²Nkyo yeva mmbaleirikywa varunde mashora a ukohani-fo, mashika valeekenwa sheelyi mmbo vakureveesye.

⁶³Nshilyi wa Kiyuda kavavia shelyi mmbashiidimaa ilya shoonga yootwa kirasofo kutani kwakoya aiyo nkohani ashiidimaa ivesa Urimu na Thumimu.[1]

⁶⁴Ikwaanu lyoose lya vandu valevuya ni: fiku makumi aana na fivii mayana araru makumi arindaru.

⁶⁵Amwi na yewo kweifo varundi va kyuumi na va kyika: fiku mfungare mayana araru makumi araru na mfungare, na veembi va kyuumi na va kyika mayaa avii,

⁶⁶frasi: mayana mfungare makumi araru na irindaru; nyumbu mayana avii makumi aana na isaanu,

⁶⁷na ngamula mayana aana makumi araru na isaanu, na mishungu fiku firindaru makumi mfungare na makumi avii.

⁶⁸Kyeeri maata ya fisongoru va ngyufyari tawo llya valefika Yerusalemu mmbo valeanga na efo mmba ya Nndumi Iruva vakaniingya firaso fyawo fyetana lyingi mmba ya Iruva ya mwiindye ando alya a mapookony.

⁶⁹Mmbo valeningya firaso shaasa valeidima kwa mashora yoo, kiraso kilefika kilo mayana araanu ta saabu, kilo fiku fivii mayana nyanya; ta fesa na soori iyanna lyimwi kwa makohani.

⁷⁰Naasa makohani na Valevi na vandu vengyi maata mmbo valekaa muriny Yerusalemu na kufii na Yerusalemu, veembi, varingi va mmba ya mwiindye na varundi mmbo valekaa miriny yaawo. Vaisraeli yewo vengyi mmbo valekaa miriny ilya ya ukuuny lwawo.