Read BIBILLYA Mareiyo Meele a Iruva NEHEMIA 6 Bible Online

NEHEMIA 6 - BIBILLYA Mareiyo Meele a Iruva bible

NEHEMIA 6

¹Naasa, kyeeri Sambalati na Tobia na Geshemu na vakiduva veru valevio sheelyi lwantana isimamba nta kulakiifoo ando kwarewau, (na kyikava nta llwembika myaango ya ngiri).

²Sambalat na Geshemu vakaruma nrumi kwakwa yaamba, “Osho lushekwaananya kulya kyaandany kya Ono,” vai naambo vandeshikaba.

³Neeny shaviira nrumi shavavia, “Mmbo shitiri ishora yuumu. A mmbo mashora asalalaa shaambe mmbo shasha neefo mukai?”

⁴Nawo vakashirikya nrumi yei kaana sele, neeny shiiraa shilerouwa indo indo.

⁵Naasa Sambalat karuma ishinga lyakwe lyimwi, lya karaanu, eerye barua.

⁶Nayo mmbo ikeeshireiye indi, “Mmbo kiishiwa ulaniny koose, nawe Geshemu niindo-da aveishi, sheelyi yewe na Vayuda mmbo mukundye ilema ushilyi lwiiyoo, nkyo kilemweengye mukatana isimamba yeto, naambo kuvashillye yewe, niindo kiishiwa.

⁷Neewe kwavika vanabii naambo vakuvie mbony efo Yerusalemu, vakuvie kwiifo mangyi kunu Yuda.” Naasa mangyi nkuti nandevio mbony yeti Oshony, “Naambo lusherera luvavii.”

⁸Nalyo shanrumya nrumi, shambia, “Nkwiifo kindo lulentana kivakye yekyo kwaamba-fo, nnyewe kumuni-da kwakunda yaamba indo.”

⁹Yewo woose vakeerera mmbo vakelweerese, naambo lulemwa irunda mashora yaa. Kyeendi lyo ulaalu mmbo shikaaryaa mmwasi.

¹⁰Shandefika kwa Shemaya mwana wa Delaya, mwana wa Mehetabeli ekee mfinge, kaamba, “Lundekwaananya kulya mmba ya Iruva, lundevika myaango ya vayo, mashika vakeshekuwaa, mmbo vashaa kwiikee kio.”

¹¹Neeny shambia, “A yeny nshiidimaa irisha? A yeto ni vi, kwakooya ni nndu sha yeny, nasheanga neefo mmba ya Iruva nasheovya fo, nshishendaa-fo.”

¹²Naasa shamanya nshi nkisuku wa Iruva yeto-fo, mmbo alekurerya kyesheerese. Ni Tobia na Sambalati tishi valembika naambe indo.

¹³Mmbo alerumwa-da nashesheerese, naambo shilyamare, naambo valyamare irina lyakwe.

¹⁴Woi Iruva wakwa, lola Tobia yeu na Sanbalat shaasa vakeetana, na nnabii nka yeto Noadia, neewo vengi veekundye isheerese.

¹⁵Nalyo isimamba yeto ukamarisyo itano nkonu makumi avii na karaanu wa mwiiri wa Eluli, Mashora yoo mmbo aleiboo mikonu makumi araanu na ivii.

¹⁶Vakiduva veru vekiita ando amwi na valya valuringitye valaishi Iruva, woose vakairyaa vakafwa nrima deny, vakamanya ni Iruva muni alelusalallya.

¹⁷Fyeeri filya vasongoru va Yuda vakeengye Tobia barua shiingyi.

¹⁸Mashika kweifo vandu veengi va Yuda vemmuvikya kyaasa, mashika elyi ekee nkwe wa Shekania mwana wa Ara, na mwana wa Yehohanani akee mwana wakwe mmbo eerye mfu wa Meshulamu wa Berekia.

¹⁹Nawo vakashoongoya meshaa Tobia, navo vakavembia mbony takwa. Tobia nawe kashirikya barua teesheerese.