Read BIBILLYA Mareiyo Meele a Iruva YOBU 12 Bible Online

YOBU 12 - BIBILLYA Mareiyo Meele a Iruva bible

YOBU 12

¹Llyo Yobu karouwa:

²Yee! Yeni ni vandu va urango usha. Urango usha lushefwaa kyeeri mushefwaa.

³Na yeny da shivekee nndu shiishi sheeni. N shikee nndu mfwafwa ngota yeni-fo Fyoose mwarera wo nndu eeshi.

⁴Shammba kindo kya iseta kwa mbuya takwa: Yeny sheterevaa Iruva kashirouwa; Yeny shikee nndu nsaari shilatiri mbese, shammba kindo kya iseta vandu.

⁵Nndu atiri ifura mmbo ainyala kiiyo; kwakwe kiiyo mmbo kisheyaa valya verendeya.

⁶Ando a vasoki atiri ufoo; vesia Iruva mwaandu vakee na ufoo finya yawo ni iruva lyawo.

⁷Indi vesa mafisi a ngoroshony nawo vakuloshaa; vesa ndeye nato tikuviaa.

⁸Ao vesa myooro nayo ikuloshaa; rera na makunga nangu akuongoyaa.

⁹Mmbi nnang'ani ya fyuumbe efyo, alaishi sheelyi Nndumi Iruva mmbwe atanyi efyo?

¹⁰Muu wa kyuumbe kyoose kikee na muu mmbo ukee maakony akwe; ando amwi na muu wa nndu wa vandu.

¹¹A kuri n kaesaa marero sheelyi ulumi lushoshaa shoonga?

¹²Urango usha llukee kwa vamiku, na muu mwaasha

¹³Indi urango usha na wiidimi ni fya Iruva, we mmbwe atiri urango na umanyo.

¹⁴Kawuundwa nkwiifo nndu ashiidimaa itana wiiya-fo, kafinga nndu, nkwiifo nndu ashiidimaa imporommwa-fo.

¹⁵Kaima mmbwa, lukawoywa ni mwi, kairuya uruka lukaishwa mura.

¹⁶We mmbwe atiri finya na urango usha; weelembwa na veelemba mmbakwe.

¹⁷Kaveera ngyama vakaenda mbereto, na yaallwa verummbwa myaandu iva varung'ani.

¹⁸Mmbo auta vamangyi fitiminy fyao fya umangyi, na ivafinga kyoove kya ushinga;

¹⁹Kaveera vakohani vaende mbereto, na ituula vaafinya.

²⁰Mmbo asokaa vasongoru wiidimi lwao lwa irera, kavesoka na vamiku urango lawo usha.

²¹Kapusuya vanini sony, kavauta vatiri finya wiidimi lwao.

²²Mmbo asukkwa ireema yuu piti na yeende seny fikee ireeminy.

²³Ang'anisa masanga, kaveamamita mmbo avafumbutaa numa kaararata.

²⁴Mmbo autaa fisongoru wiidimi lwao, mmbo avatevetaa vararaa kasa koomu kulatiri shia,

²⁵Vakawowora ireeminy kundo kulatiri sa; naa ivaallwa vasingesinge sha vanangwa.