Read BIBILLYA Mareiyo Meele a Iruva YOBU 13 Bible Online

YOBU 13 - BIBILLYA Mareiyo Meele a Iruva bible

YOBU 13

¹Lola, yefyo fyoose mmbo shilefilollya na miso akwa; shaveefiita na maarwi akwa shimuni shaveitumuso.

²Fyoose mwiishi na yeny mmbo shivefiishi. Yeny n shikee nndu mfwafwa-dwa-fo ngota yeni-fo.

³Indi mmbo shekundaa irera na Iruva muni finya, shilanngye ikureeka mbee ya Iruva.

⁴Indi yeni mmbo mukeeiamba uteeri yeela; yeni moose ni vaanga mulavaa nta kindo.

⁵Nkyeni mwemalallyaa sau, kikusarwa sheelyi mukee vandu vatiri urango usha!

⁶Shaaranyiny ulaalu, shaaranyiny shikuvikkye ukureekyi.

⁷A mmbo mukusarye mukerunndya Iruva mwireraa wongo? Mukusarye irera kwa ntambo nkyindo kyemwekkya we?

⁸A ndesa mmbo mukeesa ikundya Iruva? A ndesa mummbiiyaa vakurekyi mwanduny?

⁹A ndesa kumusairye eni mukkyaa? Ao mmbo mukusarye mushiidimaa ilemba Iruva sha vandu?

¹⁰N kya usumanu we amukyemmyaa, kwa kooya mushooraa kikundyo kirisi.

¹¹A ndesa itumbe lyakwe llimweresye? A ndesa m mukeewoywa mbwerei kimaruma kyakwe?

¹²Mirerye yaany n fyaaso fya ifu, marero any turuve ta uteeri.

¹³Malallyeny, shirere, Kishikooye yekyo kishikooyaa.

¹⁴Shiirikkye naakwa ni ireta muu wakwa;

¹⁵Iruva nashiwaa kankunda, nshitiri kyeretafo, naakwa ni indo shishekureekya kya muu wakwa mbee yakwe.

¹⁶Kwa kooya shishiidimaa llyo shivaa shamvinga, mashika nndu nravi n nashiidimaa yeenda mbee yakwe fo,

¹⁷aranyiny marero akwa na nshusshwa, mavavasyo akwa naange maarwiny any nisha.

¹⁸Mwaandun wakwa mmbo shamudesya kisumani, nkya dede yeny n shitiri kindo shirengyefo.

¹⁹Mmbi asheesa marero akwa? Shiirikkye imalallya na ifwa.

²⁰Iruva vakwa shimannya findo efi fivii tupu, nshikusurumaa kwaasha neewe fo:

²¹Kya mbee shiutyau woko lwafo lukeshikapa, na kulashimamite na weresi lwafo

²²Pooka irera shikurouwaa. Ao yeny shapooka neewe kurouwe?

²³Kindo shirenngye na ulyamari lwakwa n lo kyi? Shimanyissya kindo shirengye na ulyamari lwakwa.

²⁴N kiki kukeallwa allwa kisangu kyafo kwaasha? N kimaruma kyi kukeshitannya sha nkiduva wafo?

²⁵A mmbo kusherese imburu likevivitwa ni uraato, ao irishya muulu.

²⁶Yewe mmbo kwaallwa mwaandu nroo, kwaveshirika ulyamari lwa ukoo lwakwa.

²⁷Kwashifinga mise marendeny, kwavemanya myeengye yakwa myoose, na ngyayo takwa kwativikkya ufishyo.

²⁸Na yeny shafurumya sha nri upooye, sha soori yalyiwa n kurukuru.