Read BIBILLYA Mareiyo Meele a Iruva YOBU 16 Bible Online

YOBU 16 - BIBILLYA Mareiyo Meele a Iruva bible

YOBU 16

¹Llyo Yobu karouwa:

²Mbony sheeto mmbo shilentiita kyeengyi; yeni mmbo mukee veeviryamuu valya valyisaa vandu ukyiva.

³Ufishyony lwa marero awo a ruu ni indii? Ao nkyokyi kishiidima ikuna nndu arouwe?

⁴Kukooye yeni mwekee sha yeny, na yeny shive mmbwe yeni, sheshiidimaa irera sheeni, sheidimaa ikusara marero akwaani, na iring'isa nrwe wakwa.

⁵Sheshiidimaa imuviirya muu na marero akwa, 1na marero akwa emuviiryaa muu.

⁶Indi shaamba mavavio akwa nnyakee malalya-fo, na shasyado nta nnyakee enda-fo.

⁷Ni dede Iruva anshikurusa kalyamara wo kindo kikee kufii.

⁸Kashalwa shanaa, na elo ni uvingyi lwakwe kwakwa. Iniiya lyanshikooya na ikureeka lyakwa kwakwe.

⁹Kashirandwa kwa unyafi lwakwe na ishisua; kashisea mayoo, na nkiduva akwa kashinduya miso.

¹⁰Vandu vakeeshinyala na ishiseka; maronda kwa maronda vakee shirunguka, na ishikapa ngyoi ngushuny takwa.

¹¹Iruva ashivika maakony a vandu variiti, na isheera maakony a varavi.

¹²Shekee ifureny indi kashifisha-fisha, kashitumwa singo na ishipara fiparwe fiparwe kashaalua kindo kya ikapa mife yakwe.

¹³Kashikapa mife uka taari shoose. Kashipara syo alakee ishilyillya, na udwa kapusua sumbai.

¹⁴Mmbo ashifisha na ishikapa lyingi na lyingi; kashiwoya sha nsikari.

¹⁵Shakushonnya masara a makunnya, usuri lwakwe shalweera kilulyiny.

¹⁶Kisangu kyakwa kyandodora kimaruma kya iiya, fidongo fyakwa fyammba fyuu piti;

¹⁷Ra na elyi kulaore shallammya nndu na woko lwakwa, na fiterewo fyakwa kwa Iruva n fyaa.

¹⁸Ewe ulana kulasikkye samu yakwa yapusuka; kiiyo kyakwa nkikwaani wo ando.

¹⁹Shiishi na nshushwa shitiri nkureekyi wakwa iruveeu, mwirera ando akwa akee efo uwe.

²⁰Mbuya takwa vakeishiinyala; shapusukwa m misoru shiterevaa Iruva.

²¹Nkyeni nndu eshireryaa mbee ya Iruva, sheelyi kitanikaa ulaniny nnang'ani ya vandu vavii.

²²Yee, myaaka yakwa myaangu, neeny shisheendaa efo kulaore shivuyaa lyingyi.