Read BIBILLYA Mareiyo Meele a Iruva YOBU 17 Bible Online

YOBU 17 - BIBILLYA Mareiyo Meele a Iruva bible

YOBU 17

¹Shanfikwany ni nrima, mikonu yakwa yansia, kifu kyakwa kyammaa idesyo.

²Ni dede veshiinnyala vashiringitye, fiinyalo fyawo shifilollye paa.

³Woi Iruva, kuve nkara wakwa mbee yafo, mashika nkwiifo ungyi wa ishiviya nkara fo.

⁴Kimmba kwansikkya urango lwa mbuya takwa; kulavare vashivinge.

⁵Nndu mwiriingya mbuya takwe kya mbusha, vana vakwe vafwaa miso.

⁶Shammaaluwa kindo kya iseta vandun shamba nndu wa iesellywa minyiiri.

⁷Miso akwa amba ireema kwa ivavio; filungo fyakwa fyoose fikava sha kirishe.

⁸Vasaari mmbo vakeetingwa elyi valollya nrenga yakwa, na valatiri mbese vakulollyaa mbee ya nndu vakusarye nnyakee mwiindya Iruva fo.

⁹Naakwa ni indo, mworotu mmbo atiraa usumanu lwakwe, nndu mwitana fya usumanu nnyaengeraa itira finya mmwasi.

¹⁰Indi yeni oshony, oshony lyingyi woose se, nnang'ani yaany n shiwonaa atiri urango usha nta umwi fo.

¹¹“Mikonu yakwa yamisia, uramba lwa mashora akwa lwamfishwa, ivika nsia lya nrima wakwa lyammaya.

¹²Kwa yewo mbuya takwa kio kwawo ni nsanyiny; A nkyo kyeamba nkwiifo sa kunu ireeminy?

¹³Kimmba kwa vafu mfo mmba yakwa, na ando akwa ekaa nnyakee efo ireeminy.”

¹⁴kwakooya kifu “Nndeye akwa,” na mbuu, “Mma wakwa” ao “Mfwama.”

¹⁵A mmbo shasaa na nsia ki? Mmbi ashiidimaa ilollya nsia eto?

¹⁶Ivika nsia lyakwa lyishoololaa kwa vafu! Mmbo lushoolokaa we vavii kufike efo kiluulyiny.