Read BIBILLYA Mareiyo Meele a Iruva YOBU 18 Bible Online

YOBU 18 - BIBILLYA Mareiyo Meele a Iruva bible

YOBU 18

¹Naasa Bildadi Mshuhi karouwa:

²Mmbo kusyaa marero a irera kufike indii? Kusununde nisha neese lurere.

³Nkyiki kukee kwaalwa sha ng'umbe? Ni inda kukelwaalwa masembo?

⁴Yewe mmbo kwakuratwa-ratwa kumuni kwa unyafi lwafo. Nkukusarye ulana llurewaa nrabu kimaruma kyafo Ao mafumbu akasamiso nauke ando avayo?

⁵“Yee, sa ya nndu nravi irumyoo; Muro wa vayo mmbumikaa-fo.

⁶Kyeny kwakwe sa ni ireema Taa immikkyaa irumyoo.

⁷Irambu lyakwe lyaasha lyifiswaa; Mialye yakwe intulaa si.

⁸Ngyayo takwe muni tinrwaa nreiyony; Wo kyeeri nyasheendaa eekwaananyaa na nreiyo.

⁹Nreiyo umwaraa tutuny, Nsoori unkamare tabu.

¹⁰Ansurumyo nsoori uteriny; Ambikkyo nreiyo nshieny yakwe.

¹¹Weerei uniini llumweresee wo taari, Lunlatyaa wo ando ashendaa.

¹²Etiri finya indi ulaalu shaa yamusisya; Ngatara tikee kufii tintuule.

¹³Ndwari sheesi ikaperesha shonyi yakwe, Mavina a ufu akalya filungo fyakwe.

¹⁴Akekuruwa mmbeny evikye nsia, Na irawa kwa mangyi ya weeresi.

¹⁵Mmba yakwe ya ruu vengyi vakaefo; Mawe a kiberiti ammaalalwa ando akwe ekaa.

¹⁶We nnyakee sha nri wammuuma mirarii, Maramba a vayo akanaa.

¹⁷Urukeny nkwiifo nndu ankummbwaa-fo; Irina lyakwe llyikisendwaa lyingi shia-fo.

¹⁸Amwuutwa seny kaerwa ireeminy; Kaumbutywa kwaasha kautwa ulaniny.

¹⁹Nnyatiri vana nta vashuku-fo; Nkwiifo nta ngyeeri yakwe-fo.

²⁰Vandu va taari ya nkwaany vanting'wa kya efyo filenkooya, Weresi lukawoya vandu va taari ya ngama.

²¹Yefyo mfyo fikooyaa vandu valaindyaa Iruva; Yoo mmbu ando a valaishi Iruva.”