Read BIBILLYA Mareiyo Meele a Iruva YOBU 27 Bible Online

YOBU 27 - BIBILLYA Mareiyo Meele a Iruva bible

YOBU 27

¹Yobu kaengera irera kaamba:

²“Shakulyisya mboo kwa Iruva akee na muu, Yeto aleshiuta usumanu lwakwa, Iruva muni finya aleallwa muu wakwa wiishwe mavavyo!

³Nshalya mboo sheelyi kyeeri ekyi shikeidima yeeng'a, Mumuyo wa Iruva wiikee nnang'ani yakwa;

⁴kana kyakwa nkarera wongo ttwa-fo, Nta ulumi lwakwa irera ulembi-fo.

⁵Nshishiidima yaamba sheelyi yeni mmbo mukeamba dede ttwa-fo, Kufike ifwa lyakwa nkeamba nshitiri mbese-fo.

⁶Mmbo shitira woorotu lwakwa, nta n-shilulekeyaa-fo; Nnang'ani yakwa n shitiri kya ikuutya uvingo muuny wakwa-fo.

⁷Ra nkiduva wakwa navake nndu yeto llyang'a, Yeto akwiipo ishisakira akapwa sha nkasha.

⁸Nndu nalaindyaa Iruva nkyi avikkye nsia, Kyeeri Iruva amweraa sakkyeny, kamwuuta muu wakwe?

⁹A elyi awaywaa nrenga, Iruva ashiita kiiyo kyakwe?

¹⁰Nravi n nashiidimaa ifura mbee ya Iruva muni finya fo; Nnyashiidimaa isinda eterevaa Iruva fo.

¹¹Shimuloshaa mirumbuye ya Iruva shaasa ikai, Nshimusurumaa mialye yakwe Iruva muni finya-fo.

¹²Indi yeni mwiishi mbony yei nisha nnu! A ni indany mwarera usembo?

¹³Yekyi nkyo Iruva avikkye nndu nravi, Akemwaavye mwilamya ni ekyi:

¹⁴Vana vakwe na vakawa veengyi mmbo vawawaa na usu; ngyeeri takwe mbawonaa shoonga ivafye fo.

¹⁵Valya vakkyau mmbo vafwaa na ndwari sheesi, vaka vawo va dingu nta mmbavaa iiya fo.

¹⁶Naakwa asangyiryaa fesa sha kiluulyi, na soori sha uteri lwa yuumba nungu,

¹⁷nasangyirye da, indi mworotu mmbwe ashetiraa, na fesa takwe mmbo vakwaavyaa vandu valatiri mbese.

¹⁸Mmba itanwaa ni nndu nravi n sha ruu ta mbuu, n sha itengo lya nringyi nndeny.

¹⁹Mmbo andelalaa isimba, indi ni lya ifurumya; mmbo atarammbwa miso akwe, na usimba lwakwe lulemmaya!

²⁰Weresi lummboyaa sha mura mwiingyi; kio awoywa nkitita si.

²¹Urato lwa taari ya ngama lumbivitaa asarumyi; lumwaiyyaa kwaashaa nauke ando akwe.

²²Uraato elo llumboyaa lulatiri ulyilyi; akuutaa ilurishaa indi nkivaa kya ruu.

²³Uraato luntatalaa erishaa, na insumya uka ando akwe.”