Read BIBILLYA Mareiyo Meele a Iruva YOBU 3 Bible Online

YOBU 3 - BIBILLYA Mareiyo Meele a Iruva bible

YOBU 3

¹Ufishyony Yobu kapooka irera kadenga nkonu wakwe wa iwonika.

³“Uve ndenge nkonu ulya shewonika; Kio kilya kyeambawa, ‘Mwana wa womi ankufingwa’

⁴Nkonu yeto uve wa ireema! Iruva wa iruveu nalakusare kya vayo! Nta ulavaiywa ngesa-fo!

⁵Mirikosi na ireema luwoye nkonu yeto, mafishi maroo ausikye, Ireema lya nsanyiny lyiuerese!

⁶Kio yekyo ireema iroo likiwoye! Nta ulaekyenyywa mikonuny ya mwaaka, nta ulawikwa yekeneny lya mikonu ya mwiiri-fo.

⁷Ee, kio yekyo kiwe kyuumba, unyanga lwa ifura lulaitiwa-fo-fo.

⁸Veefusa va mikonu vaudenge, ikindo lyilya Leviatani vaudenge.

⁹Nyinyiri-ta vayo ta ngama tiwoyo ni ireema ulangye iwona sa ya makya, nta ulalollye sa ya makya.

¹⁰Mashika kio yekyo nkyefinga nsanga va ma, nta mmbwesuruma ngatara shire shilalollya-fo.

¹¹Nkyi kyeima shilafwe llya shewonika, shiuke ndewuny na isarumya?

¹²Nkyiki mama-akwa eshiira? Nkiki elyi sheonga mavee?

¹³Mashika nkwekooya nsherikwa, kirumwa; n shekooya nshearwa na iimuya.

¹⁴Ando amwi na vamangyi na vashilyi va ulana, vekusongosya nisha sama tawo;

¹⁵Shevaa amwi na vaniini valya vetiri saabu, veishurye mmba tawo pesa shapu.

¹⁶Ao nkyi kyeima shilave sha urio lwalyamarika, ee sha mwana awonika afiyye?

¹⁷Efo kwa vafu varavi mmbatarisaa nndu fo, efo vandu vaaraye mfo vaimuyaa.

¹⁸Efo vafingwa vafuraa ando amwi nta m mbaitaa unyanga lwa mwisalallya-fo.

¹⁹Vaniini na vadu mfo vakai, na mashinga awonaa uleke kwaasha na vanndumi vawo.

²⁰A n kyeeki imikkya akee ngatareny; na muu ulya arovyo nriminy?

²¹Nndu alangye ufu nalakeefwa; mmbo aruuya ufu ngota nndu aruyaa masaa

²²Nndu sha yeto mmbo eekapaa ndoro na ifura, mmbo efuraa elyi afwa na irikwa!

²³A nkyeekyi iruiya nndu shia takwe tikee shifinge, nndu Iruva ammbikye kifingyony?

²⁴Mashika ikunarya nto nkate wakwa, ikwaarwa lyakwa likava sha mura usheekaa.

²⁵Kilya shikiereiye nkyo kyashiwoya, kilya shakiouwa nkyo kyashikooya.

²⁶N shitiri ufoo nta kiimuyo-fo, ngatara tanshiisima.”