Read BIBILLYA Mareiyo Meele a Iruva YOBU 7 Bible Online

YOBU 7 - BIBILLYA Mareiyo Meele a Iruva bible

YOBU 7

¹Nndu wa vandu atiri ngapanu ulaniny, na mikonu yakwe ivakkye ya nndu wa weesi lwa nkonu!

²We n sha ishinga lyilangye kirishe, sha nndu wa mashora averaa na sina weesi lwakwe.

³Naasany mmbo shikee mwekennyi miiri na miiri ya kisisa kyakwa ni misoru kio fika kio.

⁴Shiilalaa nkeyaamba, “A ni indii shikupoo lyingi?” Mashika fyeeri fya kio n fyaasha nnu, shakubirimita-birimita kitareny kufike kwakya.

⁵Mwiili wakwa wamisshwa matiinga na kirinda, shonyi yakwa ikauma pony shaukwa ni usia lwa yuure.

⁶Mikonu yakwa ikaveira veru sha kireto kya mwifuma soori, nato tikafika ufisshony kulaifo kindo shivikkye nsia.

⁷Kummbwa, muu wakwa ni mumuyo-nsi; iriso lwakwa n lilollyaa usha loose lyingi-fo

⁸Nndu akeeshilola ulaalu n nakishilollyaa-se lyingyi-fo, veru kwashilla kukooyaa shamberuka.

⁹Sheelyi ifishi linnyaa na isarummya, ni indo na vandu vaolokaa kwa vafu valakivuyaa-se.

¹⁰Mwi enda n navuyaa lyingyi kwa vandu vakwe-fo, na alya eekaa kukarekyeka swany.

¹¹Kwa yekyo shishiima kana kakakwa irera fo; mmbo shireraa kya irovyo nnu nriminy, shidyaa kya ivavyo nnu ni muu.

¹²A ndesa yeny ni yeewe ao ifisi lya yeeveny kutani kwashivikkya nringi?

¹³Shaamba, “A shiimuye ya kitareny, kyiri kyakwa kishiimurisaa na ishiangurya n diyyo wakwa.

¹⁴Yewe kwasha isherese na maorya, kwashimattwa na myoore;

¹⁵kutani shalollya ng'waana shikuvanike, shilla n kyeni ifwa ngota mavavio yaa.

¹⁶Shammisua muu wakwa n shikaa na muu llung'anu fo. Shireny, mashika mikonu yakwa ni uraa nsi!

¹⁷Nndu wa vandu n kyokyi kutani lwansara? A nkyikyi kunkusaryaa kyakwe?

¹⁸Yewe mmbo kushensengeraa wo nkonu ngama, wo kyeeri kwashemweesa!

¹⁹Mmbo kusheengeraa ishilola kufike indii, nta nkushiraa se shimire nta maare?

²⁰Naakwaa shatana ulyamari, mmbo kikuvavye fo kyi yewe mwisallwa vandu? A nkyikyi kwashaallwa kiteve kya ngapo yafo A ndesa yenyy n shammba irio kwafo?

²¹A nkyikyi kulashifwaaye ulyamari lwakwa? Na ishuuta uravi lwakwa? Llyo yeny mmbo shishaarwaa si kifuny, kushiruuyaa, indi nshikikoywau lyingi fo!”