Read BIBILLYA Mareiyo Meele a Iruva SABURI 132 Bible Online

SABURI 132 - BIBILLYA Mareiyo Meele a Iruva bible

SABURI 132

¹Woi Nndumi Iruva kummbwa Davidi Na ngatara takwe toose,

²Kimmba alevikya Nndumi Iruva kyaasa eekumbwaa kilya. Alevikya Mwaafinya wa Yakobo kyaasa, eshaambaa,

³“Nshishaangaa yeemeny lyakwa; Nta nshisaamaa kitareny shilale

⁴Na nta shirengeyaa shilale-fo

⁵Kutani shaonisya Nndumi Iruva, Ave ando a Mwafinya wa Yakobo ekaa.”

⁶Mukummbuye mmbo luleeta mbony takwe kulya Efrata; Kulya nndeny wa Yearim.

⁷Syeny ndifony lwaange mmba kwakwe; Lundeinndya yoo kitiminy kya yeekerya marende akwe.

⁸Woi Nndumi Iruva kwiipoo kwaange usuriny lwafo, Na isanduku lyafo lya kyaasa kya wiidimi lwafo.

⁹Vakohani vafo vaoniseu usumanu; Vesha vafo vafuryeu.

¹⁰Kimaruma kya nsero wafo Davidi, Kulasheeviira nsero wafo mwaambe mafura numa.

¹¹Nndumi Iruva mmbo alevia Davidi irero lya dede, kyeyaamba: “Nta nnyashelyiteereefo, Vafyari vafo mmbo nshevaniingaa kitima kya ushilyi.

¹²Kwakooya vana vafo varinga fyaasa fyakwa Na irero elyo nshevaloshaa, Na vana vafo nawo mmbo vashekayaa kiri kyafo kya itumbe llunng'anu.”

¹³Mashika Nndumi Iruva mmbo alesauwa Sayuni; Kalanga nakee-fo llunng'anu.

¹⁴“Yaa nng'u ando akwa a ifura llunng'anu,” Yaa nng'u nshekaa mashika elyi shankunda-u.

¹⁵Na shoonga tafo mmbo nshetivikyaa mbora dede Na vandu vafo shivawuutise.

¹⁶Na vakohani vafo shivalyimye ukiro; Na veele vakwe vashekabaa ukoru.

¹⁷Nangu nng'u nsheningyaa Davidi wombe lwa ishillya; Nawe Mwikira Nndundi mwaambe mafura wakwa nawone taa.

¹⁸Nawo vakiduva vakwe mmbo vashewonaa isuka, Kyeendi we ni ureto lwa usuri.