Read BIBILLYA Mareiyo Meele a Iruva SABURI 135 Bible Online

SABURI 135 - BIBILLYA Mareiyo Meele a Iruva bible

SABURI 135

¹Haleluya, Nga'niseny irina lya Nndumi Iruva! Yeni varundi vakwe, nndumisheny!

²Yeni veesalala mmba ya Nndumi Iruva, na Iruva weeru,

³Nganiseny Nndumi Iruva kimmba Nndumi Iruva akee nsha; Irina lyakwe mmbo lyisenyi, naasa mwiimbyeny.

⁴Mashika Nndumi Iruva mmbo alesauwa Yakobo nawe wakwe, Na Israeli vave vandu vakwe muni.

⁵Mashika Nndumi Iruva ni nniini, niindo shirikye Nawe Iruva weeru mmbo ailanyi maruva moose.

⁶Nndumi Iruva mmbo aletana fyoose fikasenya, ulaniny na iruveeu Efo yeevny na efo si ya yeeve.

⁷Niwe yeto arosa nsiny wakwe wuuka si, Kaveende mmbwa ya fimwii, keende na ngyuraato.

⁸Mmbwe yeto alemamita findo fivee fya Misri, Fya vandu na fya findo fingi fyoose.

⁹Misri ikarikyo ngyende yeto toose tikaawuta; Farao na vandu vakwe woose vakalollya.

¹⁰Kakaba vandu va masanga meengyi Kawaa vamangyi vafinya

¹¹Sihoni we mangyi ya Vaamori, Na Ogu wa Bashani, Na ngyumangyi toose ta Kanaani.

¹²Kaniingya ngyuruka tawo tive ding'u ya Israeli wo vandu vakwe

¹³Irina lyafo llya llung'anu, woi Nndumi Iruva, Nalyo lyishereemyoo llung'anu na llung'anu, woi Nndumi Iruva.

¹⁴Kimba Nndumi Iruva mmbwe ashesalallyaa vandu vakwe, Nalyillye vasero vakwe.

¹⁵Mafwanu a vandu va masanga mfesa na saabu, Fikee mashora a maaka a vandu.

¹⁶Mmbo atiri kana lyo nalareraa, Akatira miso lyo nalalollyaa!

¹⁷Akatira maarwi lyo nalashiitaa Nta alatiri mumuyo-fo.

¹⁸Yewo valevaumba mmbo vasheavakaa, Na woose yewo vaavikye nsia niindo vashevaa.

¹⁹Yeni ufyari lwa Israeli, rumisheny Nndumi Iruva! Neeni va mmba ya Aron, rumisheny Nndumi Iruva!

²⁰Neeni va mmba ya levi, rumisheny Nndumi Iruva! Neeni moose veyiindya Nndumi Iruva, nndumisheny-te!

²¹Nawe Nndumi Iruva narumishwa uka Sioni, Neewo vakee Yerusalemu, ambeny, Haleluya