Read BIBILLYA Mareiyo Meele a Iruva SABURI 143 Bible Online

SABURI 143 - BIBILLYA Mareiyo Meele a Iruva bible

SABURI 143

¹Woi Nndumi Iruva arannya fiterewo fyakwa; Kwaarannyi fyeerero fyakwa! Kushirouwe kyeendwa ni usha lwafo na usumanu lwafo.

²Yeny nsero wafo kulashikabe! Mashika yoo kwafo nkwiiyoo atiri usumanu-fo.

³Mashika nkiduva mmbo akeeshilyingya, kalanga ishimamita. Kashivika ireeminy shavaka nndu ammaa ifwa.

⁴Shaawukwa mmuu shava sheelyi shamfwa,

⁵Mmbo shakumbwa kasha. Shakumbwa mesha afo moose. Na mashora a maako afo.

⁶Mmbo shakooroya yewe maako akwa shikuterevaa. Mmbo shitirwa nnyura neewe shavaka uruka lulatii mura.

⁷Woi Ndumi Iruva kushirouwe swany, elyi shammeefwa nrima, Nta kulashisurumi kisangu kyafo, Shilashevaka yewo vakeerekya kifuny.

⁸Shikumbura isarya lyafo wo nkonu ngama, Mashika elyi shikuvereye yewe, Mmbo shikuvereye yewe, Kushoore shia nshekwiiryaa.

⁹Woi Nndumi Iruva shaauwa vakiduva vakwa; Mmbo shakurishya Yewe, kushoovise.

¹⁰Kushiloshe ivallya neefyo kukunndye, Elyi kukee Iruva wakwa, Mumuyo wafo nsha nashiore shia ya usumanu.

¹¹Woi Nndumi Iruva kushiirye muu, kimaruma kya irina lyafo. Kwaauwe ngoo yakwa ngatareny kimaruma kya usumanu lwafo.

¹²Kyeendwa niisrya lyafo kufwallye vakiduva vakwa mbai Kumamite yewo woose vakeeshisisya yeny, Mashika yeny mmbo shikee nsero wafo.